Бірқалыпты және бірқалыпсыз қозғалыстар

ҰМЖ тарауы: 3 -бөлім

Механикалық қозғалыс

Күні:

Мұғалімнің аты-жөні:Саламатов Қ.Т Мектеп: Новопавлов ЖОББМ

Сынып: 7 «ә»

Қатысқандар: Қатыспағандар:

Сабақтың тақырыбы:

Түзусызықты бірқалыпты және бірқалыпсыз қозғалыстар

Сабақта меңгерілетін оқу мақсаты

7.2.1.3 – түзу сызықты бірқалыпты қозғалыс пен бірқалыпсыз қозғалысты ажырата білу

Сабақтың мақсаттары

1.Барлық оқушылар орындай алады.

Түзусызықты бірқалыпты және бірқалыпсыз қозғалыстарды ажырата біледі.

2.Оқушылардың көпшілігі орындай алады.

Түзусызықты бірқалыпты және бірқалыпсыз қозғалыстарға мысалдар келтіріп, қорытынды жасай алады.

3.Кейбір оқушылар орындай алады.

Түзусызықты бірқалыпты және бірқалыпсыз қозғалыс мысалдарынан есеп құрастыра алады.

Бағалау критерийі

Білім алушы

• Түзусызықты қозғалыстың түрлерін ажыратады.

• Түзусызықты қозғалыстың түрлеріне мысалдар келтіреді. Қорытынды жасайды.

• Түзусызықты бірқалыпты және бірқалыпсыз қозғалыстар мысалдарынан есеп құрастырады.

Тілдік мақсаттар

Түзусызықты қозғалыс түрлеріне келтірілген мысалдарды ауызша

жəне жазбаша түрде сипаттай жəне жүйелей алады.

Арнайы пәндік лексика мен терминология:

бір қалыпты қозғалыс, бірқалыпсыз қозғалыс.

Диалогқа/жазуға қажетті сөз тіркестері:

• Жаңақаладан шыққан автомобиль Оралға дейін бірқалыпсыз қозғалыспен барады ...

• Бірқалыпты қозғалысқа жатады …

• Бірқалыпсыз қозғалысқа жатады …

• Нəтижелерді жазу / енгізу үшін, біз...

• Біздің орындаған жұмысымыздың

• нəтижесі/қорытындысы/талдауы мынаны көрсетеді ...

• Қорытынды жасайды ...

Құндылықтарға баулу

«Жалпыға бірдей еңбек қоғамы» құндылығы бойынша инфрақұрылымдық қызмет саласында қозғалысты басқаруға баулу

Пәнаралық байланыс

Математика

Алдыңғы білім

Механикалық қозғалыс, санақ жүйесі, траектория, жол , орын ауыстыру, қозғалыс салыстырмалылығы

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Басы

1-10мин.

1) Ұйымдастыру кезеңі.

- оқушылармен амандасу

- сыныпты түгелдеу

- сынып тазалығы

«Шаттық шеңберін» құру арқылы оқушылар бір-біріне деген ықыластары мен тілектерін білдіреді. Нұсқау: Оқушыларды шаттық шеңберіне тұруға шақырамын. Оқушылар бір-біріне жақсы лебіздерін арнайды.

2) Топқа бөлу «Құпия сандықша» әдісі

Алдарына құпия сандықшасын ұсынамын. («Құпия сандықша» деп аталу себебі, балалар үшін ішіндегі суреттер құпия ). Сандықшадан ауа, су, жол көліктерінің суреттерін суырады. Сол суреттер бойынша 3 топқа бөлінеді.

3) Үй тапсырмасын «Серпілген сауал» әдісі арқылы сұралады. Тақырыптың түсіну деңгейін арттыруға жəне талқылау дағдыларын

дамытуға қол жеткізу үшін сыныптағы оқушылардың арасында бірінен-біріне сұрақтарды «лақтыру»: мысалы, «Асан, Айнаның пікіріне қосыласын ба?». Сыныптағы 3 топқа слайд арқылы сұрақтар қойылады.

І топқа сұрақ:

1. Материялық нүкте деген не? Мысал келтіріңіз?

2. Дене қозғалысының түзусызықты немесе қисықсызықты екенін неге қарап ажыратады?

3. Оқулықтағы 43-суретті түсіндіру.

4. Орын ауыстыру деп нені айтады, ол қандай шама?

ІІ топқа сұрақ:

1.Төмендегі жағдайлардың қайсысында денені материялық нүкте деп есептеуге болады:

а) ұшақ Астанадан Мәскеуге сапар шекті. Ұшақ «өлі тұзақ» фигурасын жасап жүр;

ә) Конькиші жарыс мәресінен өтті.

Мәнерлеп коньки тебуші еркін жаттығу орындауда;

б) ғарыш кемесінің қозғалысын жердегі басқару орталығынан бақылайды, Екі ғарыш кемесі түйісуде.

2. Қозғалыс траекториясы деп нені айтамыз?

3. Оқулықтағы 44-суретті түсіндіру.

4. Жол дегенді қалай түсінесің? Қалай белгіленеді?

ІІІ топқа сұрақ:

1. Қандай жағдайда денені материялық нүкте деп қарастыра алмаймыз?

2. Сағат тілі ұшының қозғалыс траекториясы қандай?

3. Оқулықтағы 45-суретті түсіндіру.

4. Футбол ойынын бақылай отырып, шабуылшының ойын кезінде шамамен 12 км жүгіретіні анықталды. Осы қашықтық жүрген жолы ма, әлде орын ауыстыру ма?

ҚБ: Топтар бір – бірін «Бас бармақ» әдісі арқылы бағалайды.

Бағалау парағы

Презентация

Ортасы

11-35мин.

Ой қозғау. «Қозғалыс» тақырыбына арналған бейнефильм көру.

«Елші» әдісін қолданып топтық жұмыс жасау.

Жаңа тақырыпты оқушылар өз бетімен оқулықтан оқып, топта талқылайды. Әр топтан бір оқушы шығып, басқа топқа барып тыңдап, ақпарат жинақтап, тақырыпқа сәйкес суреттерді жинақтап өз топтарына келіп түсіндіреді. Топ басшысы шығып постерде қорғайды.

І топқа: Бірқалыпты қозғалыс

ІІ топқа: Бірқалыпсыз қозғалыс

ІІІ топқа: Бірқалыпты және бірқалыпсыз қозғалыстарды тәжірибеде жасап бақылау

Мұғалім оқушылардың жұмысынан соң жаңа тақырыпты жүйелей отырып түйіндейді.

ҚБ: «Бағдаршам» арқылы бағалайды.

Топтар бірін бірі бағалағаннан кейін мұғалім тақтадағы слайд арқылы тақырыпты түйіндейді.

Топтық жұмыс. «Ойлан –жұптас - бөліс» әдісі. Берілген тапсырма (сұрақ) бойынша əрбір оқушы жеке жұмыс жасау арқылы өз ойын қорытып, жұп болып пікірлерімен бөліседі; бұл бүкіл топтық

талқылауға ұласады. Әр топқа үлестірмелі карточка беріледі.

Қалыптастырушы бағалау тапсырмалары

Ойлау дағдыларының деңгейлері: білу, түсіну, қолдану.

Бағалау критерийі Білім алушы:

• Түзусызықты қозғалысты біледі.

• Түзусызықты қозғалыстың түрлерін ажыратады.

• Түзусызықты бірқалыпты және бірқалыпсыз қозғалыстар мысалдарынан есеп құрастырады.

І топ: Тапсырма 1

Сурет бойынша қай автомобиль қозғалысы бірқалыпты, қайсысының қозғалысы бірқалыпсыз екенін анықтаңыз.

Дескриптор:

Білім алушы

- бірқалыпты қозғалатын автомобильді анықтайды;

- бірқалыпсыз қозғалатын автомобильді анықтайды.

ІІ топ: Тапсырма 2

Сурет бойынша автомобиль қозғалысы қозғалыстың қандай түріне жатады?

Дескриптор:

Білім алушы

- бірқалыпсыз қозғалатын автомобильді анықтайды.

ІІІ топ: Тапсырма 3

Сурет бойынша қай автомобиль қозғалысы бірқалыпты, қайсысының қозғалысы бірқалыпсыз екенін анықтаңыз.

Дескриптор:

Білім алушы

- бірқалыпты қозғалатын автомобильді анықтайды;

- бірқалыпсыз қозғалатын автомобильді анықтайды.

ҚБ. «Күлегештер» арқылы әрбір жұп бір – бірін бағалайды.

Сергіту сәті. «Мені тап»

Оқушылар топтасып шеңбер құрады. Сосын 1-7 аралықта санайды. 7 санын айтуға тиіс оқушы жаңылыспай «Мені тап» сөзін айту керек. Егер оқушы жаңылысып сөзді өзгертпесе, онда ойыннан шығып қалады.

2. Саралау тәсілі. «Көршіңмен кеңес» әдісі.

Ойлау дағдыларының деңгейлері: талдау, жинақтау, бағалау.

І топ: Тапсырма 1

Бірқалыпты және бірқалыпты емес қозғалысты салыстыр? (Венн диаграммасы)

Дескриптор:

Білім алушы

- бірқалыпты және бірқалыпсыз қозғалыстарды салыстырады.

ІІ топ: Эксперименттік тапсырма

а) Өлшеуіш таспаны пайдаланып қашықтықты өлшеу 100 м (10м). Әрбір 10м (1м) қашықтықта секундомермен оқушы тұрады. Оқушылардың біреуі жүгірушілердің орнында болады. Жүгірушілер олардың жанынан өткен кезде секундомерді тоқтатады.

б) Кейін шыққан мән кестеге толтырылады. Кестені әрбір 10м (1м) қашықтықтағы жылдамдықты табуға пайдаланады. Қорытынды жасайды.

Дескриптор:

Білім алушы

- құрал-жабдықтарды пайдаланып, қозғалысты өлшейді.

- өлшеулер нәтижесін пайдаланып қорытынды жасайды.

ІІІ топ: Тапсырма 3

Қозғалыс түрлерін білудің маңызы неде? (шағын эссе жазу)

Дескриптор:

Білім алушы

• қозғалыстың маңыздылығын аша біледі

• қозғалыстың түрлерін ажырата біледі.

ҚБ: «От шашу» әдісі арқылы бағалайды

1. http://bilimland.kz/kk/home#lesson=10662

2. https://www.youtube.com/watch?v=5mWyIImgiiU

3. https://www.youtube.com/watch?v=lG0AHiVM1JA

Үлестірмелі материал

үлестірмелі карточка

Үлестірмелі материал

Күлегештер суреті:

Үлестірмелі материал

Соңы

36-42мин

Сабақ «Хабарлама» әдісі арқылы қорытындыланады. Оқушылардан өздерінің не үйренгенін көрсететін мəтіндік хабарлама (SMS) құрастыруды сұраңыз. Барлық мəтіндік хабарламадағы сияқты мұнда да символдар саны шектеулі.

Кері байланыс:

Оқушылар сабақтан алған әсерін «Портфель, Еттартқыш, Себет» арқылы сабақтан алған әсерін білдіреді.

Портфель: бүгінгі сабақтан алған құнды мәліметтерім көп.

Еттартқыш: ... ұқтым, ... қажет деп алдым, әлі де ізденем, ....білгім келеді.

Себет: әдіс-тәсілдерді істей алмадым,сабақ барысында оқушылардың жауабы ұнаған жоқ, әлі де жақсарсын деген бағытта себетке салып қояды.

Үй тапсырмасы: §9. Бірқалыпты және бірқалыпсыз қозғалыстар. 5- жаттығу. №4 есебі.

Үлестірмелі материал

Әр түрлі түстегі стикерлер.

Қосымша мәлімет

Саралау - оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түрлендіресіз?

Бағалау- Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік, АКТ-мен байланыс.

Сабақ барысында саралаудың 7 тәсілін, белсенді оқу тәсілдері: «Серпілген сауал» «Елші», «Ойлан –жұптас - бөліс», саралау тәсілінде «Көршіңмен кеңес», «Хабарлама» әдістерін қолдандым. Топтық тапсырмалар беру кезінде топтағы әр оқушы өз қабілеттеріне қарай сараланады. Саралау тәсілдерінің ішінен: тапсырма (деңгейлік тапсырмалар), қарқын (қабілетті оқушыларға Блум таксономиясының деңгейлеріне сай эксперименттік тапсырмалар), диалог және қолдау көрсету (көмекті қажет ететін оқушыларға қолдау көрсетемін, ынталандыру жұмысын жүргіземін) тәсілдерін қолданамын.

Қалыптастырушы бағалау түрлері: «Бағдаршам», «От шашу», «Бас бармақ», «Күлегештер» әдістері қолданылды. Қалыптастырушы бағалау тапсырмалары арқылы бағаланады.

Сынып тазалығы, оқу құралдарын орынды пайдалану, партада дұрыс отыру ережесін сақтау.