Кіріктірілген оқу қызметі.

Білім беру саласы: «Әлеумет»,«Шығармашылық», «Коммуникация»

Тобы: Ересектер тобы

Тақырыбы: «Біз еңбекқор баламыз»

Мақсаты:

- Балаларға еңбек туралы интерактивті тақта арқылы мәлімет беру, видео көрсету, дидактикалық ойындар, тапсырмалар орындату арқылы түсніктерін кеңейту. Еңбек адамдарына деген құрмет сезімдеріне тәрбиелей отырып, балалардың ауызша сөйлеуін дамыту.

- Үлкейткіш құралды, интерактивті қарындаш, боямақты пайдалану арқылы балалардың оқу қызметіне деген қызығушылығын арттыру. Сөздерді ағылшын тілінде атай алуға үйрету.

- Балаларды көркем мәнерлік құралдарымен жұмыс жасата отырып, еңбексүйгіштікке, үлкендердің еңбегіне құрметпен қарауға тәрбиелеу.Өз өлкесіне деген сүйіспеншілік сезімдерін ояту.

Әдіс-тәсілдері: АКТ, ойын, көрсету, түсіндіру,сұрақ-жауап, виртуалды саяхат, шығармашылық жұмыстың дәстүрлі емес әдіс-тәсілдері (эбру әдісі, пластилинография, күрішпен жапсыру)

Алдын ала жүргізілген жұмыстар: Еңбек жайлы әңгіме жүргізу.

Көрнекілігі: флипчарт,бейнежазба, кітап бұрышы, фотоколлаж, күріш масағы, шығармашылыққа қажетті заттар

Билингвалдық компонент: кетпен-mottok, шот- mottok ,айыр-spading fork,

күрек-shovel, соқа-wooden plow.

Барысы:

Тәрбиеші балаларды жартылай шеңберге тұрғызады.

-Балалар,қане сәлемдесіп алайық !

Қайырлы таң!

Доброе утро!

Good morning!

Келген қонақтармен сәлемдеседі.

Қызықтыру сәті. Бейнехабарлама келеді.

-Балалар, маған біздің шетелдік досымыз Мэрри бейнежазба жіберіпті. Қане, ашып көрейік.

Экраннан Мэрридің жіберген бейнехабарламасы көрінеді. (Активпеннің көмегімен хаттың артынан бейнехабарлама шығады.)

Мэрри: Нello kids! I understand you and I can speak in Kazakh. How are you?

Маған сендермен желі арқылы сұхбаттасқан қатты ұнайды. Бірақ сендердің өлкелеріңе саяхаттап,бәрін көзбен көргім келеді. Жолға шығып барамын. Кездескенше!!!

Ғажайып сәт. Ұшақ ұшып келеді.

(Экраннан ұшақтың қонған бейнежазбасы көрсетіледі.)

Саяхатшы Мэрри келеді.

(Интерактивті тақтадан Шиелі суреті көрсетіледі.)

Саяхатшы ұшақтан түсіп, Шиелі суретін көреді.

Балалар саяхатшыға таңырқай қарайды.

Саяхатшы: Oh, What’s a nice place?

Hello!

Димаш: Hello! My name is Dimash.Welcome to my region!

-How are you?

Балалар:We are fine!

I’m very glad to see you! And you? I come here, I want introduce your region. I like wonderful and nice place.What’s a nice place? Where are you live?

Балалар:We live in Shiely

Тәрбиеші:Біздің өлкеміздің табиғаты өте көркем, жасылжелекпенбау-бақшасыдамол. Мұның бәрі халқының еңбекқор екенін көрсетеді. Балалар, олай болса келген қонағымызға Шиелі өңірі халқының айналысатын шаруашылық түрлерімен таныстырайық.

«Activboard» тақтасымен жұмыс

(Тәрбиеші активпеннің көмегімен әр шаруашылық түрін жеке көрсетеді.)

Мал шаруашылығы.

Бақша шаруашылығы

Құс шаруашылығы

Күріш өсіру шаруашылығы

(Балалар активпеннің көмегімен шаруашылық түрін басқанда, сол шаруашылық жайлы бейнехабарлама көрсетіліп, балалар ауызша таныстырады.)

Тәрбиеші:

Балалар,бұның барлығы еңбек деп аталады.

- Еңбек адамға не үшін қажет деп ойлайсыңдар?

-Білім алу, маман иесі болу үшін.

- Еңбекқор деп қандай адамды айтамыз?

-Барлық жұмысты ерінбей жасай алатын адамды.

-Балалар осындай еңбектің көзін тауып, өз еңбегімен әлемге танылған біздің туған жерімізде кімді білесіңдер?

-Ы.Жақаев атамызды білеміз.

- Әрине дұрыс айтасыңдар.

Ы.Жақаев атамыз атында ауданымызда арнайы мұражай да ашылған.

(Экраннан мұражайдың суреті көрсетіледі.)

Ендеше, осы мұражайға виртуалды саяхат жасап көрейік. Барлығымыз көзімізді жұмып, орнымызда бір айналайық.

Тәрбиешіні мұқият тыңдайды, көздерін жұмып виртуалды саяхат жасайды. Тәрбиеші мұражаймен таныстырады.

(Экранның көмегімен мұражайға виртуалды саяхат жасайды.)

Тәрбиеші: Мұражайдан біз енді көңілді сергіп қайтайық.

Сергіту сәті

Билей білсең сен кеп ,

Мұның аты –еңбек

Dance, dance, dance!

Гүлді ексең терлеп,

Мұның аты- еңбек.

Flower, flower, flower !

Суға түсіп жүзсең ,

Мұның аты- еңбек

Swim, swim, swim!

Достарыңмен секіріп

Жарыссаң ол еңбек

Jump, jump, jump !

Қиындықтың бәрін,

Еңбек қана жеңбек!

Yes, yes, yes!

(Балалар сергіту сәтін көңілді әуенмен орындайды.)

Тәрбиеші: -Балалар, біз виртуалды саяхат барысында не көрдік?

Мұражайда нелер сақталған ?

-Мұражай туралы, Ыбырай атамыздың еңбек құралдары,ордендер,медальдар. (Балалар өз ойларын айтады.)

-Мэрри, сізгеде біздің мұражай ұнаған болар.

Мэрри: Я әрине, мен керемет мағлұмат алдым. Маған мұражайдағы еңбек құралдары қатты ұнады. Сендерді еңбек құралдарының ағылшынша атауларымен таныстырғым келіп тұр. Ол үшін лупаның көмегімен мұражай ішіндегі еңбек құралдарын табуларың керек.

Дидактикалық ойын : «Show me»

Мақсаты: еңбек құралдарын ағылшын тілінде атай алуға үйрету.

Шарты: Флипчарт әдісін пайдалана отырып еңбек құралдарын тауып оны ағылшын тілінде атайды.

Балалар үлкейткіш құралдың көмегімен еңбек құралдарын тауып, ағылшынша қайталайды: кетпен-mottok, шот- mottok ,айыр-spading fork, күрек-shovel, соқа-wooden plow.

Тәрбиеші: Балалар,келген қонағымыздан да ағылшынша көптеген мағлұматтарды да алып жатырмыз.

-Балалар, сендердің көздерің шаршаған болар. Олай болса, көзге арналған жаттығу жасап, көзмізді демалтып алайық.

Балалар экранға қарап көзге арналған жаттығу жасайды.

Тәрбиеші: -Балалар білесіңдер ме,адам өмірінде өзі қызығатын, қолынан келетін істі істесе, еңбегінің өзіне де, өзгеге де пайдасы мол, жемісті болары сөзсіз.Ыбырай атамыздың еңбегінің нәтижесі-күріш. Олай болса, біз шығармашылық әлемінде өздерің қалаған тәсілдерді таңдап күрішті,күріш алқабын өз қиялымызға ерік беріп орындап еңбектенейік.

1-топ Эбру әдісімен

2-топ Боямақ: «Күріш масағы» (интерактивті тақтамен жұмыс)

(Интерактивті тақтада активпеннің көмегімен боямақты бояйды.)

3-топ Аппликация (күрішпен бейне жасау)

4-топ Пластилинография (шнурок әдісі)

Балалар дәстүрден тыс әдіс-тәсілдер арқылы күріш, егіс алқабының бейнесін жасайды.

Мэрри: -Қандай керемет суреттер. Достар, күріш масағын бояған кезде қолданған түстеріңді атап беріңдер.

-Сары, желтый, yellow.

Тәрбиеші: -Балалар, жарайсыңдар.Мэрри биыл біздің өлкемізге 90 жыл толғалы отыр.Жоба барысында біздің балалар өлке жайлы жан-жақты зерттеп, фотоколлаж жасаған болатын.Соны сізге сыйға тартамыз.

(Сый ретінде саяхатшыға сыйлау)

Саяхатшы Мэрри: Балалар сендердің өлкелерің маған қатты ұнады. Әрқашан ерінбей еңбек етіп, жеңіске жете беріңдер! Сау болыңдар! Сендерге рахмет!Thank you! Good bye!

Балалар саяхатшыға фотоколлаж сыйға тартады.

Мэрримен қоштасады.

Тәрбиеші:Балалар,көңіл-күйлерің қалай? Сендерге бүгінгі оқу қызметі несімен ұнады?Қай жерде ерекше әсер алдыңдар?

Балалар өз ойларын айтады.

Тәрбиеші: Ерінбей еңбек еткен адам жеңіске жетеді. Ыбырай атамыз сияқты еңбекқор, еңбексүйгіш болуға шақырамын.

Келген қонақтармен қоштасады.

Күтілетін нәтиже:

Қайталай алады:еңбек әрекеттерін,еңбек құралдарының атауын;

Түсінеді: еңбек адамдарына құрмет көрсетуді;

Қолданады: интерактивті тақтада қаламмен жұмыс жасауды, дәстүрлі емес әдіс тәсілдерді қолдана отырып шығармашылық жұмыстар жасауды.