Дана Зұлпыхар

«Әр қазақ – жалғызым, бауыретім, тектілігі жүзінен көрінетін» - деп бастап, бүгін сіздерге елімізбен мақтан тұтуға тұрарлық, біраз жетістікке жеткен әпкеміз жайлы сөз еткім келіп отыр. Оның аты біраз елге танылып, композиторлық еңбектері де жетістіксіз қалмауда. Ол – Дана Зулпыхар.

Бұл талантты композитор әрі мультиинструменталист әпкеміздің еңбектеріне тоқтала кетсек: көпке әйгілі «Star Wars Outlaws» ойынына арналған «Wild Card» атты қосымша бөлімінің саундтрегін жазуға қатысқан. Дана әпкеміздің ерекшелігі, сондай ірі жобаға қатысса да қолынан қобызын тастамай, қазақ халқының көне инструментін қолданып, оның қоңыр үнімен барша әлемді тәнті еткен. Деңгей емес пе? Одан бөлек фильмдерге де саундтрек жасасқан. Отандық «Зере» фильмінің саундтрегін жасап, “Kinoshok Film Festival” кинофестивалінде үздік музыка үшін жүлде алып нағыз Шок жасады! Дана әкеміздің өзінің айтуынша бұл ең алғашқы фильмі болса да, жүлдесіз қалмақ түгілі «Minsk International Film Festival» аясында ең үздік музыкалық шешім сыйлығын жеңіп алған. Одан бөлек «Алматы, я люблю тебя!», «Взаперти» фильмдерінің де композиторлық саундтректерін жазған.

Ол аз десеңіз, әлемге әйгілі Samsung компаниясы үшін жасаған жарнамасы жарнамасы халықаралық фестивальде ең үздік саунд және музыка аталымында жеңіске жетті. «Кочевник» атты туындысы «Ең үздік композиция» номинациясы бойынша жүлдеге ие болды. Дәулеткерейдің өлмес күйі «Көрұғлы» АҚШ-та Бостонда шырқалды. Өз елінің тарихи композициясын, ұлттық аспап домбырасын тастамай өзге елді өз өнеріне тәнті етті.

Жақын арада еліміздің мақтаныш қызының «Неге сезбедім?» әні барлық платформаларда қолжетімді. Бұл тақырыпты неге алды деген орынды сұрақ пайда болуы орынды. Жеке өзімді тәнті еткені – Дана әпкеміздің ұлттық аспаптарды қолдануы, онымен мақтануы. Қазіргі таңда көптеген адам ұлттық аспап түгілі, ұлттық тілін құрметтемейді. Осындай жүлделерді алу арқылы аспаптарымыздың құндылығын арттыруда. Парижде ән салған Әміре Қашаубаевта мәңгі есімізде ғой, сол секілді Дана да өз есімін ел тарихында әлі күнге дейін алтын әріппен қашап жазып келеді!