Мектеп

Күні

Сынып жетекші:

Сынып:

5

Қатысқандар саны:

Қатыспағандар саны:

Сабақтың тақырыбы:

«Буллингтен қорған!»

Қауіпсіздік сабағы (10 минут)

№ 18- САБАҚ 5 -сыныптар:

«Қауіпсіз ашық ойын алаңының ережелері»

Сабақтың мақсаты:

• Оқушыларға буллинг ұғымын түсіндіру, оның түрлерін ажырата білуге үйрету.

• Буллинг жағдайында өзін-өзі қорғау әдістерін меңгерту.

• Құрдастар арасында сыйластық пен құрметті нығайту.

Қауіпсіздік мақсаты:

Оқушыларға ашық ойын алаңында қауіпсіздік ережелерін түсіндіру.

Алаңда өзін-өзі ұстау мәдениеті мен қауіпсіздік шараларын сақтау дағдыларын қалыптастыру.

Дәйексөз

Тәртіп – тәрбие бастауы

Сабақтың барысы

Сабақтың кезеңі/ уақыт

Мұғалімнің әрекеті

Оқушының әрекеті

Ресурстар

Сабақтың басы

(10 мин)

• Сабақ тақырыбын таныстырып, оқушылардың назарын буллинг тақырыбының өзектілігіне аударады.

• "Буллинг деген не?" деген сұрақты қойып, оқушылардың алдын-ала түсініктерін анықтайды.

Презентация немесе қысқаша видео арқылы буллингтің анықтамасын, оның түрлерін (физикалық, вербалды, әлеуметтік, кибербуллинг) түсіндіреді.

Буллингтің зардаптары мен оның алдын алу жолдарына тоқталады.

Мұғалімнің сұрақтарына жауап береді, тақырыпқа қатысты ойларымен бөліседі.

Буллингке қатысты презентация

Ортасы

(20 мин)

"Сендер буллингтің қандай түрлерімен кездестіңдер немесе естідіңдер?" деген сұрақ қойып, пікір алмасу ұйымдастырады.

Оқушыларды топтарға бөліп, буллинг жағдайларын талқылауға тапсырма береді.
Мысалы: әр топқа қысқаша жағдай беріледі (мысалы, біреуді интернетте мазақтау, сыныпта мазақ ету т.б.), олар оны талдап, қандай әрекет жасау керектігін ұсынады.

• Рөлдік ойындар ұйымдастырады. Оқушылар буллинг жағдайында өзін-өзі қорғау және басқа адамға көмектесу тәсілдерін рөлдік ойын арқылы көрсетеді.

• «Егер сен буллингке ұшырасаң...» немесе «Егер сен біреудің буллингке ұшырағанын байқасаң...» деген жағдайларға шешім ұсынуды сұрайды.

Әр топтың жұмысын талқылап, мұғалім кері байланыс береді.

«Сендер қалай ойлайсыңдар, буллингті толығымен жою мүмкін бе? Қалай?» деген сұрақпен сыныптық дискуссия ұйымдастырады.

Топтық жұмыс барысында берілген буллинг жағдайын талдайды және өз шешімдерін ұсынады.

Рөлдік ойындарға қатысып, практикалық дағдыларды үйренеді.

Презентация

Талқылауға арналған буллинг жағдайлары сипатталған қағаздар.

Постерлер жасауға қажетті құралдар (қағаз, маркерлер, стикерлер).

Қауіпсіздік сабағы

(10 мин)

Сабақтың мақсатын қысқаша түсіндіреді: "Бүгін біз ашық ойын алаңында қауіпсіз болу үшін қандай ережелерді сақтау керек екенін үйренеміз".

• Ашық ойын алаңында кездесетін қауіп-қатерлерді атап өтеді (мысалы, жабдықтарды дұрыс пайдаланбау, алаңның сырғанақ немесе өткір заттары).

• Негізгі қауіпсіздік ережелерін ұсынады:

  • Бір-біріне зиян келтірмеу.

  • Жабдықтарды тек нұсқаулыққа сәйкес қолдану.

  • Бақылаушы адамның (ата-ана немесе мұғалім) нұсқауын тыңдау.

• "Сәйкестендір" ойынын өткізеді: балаларға суреттер немесе қысқаша жағдайлар беріледі, олар дұрыс немесе қате әрекетті анықтайды.

• Нақты мысалдар келтіріп, оқушыларға сұрақ қояды:

  • "Егер сырғанаққа кезек күтпей жүгірсе, не болуы мүмкін?"

  • "Айналасындағы балаларға кедергі келтірмес үшін не істеу керек?"

Мұғалімді тыңдап, қауіпсіздік ережелерін түсінеді.

Мұғалімнің сұрақтарына жауап береді, мысалдар бойынша дұрыс немесе қате әрекетті анықтайды.

Презентация

Слайд

Соңы

(5 мин)

Мұғалім буллингтен қорғану үшін оқушылардың өзін-өзі бағалауын арттырудың, ересектерден көмек сұраудың маңызды екенін атап өтеді.

Сабақ соңында оқушыларға мотивациялық сөздер айтып, өзара құрмет пен қолдаудың құндылығын айқындайды.

Сыныптық талқылауда белсенді қатысып, өз ойларын еркін жеткізеді.

Слайд