«Біз бір ұжымбыз!» атты тәрбиешілерге арналған іскерлік ойыны

Мақсаты: Қазіргі заман тәрбиешісінің әлеуметтік - психологиялық мәдениетін жетілдіру, бір - бірлеріне деген достық сезімін арттыру.
Тәрбиешілердің педагогикалық рефлексиясын дамыту. Шығармашылыққа әртістікке,бастамашылдыққа ынтасын дамыту. Өзін өзі тануға, педагогикалық ізденімпаздыққа қызығушылығын тәрбиелеу.Балабақша қызметкерлеріне көтеріңкі көңіл күй сыйлау
Қатысушылар: тәрбиешілер, мамандар.

Ойынның барысы.
Жүргізуші: Қайырлы күн! Біздің «Біз бір ұжымбыз» атты іскерлік ойынымызға қош келдіңіздер. Бүгінгі ойында біз ойнап, ойланып, демаламыз, бір - біріміз туралы көбірек білеміз.
Сол үшін ең бірінші бір - бірімізбен жақсы көңілмен амандасайық. Шеңберге тұрып мына жүрекшені бір - бірімізге жылы сөз айтып береміз. (барлығы шеңберге тұрады, жылы сөз айтып, жүрекшені бір - біріне береді).
Бүгінгі ойын екі топқа бөлініп жүргізіледі. Сол үшін қазір сендер мұнда жатқан геометриялық пішіндерді таңдайсыңдар (барлық педагогтар пішіндерді алып болған соң, жүргізуші пішіндердегі сандарға сәйкес топтарға бөлінуді ұсынады).

1.«Мен сізден үйренемін» жаттығуы

Қатысушылар бір –біріне еркін түрде «Мен сізден үйренемін.....» сізден айтып лақтырады(айтып тұрған адам допты бағыттаған адамның бойына сөзін айтып лақтырады айтып тұрған адам допты бағыттаған адамның бойынан өзі ерекше бағалайтын құнды кәсіби немесе жеке қасиеттерін айтады) Допты қабылдаған адамның міндеті-айтылған ойды құптамас бұрын «Иә, меннен.....(ұқыптылықты) үйренуге болады» немесе «Иә, мен....үйрете аламын» деу керек. Сосын допты қатысушыға бағыттап ойынды жалғастырады.

2.«Геометриялық пішіндерден құрау».
(Әр топқа геометриялық пішіндер беріледі, сол пішіндерден өз ойларынан балаларға не қызықты болатынын бір нәрсе жапсырады, 7 минут уақыт беріледі, уақыт өткен соң не жасағандарын көрсетеді, сипаттап береді).

3.«Тәрбиешінің мәнерлеп сөйлеуін және оқуын дамыту» жаттығуы
Парақтарға келесі сөздер жазылған (әр топтың бір қатысушысы шығып бір парақты таңдап алады, содан кейін оқиды):
а/ «Мұнда кел» деген сөзді жай, дауыстап, қатал дауыспен айту.
б/ «Жарайсың» деген сөзді жай, дауыстап, нәзік, риза болып, мысқылдап, қуанышпен, ғашық болып айту.

4.«Өзіңді тексер» жаттығуы
Тәрбиешілерге жүргізуші бір қатар зат есім сөздер айтады. 15 сөз айтқан соң, педагогтарға осы сөздерді дәл айтылған ретімен жазуға ұсынады).
Тапсырманы орындаған соң, жүргізуші өз парағынан сөздерді оқиды, педагогтар өз жазғандарын тексереді.

5.«Мәнерлеп оқу» жаттығуы
Әр топтан бір адамнан келеді. Алдарында жатқан парақты алып, сонда берілген тақпақты мәнерлер оқиды.
А) «Қыс», Абай
Ә) «Ғылым таппай мақтанба», Абай

6. «Ерекше Калош»

Қатысушылардың әр қиын жағдайлардан жағымды жол іздеп тауып шығуға бағыттау.Көңілдерін көтеру, қиялын дамыту. Өмірде, жұмыста болатын сан қилы қиыншылықтарға мойымау,әрдайым жолын тауып, позитивті түрде баға беруге баулу.

7. «Би терапеясы»

Қатысушылардың жағымды сәттермен көңіл күйін көтеру,Аталған дене мүшелерін қозғалту арқылы билейді.Ең алдымен қасымен, көзімен аяқпен билеуге нұсқау бередіКейін барлық дене мүшелері біртіндеп қосылады.Ең соңында барлық дене мүйелері билейді.