Пәннің аты

қазақ тілі

Тақырыбы

Дауыссыз л мен р

Мақсаты

Сөз басындағы л, р әріптерінің алдынан ы, і, естілгенімен, ы мен і жазылмайтынын түсіндіру. Дауыссыз дыбыстардың түрлерін ажырата білуге, сауатты жазуға үйрету. Көркем, таза сөйлеуге тәрбиелеу.

Күтілетін нәтижесі

Оқушылар л, р әріптерінің алдынан ы, і, естілгенімен, ы мен і жазылмайтынын туралы түсінеді.

Психологиялық ахуал

Қайырлы күн, досым!
Қайырлы күн болсын!
Бүгінгі жұма күні,
Сәттілікке толсын!
Біздің алар бағамыз,
Кіл бестіктер болсын!

Оқушылар шеңберде жиналып, мұғаліммен бірге бүгінгі сабаққа сәттілік тілейді.

Топқа бөліну.
- Балалар бүгін біз сабақта топпен жұмыс жасаймыз. Түтікшелер арқылы оқушылар топтарға бөлініп отырады.

1-топ қызыл түтікшелер.

2-топ сары түтікшелер.

3-топ жасыл түтікшелер.

Оқушылар таңдаған түстерін түсіндіріп береді.

Барысы

Үй тапсырмасын тексеру.

Сұрақ-жауап. (Жетон арқылы бағалау)

1. Дыбыс дегеніміз не?

2. Әріп дегеніміз не?

3. Дыбыстарды нешеге бөлеміз?

4. Дауысты дыбыстарды нешеге бөлеміз?

5. Дауыссыз дыбыстарды нешеге бөлеміз?

1 -топ үнді дауыссыздар

2-топ ұяң дауыссыздар Постерлерге жазу.

3-топ қатаң дауыссыздар

1 -топ п мен б

2-топ қ мен ғ Өзгеріске ұшырауларын айтып беру.

3-топ к мен г

Дәптермен жұмыс. Күн ретін жазу. (Жетон арқылы бағалау)

лашын разы

лебіз раушан

лайық рең

лезде рәсім

Сөз басындағы л, р дыбыстарының айтылуына назар аударайық. Сөздердің мағынасын түсіндір.

Ереже шығару.

Сөз басындағы л, р әріптерінің алдынан ы, і естілгенімен, олар жазылмайды. Мысалы: Лақ, лезде, рет, рас.

Аудиожазба тыңдату.

Мақалды оқып, жатқа жазу. Сөз басындағы л, р әріптерінің астын сызу. Олардың айтылуы мен жазылуын салыстыру.

1-топ. Еңбек түбі – рахат.

2-топ. Лақтырған тас ақсақтың аяғына тиеді.

3-топ. Ер бір рет өледі,

Ез мың рет өледі.

Сергіту сәті

«Мен - қазақпын»

Видео көрсетіледі.

122-жаттығу. Екі бағандағы сөздерді салыстыру. Содан соң одан қорытынды жасау.

123-жаттығу. Ребусты шешу. Ауызша топтастыру «Раушан». Гүлді сипаттау.

Үйге тапсырма

121-жаттығу. Л дыбысынан басталатын сөздерді бір бөлек, р дыбысынан басталатын сөздерді бір бөлек топтастырып, жазу.

Күнделіктеріне жазып алады.

Бағалау

Жетон арқылы бағалау.

Бағалау парағы.

Бағалау парағын топ басшысы толтырады. Бағалау парағы арқылы топтар бағаланады.

Рефлексия

«Бағдаршам»

Стикерлер жапсырылады.