Сабақ мақсаты:

Денсаулықты сақтау үшін дұрыс әрекет жасауға үйрету.

Міндеттері:

Денсаулықтың адам өміріндегі маңыздылығын түсіндіру.

Оқушылардың денсаулықты күтуде ұқыптылық, тәртіптіліктерін нығайту.

Салауатты өмір сүруге, төзімділіке тәрбиелеу.

Ресурстар:(құралдар, мәлiметтер)

Сабақ барысы:

1. Ұйымдастыру кезеңi. Тыныштық сәтi. Нұрға бөлену.

2. Үй тапсырмасын тексеру.

Оқулықтағы 32 сабақ. 131 бет «Ең үлкен байлық» ертегісін оқып, талдау.

1.Жігіт байлықты қалай түсінді?

2.Үлкен адамның кеңесінен соң жігіттің «байлық» туралы көзқарасы өзгерді ме?

Сабақ барысын талдау:

3. Дәйексөз.

Сау дене, азат ақыл, адал көңіл,

Үшеуімен бақытты болады өмір.

Халық мақалы

Дәйексөздің мағынасын қалай түсінесіңдер? Оқушылар есте сақтап қалу үшін үш рет қайталаймыз? Дәптерлеріне дәйексөзді жазып аламыз.

4. Әңгiмелеу.

Денсаулық дәрісі.

(аңыз әңгіме)

Бір патша ауырып жатқанда сарайындағы емші оған ем ретінде «Денсаулық» салатын жасап жеуді ұсынады. Ал, салат құрамы мынандай екен: «Тыңдай білудің тамырын , тіл табысудың жапырағын салыңыз, жан тазалығы мен сенім жемісін қосып, бәрін сабырлықтың ыдысында сақтап, күнде пайдаланыңыз»- деген екен.

1.Емшінің сөзінен кейін патша емді өмірінде қалай қолданады деп ойлайсыңдар?

2.Сендер осы емді қолданар ма едіңдер?

5. Шығармашылық жұмыс, топтық жұмыс.

«Денсаулық - зор байлық» тақырыбында сурет салу

6. Топпен ән айту.

«Біз бақытты балдырған » туралы өлең айту.

Денсаулығы мықты адам,

Керек әркез баршаға.

Армандарға жолын ашқан,

Біз бақытты балдырған.

Қайырмасы:

Ерте тұрып жүгіреміз,

Таза ауада шынығамыз.

Күн секілді күлімдеп,

Би билеп, ән саламыз.

Жақсылықты үйренуге,

Бәрінде біз шақырамыз.

Әлемге арнап шын пейілмен,

Жақсылықты сыйлаймыз.

7. Үй тапсырмасы.

Ә.Табылдиевтің 33 сабақ 134 беттегі Әдепті сөз әңгімесін оқып, талдау.

Дәптердегі 32 сабақтағы тапсырма берілді.

8. Соңғы тыныштық сәтi.

Жай музыка қойылады.

Құрметті оқушылар жайланып отырып, көздеріңізді жұмып, бүгінгі сабақтан алған жақсы сәттерін жүрегіңізге түйіп алаңыз.