Бірлескен ортаны құру

«Бірлескен оқу ортасын ұйымдастыру»

Түркістан облысы, Мақтаарал ауданының адами әлеуетті дамыту бөлімінің ұйымдастыруымен Абай атындағы № 17 жалпы орта мектебі коммуналдық мемлекеттік мекемесінде Тәуелсіздіктің 30 жылдығы қарсаңында жаңартылған білім беру мазмұны бойынша «Бірлескен оқу ортасын ұйымдастыру» атты аудандық жетекші мектептермен оқу семинары болып өтті. Мақсаты: Жетекші және серіктес мектептердің арасындағы кәсіби ынтымақтастықты бірлесе отырып қалыптастыру;қоғамдастық арқылы ой бөлісу,тәжірибе алмасу,білім мен біліктілікті дамыту,Тәуелсіздіктің 30 жылдық мерекесі қарсаңында «Шаңырақ » жобасы аясында қоғамда әкеге деген құрметті арттыру.

Семинарға жетекші және серіктес мектеп үйлестірушілері, тренерлер, сабақты зерттеу үдерісі бойынша оқыту топтары,желілік қоғамдастық мүшелері қатысты.Мектеп дәлізінде «Тәуелсіздіктің 30 жылдығына» арналған қол өнер көрмелері қойылды. Семинарға келген қонақтарды ватцап желісіне тіркеп,кері байланыс бағдарламасының http: // www.seminar-abai.kz/ сылкасымен семинарға кері байланыс беретіндіктері түсіндірілді.Семинарды Мақтаарал ауданының адами әлеуетті дамыту бөлімінің әдістемелік кабинетінің меңгерушісі Ұ.Исламова, Абай атындағы № 17 ЖОМ-нің директоры М.Утегенова ашып берді.

Семинар бардарламасымен жетекші мектеп үйлестірушісі Г.Еримбетова таныстырып,онлайын кері байланыс беретіндігін түсіндіріп өтті.

Семинардың ашылуы барысында мектеп оқушылары өздерінің А.Құнанбаев, Ы.Алтынсаринге арналған өлеңдерін оқып, «Еркеназ» би тобының «Кең жайлау» биін билеп, Айдарбек Кәусардың орындауында «Қазақстан» әнін орындады.

Жетекші мектеп тренері Н.Спанов «Оқыту мен оқудағы бірлескен жұмыс» тақырыбында баяндама оқыды.

Семинардың бірінші кезеңінде А.Дәрменшиева «Жануарлар саны неге азайды?» тақырыбында 3 «Б» сыныбына, А.Абдинова «Living things» тақырыбында 5 «Б» сыныбына зерттеу сабақ өткізді.Бақылаушылар серіктес мектептерден Х.Доспанова ЖОМ-нен М.Ергешова , Нұрлы таң ЖОМ-нен Ж.Ширинбаева ,Шұғыла ЖОМ-нен А.Темиралиева зерттеу сабақтарына 3 күн бойы бақылаушы болды. М.Нурова ,Т.Достаев 10 «А» сыныппен кіріктірілген сабақ өткізді.

Семинардың екінші кезеңінде серіктес мектеп тренері Х.Доспанова ЖОМ-нің тренері А.Пратаев «Олқылықтарды жою мақсатында сабақ жоспарын ұйымдастыру» тақырыбында шебер сабақ, Қ.Алтынбек серіктес мектептердің жас мамандарымен «Бағалауға арналған тапсырмалар бойынша бөлім аралық және тоқсандық жиынтық бағалауды ұйымдастыру» тақырыбында коучинг сабақ, Ғ.Срайлов, Н.Жақсылық «Шаңырақ» жобасы аясында «Әке-асқар тау» тақырыбында 9-10 сынып оқушыларымен кәсіби сұхбат өткізді.

Семинар соңында мәжіліс залында өтілген сабақтарға кері байланыс жасалынып,АКТ-дан http: // www.seminar-abai.kz/ ссылкасы арқылы семинарға кері байланыс беріліп, шебер сабақ өткен мұғалімдердің жетістік көрсеткіштері анықталды.Серіктес «Шұғыла» мектебінің үйлестірушісі Л.Джаппаров CLIL әдісі бойынша кіріктірілген сабақ үдерісінде тыңдалым, айтылым,оқылым,жазылым коммуникативтік тілдік жағдаятқа сай дұрыс қолдана білді.Оқушылардың білім деңгейі жоғары, ой-өрісі дамыған,өз ойын еркін жеткізе алатын, туындаған мәселелерді шеше алатын ұрпақ боп өсу дәрежеге жеткізуді мақсат етіп отырған ұстаздар мен мектеп ұжымына алғысын білдірді.

Сабақты зерттеу үдерісі бойынша жетекші мектептер кураторы Ш.Спанова барлық сабақтарды жоғары дәрежеде өтті деп есептейтінін, мектеп ұжымының шығармашылық жұмыстарының өте керемет екендігіне куә болғандығын айтып, ризашылығын білдірді.

М.Ғабдуллин мектебінің тренері А.Шотаев «Әке – асқар тау» тақырыбында кәсіби сұхбат өткізген Ғ.Срайлов пен Н.Жақсылықовтың сабағының жоғары деңгейде өткендігін,тәрбиелік тағылымы мол сыр сұхбат болғандығын айтып, жас ұстаздардың жұмысына сәттілік тіледі. Семинарда шебер сабақ көрсеткен мұғалімдер мен серіктес мектеп тренерлері,бақылаушылары мектеп атынан мақтау қағаздарымен марапатталды.

Абай атындағы № 17 ЖОМ-нің директоры М.Утегенова бұл семинардың соңғы семинар емес екенін, алдағы уақытта бұдан да жоғары деңгейде өткізуге әрекеттенетіндерін, қонақтарға уақыт бөліп келгендеріне рақметін айтты.

Абай атындағы № 17 жалпы орта мектебінің

директордың оқу ісі орынбасары:

Гүлжаухар Еримбетова