Дамыта оқутыдың басты мақсаты-баланы оқыта отырып, баланы шығармашылық бағытта жан-жақты дамыту.

Баланың бойындағы бір нәрсені жасауға деген қабілеттік балаларда ерте жастан байқалады.Адам бойындағы қабілеттерді дамытып, олардың өшуіне жол бермеу адамның рухани күшін нығайтып, өзін-өзі табуына көмектеседі.Өйткені, адамның қолынан жаңа зат жасап шығу қолынан келеді. Сонымен, адамның қолынан өзін-өзі тәрбиелеп, өсуіне, сонымен қатар өзін-өзі құрутуға да қабілеті жетері хақ. «Адамның өз болмысын тануға ұмтылуға көмектесіп, тереңде жатқан, талап тілегін, қабілеттерін дамыту, сол арқылы оған толыққанды өмір сүру үшін жаңа рухани күш беру білімнің ең маңызды мақсаты болып табылады»- деп көрсетілген Қазақстан Республикасы Орта білімді дамыту тұжырымдамасында. Кез келген дамыған өндіріске қазіргі таңда шығармашылықпен жұмыс жасайтын адамдар қажет. Оқушының шығармашылық іс- әрекеті және оның мәнін түсіну үшін жеке тұлғаның ғылыми- педагогикалық зерттеулердің объектісі ретінде анықталу сипатын білу қажеттілік болып табылады. Шығармашылық іс-әрекет тұлғаны жасаушы және оны айқындаушы фактор ретінде де қарастырылады.

Жеке тұлғаның ерекшеліктеріне тән қасиеттер оның санасына, өзіне- өзінің сын көзімен қарауына, адам баласының есіне әсер ететін ішкі және сыртқы түйсік, түйсіктердің әсеріне және оның ерік-жігер күші мен әсерленушілік сезім дүниесіне байланысты құбылыс деген пікірді біздер қуаттаймыз. Оның себебі, ұлы ғұламаларымыз осы ой –пікірде болған деп білеміз. Оқушылардың шығармашылық белсенділігін қалыптастыруда сабақтарды түрлендіріп өткізудің орны ерекше. Осындай сабақтар тиімділіктері айтарлықтай: сабақ құрылымының ұйымдастырылуы, сыныптағы оқушылырдың іс-әрекетін бақылауға қолайлылық, оқу- танымдық тапсырмаларды орындаудағы ұжымдық бірлескен әрекеттің жүзеге асуы, оқыту уақытының үнемделуі.