Сабақ мақсаты: Денсаулық зор байлықты ақиқат құндылығынан туындайтынын ұғындыру.

Міндеттері:

-оқушыларды басқа адамдардан жақсылық іздей білуге үйрету;

-шыншылдық қасиеттерін дамыту;

-кішіпейілділікке тәрбиелеу;

Ресурстар:

Оқулық, дәптер (аудио, видео жазбалар)

Сабақ барысы: 1.Ұйымдастыру кезеңi

Оқу құралдарына назар аудару. 5Т.

Топқа бөлінеді:

І топ:«Тазалық»
ІІ топ: «Денсаулық»
ІІІ топ:«Дәрумен»

2.Үй Тапсырмасын тексеру.Күн мен гүлдер Қ.Толыбаевтың 112 – беттегі мәтінін оқып, мазмұндау. «Туған жер ғажаптары» тақырыбында сурет салу.

3. Сергіту сәті

Бойды сергек тік ұста,

Емін-еркін тыныста.

Оң қолыңды соз алға,

Қол ұшына қара да,

Үшбұрыш сыз ауада,

Сол қол босқа тұрмасын,

Шеңбер жасап тынбасын.

Әрбір адам өз денсаулығының мықты болу жолдарын қарастыру керек. Дені сау адамның көңіл күйі көтеріңкі болып, еңбекке әрқашан құлшына кіріседі. Халқымыз «Дені саудың жаны сау» деп бекер айтпаған. Отанымыздың келешегі, көркеюі балалар сіздердің қолдарыңызда. Сондықтанда сендердің таңдауларын - салауатты өмір салтын сақтау керек.

Сабақ барысын талқылау:

2 минут

4.Дәйексөз

«Сау дене, азат ақыл, адал көңіл,

Үшеуімен бақытты болады өмір» Әйтеке би

Денсаулықты сақтау мен нығайту адамның өз қолында. Денсаулықтың мықты, жанының таза болуы адамның айналасындағы адамдарға қуаныш сыйлап, салауатты өмір салтын ұстануына да байланысты.

2-рет ұлдарға, 2- рет қыздарға айтқызу. Бәріміз қосылып айту.

5. Мұғалім сыйы

Ең үлкен байлық

(Ертегі)

• Жігіт байлықты қалай түсінді?

• Үлкен адамның кеңесінен соң жігіттің «байлық» туралы көзқарасы өзгерді ме?

• Ең бірінші байлық не екен?

• Дені сау адам қандай болады?

• Өз денсаулықтарыңды қалай  күтесіңдер?

• Денсаулыққа  қажетті  дәрумендерді  қайдан алуға болады ?

• Дұрыс тамақтану  дененді қайдан түсінесіңдер ?

• Қандай спорттың түрлерімен шұғылданасыңдар ?

• Шығармашылық жұмыс:

1 – топ

“Дәрігер мен бала” көрініс
(Сахнаға ақ халатты дәрігер мен жас бала шығады.)
Бала есікті қағып, «Кіруге бола ма?», - деп сұрайды.
Дәрігер: - Кіріңіз.
Ішке бала кіреді.
Бала: - Саламатсыз ба?
Дәрігер:- Саламатсың ба. Бұл жерге қандай себеппен келдің? 
Бала:- Басым, көзім ауырады, ұйқым келе береді.
Дәрігер:- Сағат нешеде тұрасың?, нешеде ұйықтайсың? 
Бала:- Түнгі 2-3-терде ұйықтаймын, азанда 11 -де тұрамын. 
Дәрігер:- Асқа тәбетің қалай? Қалай тамақтанасың? 
Бала:- Қолыма не түседі, соны жей саламын. 
Дәрігер:- Нені ұнатасың? 
Бала:- Теледидар көргенді, компьютерде ойнағанды ұнатамын. 
Дәрігер:- Оған қанша уақыт бөлесің? 
Бала:- Ұйқым келгенше ойнай беремін. 
Дәрігер: Егерде басың, көзің ауырмасын десең уақытылы тамағынды ішіп, телефон, теледидар, компьютерде көп отырмау керек. Ұйқың қанық болу үшін ертерек ұйықтау керек. Ғалымдардың зерттеуі бойынша адам 7-8 сағаттан артық ұйыктамау керек. Міне сол кезде біздің денсаулығымыз жақсы, ешқандай жеріміз ауырмайтын болады.

2 - топ

Берілген сөздер бойынша өлең құрастыру.

Денсаулық ол – шыныққан 
Барлық денең мүшесі. 
Денсаулық ол - тыныққан 
Жүйке тамыр жүйесі.

Денсаулық ол - күлуің 
Көңіл – күйің жадырай, 
Денсаулық ол – жүруің, 
Ешбір жерің ауырмай

Денсаулық ол – шыныққан

3-топ Суретке қарап, тақырыбын қойып эссе жазу

7.Топпен ән айту. Бала тілегі

Сөзі: С.Молдасанұлы

Әні: Ф.Лұқпанова

8.Үй тапсырмасы : №32 сабақ. Ең үлкен байлық ертегісін оқып, мазмұнддап келу.

9.Сабақтың қортынды минуты.

- Енді көзімізді жұмып осы сабақта айтылған ойлар мен істерді ой елегінен өткізіп көрейікші.

-Барлық айтылған жақсы ойларды жүрегіміздің түкпіріне апарып орналастырайық.

-Енді көздеріңді аша ғойыңдар. Сабақ аяқталды. Бүгінгі күндерің қуаныш әкелсін!

Балалар енді бәріміз орнымыздан тұрып шеңбер құрайық.Мен Ернұрға :қасыңдағы досыңды ренжітпе-деп айтамын.Әрі қарай осы бойынша жалғасады.