Күні:

20.01.2025

Сынып жетекші:

Ш.Рахимшикова

Сынып:

Қатысушылар саны:

Қатыспағандар саны:

Сабақтың тақырыбы:

«Буллингтен қорған!»

Қауіпсіздік сабағы (10 минут) № 18- САБАҚ «Ата – анамен және сенімді ересектермен қауіпсіздік мәселелерін қалай ашық талқылауға болады»

Сабақтың мақсаты:

 Оқушылардың өзара құрмет, сабырлылық және ынтымақтастық дағдыларын дамыту.

 Буллингтің алдын алу үшін сынып ішінде қолайлы және қауіпсіз ортаны қалыптастыру.

 Оқушылардың құқықтарын қорғау және өздеріне және басқаларға қатысты дұрыс мінез-құлық үлгісін көрсету.

Қауіпсіздік сабағының мақсаты:

 Оқушыларға ата-аналармен және сенімді ересектермен қауіпсіздік мәселелерін ашық және еркін талқылау дағдыларын үйрету.

 Қауіпсіздік мәселелерін дұрыс және тиімді түрде жеткізу тәсілдерін түсіндіру.

 Оқушылардың ата-аналарымен және ересектермен сенімді қарым-қатынас орнатуға деген сенімдерін қалыптастыру.

 Қауіпсіздік бойынша сұрақтар мен проблемалар туралы сөйлеудің маңыздылығын көрсету.

Құндылықтар

Заң және тәртіп айы.

3-апта дәйексөзі:

Тәртіп - тәрбие бастауы

Сабақтың барысы

Сабақтың кезеңі/ уақыт

Мұғалім әрекеті

Оқушыәрекеті

Ресурстар

Ұйымдастыру кезеңі (5 мин)

1. Амандасу, оқушыларды түгелдеу.

2. Сабақтың мақсаты мен тақырыбын таныстыру.

3. Тақырыпқа мотивация беру:

Сұрақ: "Өздерің немесе айналадағы адамдар буллингке тап болды ма?"

Оқушылар мұғаліммен амандасады,түгенделеді.

Психологиялық ахуал

Оқушылардың пікірі тыңдалады

Компьютер

Сабақ басы (10 мин)

Буллинг деген не?

Буллинг – біреуді мазақтау, қорлау, ұрып-соғу немесе психологиялық қысым көрсету.

Түрлері:

Физикалық (ұрлау, итеру, ұру).

Сөздік (мазақтау, намысына тию).

Кибербуллинг (әлеуметтік желілерде қорқыту).

Әлеуметтік (топтан бөліп тастау).

Буллингтің салдары:

Психологиялық жарақат.

Өзін-өзі бағалаудың төмендеуі.

Денсаулықтың нашарлауы.

Буллингтен қорғану жолдары:

Сенімді болу.

Қолдау сұрау (ата-ана, мұғалім, дос).

Буллинг жасаушылардан қашық болу.

Әлеуметтік желіде жеке мәліметтерді қорғау.

Қиын жағдайлар дегеніміз не?

Мысалы: сыныптастардың нашар әрекеттерге итермелеуі, заңсыз істер жасауға мәжбүрлеу.

Азғыру деген не және оны қалай тануға блады?

Дұрыс шешім қабылдау жолдары:

"Жоқ" деп айтуға үйрену.

Салдарын ойлау.

Қолдау сұрау (ата-ана, мұғалім, дос).

Оқушылар сұрақтарға жауап береді. Оның түрлерімен салдарын, жолдарын біледі.

Оқушылар азғыруға қарсы тұру жолдарын біледі.

Қиын жағдайларда жауапты таңдау жасайды.

Өзіне және өз қабілеттеріне сенімділік қалыптасады.

суреттер

Ортасы (15 мин)

Топтық жұмыс

Топтарға тапсырма:

Әр топқа ситуациялық жағдай беріледі:

1. Бір оқушыны мектепте мазақтайды.

2. Әлеуметтік желіде бір оқушыны қорлайды.

3. Біреудің затын рұқсатсыз алып, оны келеке етеді.

Ситуациялық тапсырма

Жағдайды талдау:

1. Сыныптасы біреуге өтірік айтуға мәжбүрлейді.

2. Досы заңсыз әрекет жасауға итермелейді.

3. Әлеуметтік желіде белгісіз адам күмәнді ұсыныс жасайды.

Тапсырма: Берілген жағдайды талқылап, дұрыс шешу жолын ұсыныңдар.

Әр топ өз шешімін ұсынады және оны дәлелдейді.

Қауіпсіздік сабағы (10 мин)

  Кіріспе (2 минут):

• Қауіпсіздік – бұл тек физикалық емес, сонымен қатар психологиялық және әлеуметтік аспектілерді де қамтитын кең ұғым екенін түсіндіру.

• Ата-ана мен ересектерге сенімді түрде қандай қауіптер туралы айту қажет екендігін анықтау.

 Қауіпсіздік мәселелерін қалай талқылау керек? (4 минут):

• Сенімді ересектердің рөлі мен маңызы туралы талқылау.

• Қауіпсіздік мәселелері, мысалы, интернет қауіпсіздігі, буллинг, психологиялық қысым, денсаулыққа байланысты мәселелер туралы ашық және сенімді түрде қалай сөйлесуге болады?

  • Сенімді адамды таңдау – кіммен сөйлескен дұрыс?

  • Өз ойыңды қалай дұрыс жеткізу керек? (ашық, сабырлы болу, күмәнданбау)

  • Мысалдар арқылы практикалық жаттығулар (оқушылар өз мысалдарын келтіре алады).

 Рөлдік ойындар (3 минут):

• Оқушыларды топтарға бөліп, әрбір топқа ата-аналармен немесе сенімді ересектермен қауіпсіздік мәселелерін талқылауға арналған қысқаша рөлдік ойындар ұйымдастыру.

• Мысалы: «Интернетте қауіпсіздік туралы айту», «Буллингке байланысты ата-анамен сөйлесу» және т.б.

 Қорытынды (1 минут):

• Оқушыларға қауіпсіздік мәселелерін талқылау кезінде ашық және әділ болудың маңыздылығын ескерту.

• Өзінің қауіпсіздігі туралы мәселені айналадағы сенімді ересектермен талқылауға ешқашан ұялмау керектігін айту.

• Оқушылардың сабақты қалай қабылдағандарын сұрау, пікірлерін тыңдау.

• Оқушылар сабақтың тақырыбы мен мақсатын тыңдайды, оның маңыздылығын түсінеді.

• Қауіпсіздік мәселелерін талқылау қажеттілігін мойындайды.

• Оқушылар топтарға бөлініп, ата-ана немесе сенімді ересекпен қауіпсіздік туралы тақырыпта қалай сөйлесуге болатынын талқылайды.

• Әрбір оқушы пікірін білдіріп, осы мәселеге байланысты өз ойлары мен қорқыныштарын ортаға салады.

• Мысалы, оқушылар ата-аналарына интернеттегі қауіптер туралы немесе достарымен қарым-қатынастағы қауіпсіздік туралы қалай ашық айтуға болатынын талқылайды.

• Оқушылар рөлдік ойындар барысында өздерінің қандай қауіптер туралы ата-аналарымен немесе сенімді ересектермен сөйлесе алатынын көрсетеді.

• Әр топқа белгіленген қауіпсіздік мәселесі бойынша рөлдік ойында рөлдер бөлініп беріледі. Мысалға:

  • Интернетте танысқан адамға қатысты қауіп туралы ата-анамен сөйлесу.

  • Құқық бұзушылық немесе буллинг жағдайында сенімді ересекке хабарлау.

• Оқушылар сабақты қорытындылап, ата-аналарымен немесе сенімді ересектермен қауіпсіздік мәселелерін ашық талқылауға қандай қорқыныштар мен күмәндер бар екенін айтады.

Соңы

(5 мин)

Оқушыларға қауіпсіздік тақырыбына қатысты арнайы сұрақтар жазып, соларды ата-аналарымен немесе сенімді ересектермен талқылау тапсырмасы беріледі