Цифрлық сауаттылық – заман талабы.

Цифрлық сауаттылық – заман талабы.

Цифрлық сауаттылық, басқаша айтқанда адамның күнделікті ӛмірде және жұмыста ақпараттық технологияларды қолдана білуі – заман талабы. Күнделікті онлайн тӛлемдер, аударымдар,электрондық қызметтер адамдардың істерінің ажырамас бӛлігіне айналды. Азаматтардың ӛміріне қарқынды енген цифрландыру экономиканың жаңа моделін жасайтыны сӛзсіз. "Цифрлық Қазақстан" мемлекеттік бағдарламасы аясында халықтың цифрлық сауаттылық деңгейін кезең-кезеңмен арттыру жүйелі түрде жалғасын табуда. Мысалы, eGov.kz электрондық үкімет порталы азаматтардың мемлекеттік қызметтерге жылдам қол жеткізуі үшін жұмыс істейді. Бұл – ӛтініштер беру, анықтамалар алу, есепке қою, тіркеу және басқа да операциялар сияқты қызметтер мен сервистер. Коммуналды қызмет түрлерін бақылауға арнайы мобильді қосымшалар да бар. Ол қолданысқа енгізілгелі бері тұрғындардың шағымы бірнеше пайызға қысқарған. Мұның барлығы ұзын-сонар кезек күтуден құтылуға себеп болды. Ең бастысы, уақытты тиімді пайдаланудың бірден –бір жолы болды. Бірақ, барлық азаматтар жаңа технологияларды пайдалана алмайды. Оны шешу үшін халықты үйреншікті қызметтерді жаңаша пайдалануға үйрету қажет. Осы орайда цифрлық сауаттылықты арттыру мәселесін мектеп табалдырығынан, бастауыш сыныптан бастап, тіпті мектепке жаңа ғана келген 1-сынып оқушыларынан бастап қолға алу ұтымды іс деп ойлаймын. Биылғы 2022 жылдың 1-қаңтарынан бастап 1-сынып оқушыларына «Цифрлық сауаттылық» пәні енгізілді. Бұл оқушылардың ақпараттық технологияларды терең меңгеруіне үлкен кӛмек. Ақпараттық технологияны меңгеру онлайн форматта оқу кезінде де үлкен септігін тигізді. Оқушыларымыздың әр түрлі мессенджерлерде еркін жүмыс жасай алуларының арқасында оқу бағдарламасына сай уақытылы білім алуларына кедергі туындамады. Дәл қазіргі сәттегі елдегі эпидемиологиялық жағдай кезінде мектеп оқушыларының білім алуын тиімді жүзеге асыруда да осы цифрлық байланыстың пайдасы орасан зор екені айтпаса да анық. Ұзтаздар мен оқушылар арасында тікелей байланыс орнады. Бір бірімен видео байланыс арқылы байланыса отырып та тапсырманы талдап, талқылап оң нәтижеге жетіп отыр. Цифрлық сауаттылық-мемлекетіміздің ӛмір сапасын жақсартудың тиімді жолдарының бірі. Яғни , цифрлық сауаттылық – заман талабы.