Оқу іс-әрекетінің кезеңдері

Педагогтің іс-әрекеті

Балалардың

іс-әрекеті

Мотивациялық-қозғаушылық

– Балалар, біз бүгін ойыншықтар әлеміне қонаққа барамыз. Мына ойыншықтар сөресінде жиналып тұрған ойыншықтарды атайық.

– Қуыршақ, қоян, жүк көлігі, аю, машина, доп.

Балалар ойыншықтарды атайды.

Ұйымдастырушылық-

ізденістік

1. Білімді өзектендіру.

«Сиқырлы сандық» ойыны. Шарты: сандық ішінен ойыншықтарды бір-бірден шығарып, оларды сипаттайды, олармен қалай ойнайтындарын әңгімелейді.

2. «Қабырғаны тұрғызамыз» саусаққа арналған жаттығуы.

Қабырғаны тұрғызамыз,

Жоғары, жоғары.

Осылайша

Шатырды да саламыз!

Педагог ойыншықтарды көрсетіп тұрып:

– Бұл заттардың бәрін бір сөзбен қалай атаймыз? – деп сұрайды.

– Ойыншықтарды арнайы мамандар әртүрлі материалдардан жасайды. Мысалы, резеңкеден жасалған ойыншықтар болады. Доп резеңкеден жасалған. Кәне, допты сипап көрейік, ол қандай? Салмағы қандай?

Сонымен қатар ағаштан жасалған ойыншықтар да бар.

Оларға текшелерді жатқызуға болады.

– Сипаттап көрейік, сипап көргенде саусаққа қалай сезіледі?

– Олар резеңкеден жасалған ойыншықтарға қарағанда қатты, соған қарамастан оны күтіп ұстау керек.

Мысалы: қуыршақпен қыздар ойнайды. Қуыршақты тербетеді, тамақтандырады, киіндіреді т.б.

Машинамен ұлдар ойнайды т.б. Ауада саусақтарымен үйдің суретін салады.

Ойыншықтар.

Текшелер.

– Жұмсақ.

– Жеңіл.

– Қатты.

Ұйымдастырушылық-ізденістік

3. Сергіту сәті: «Ойыншықтар».

4. Билингвальды компонент: ойыншық – игрушка, қуыршақ – кукла, текшелер – кубики.

5. Резеңкеден және ағаштан жасалған қуыршақ пен ұшақты сипаттау.

– Балалар, бізге қонаққа тағы бір ойыншық келді.

Бұл ойыншық қалай аталады?

– Қуыршақ ағаштан ба әлде резеңкеден жасалған ба?

– Мына ойыншық қалай аталады? (Ұшақты көрсетеді).

– Ұшақ неден жасалған?

6. «Ғажайып қапшық» дидактикалық ойы­ны.

– Мына ғажайып қапшықта

ойыншықтар бар. Қазір ойыншықтарды бір-бірден алып, неден жасалғанын анықтау керек. Сондықтан ойыншықтарды алып, ағаштан жасалғандарды ұшақтың қасына, резеңкеден жасалғандарын қуыршақтың қасына орналастыруларың керек.

Саусаққа арналған жаттығуды орындайды.

Қайталайды.

– Қуыршақ.

– Резеңкеден.

– Ұшақ.

– Ұшақ ағаштан жасалған.

Ағаштан жасалған ойыншықтарды ұшақтың жанына, резеңкеден жасалған ойыншықтарды қуыршақтың жанына қояды.

Рефлек-

сиялық- түзету-

шілік

Ойыншықтар туралы алған білімдерін сұрақ-жауап арқылы қорытындылайды.

Ойыншықтарды топтастырады.