Күні: 01.03.17

Сыныбы: 6 «ә»

Пәні: Қазақ тілі

Сабақтың тақырыбы: Диктант «Өжет құмырсқа»

Сабақтың мақсаты:

а) білімділік: оқушылардың білім деңгейлерін тексеру, емле мен тыныс белгілері ережелерін сақтап, сауатты жазуын арттыру;
ә) дамытушылық: оқушылардың көру, есте сақтау қабілетін және жазу мәнерін дамыту;
б) тәрбиелік: оқушыларды өжет болуға, батылдыққа тәрбиелеу.

Сабақтың әдісі: баяндау, жаздыру.

Сабақ барысы.

І.Ұйымдастыру кезеңі:

• Оқушыларды түгелдеу;

• Жазба жұмысының тақырыбымен таныстыру.

ІІ. Жазба жұмысына дайындық:

1)Мәтіннің тақырыбымен, мазмұнымен таныстыру;

2) Қиын сөздерді тақтаға жазу;

ІІІ. Диктант жазу

Өжет құмырсқа

Серуендеп келе жатып, құмырсқалардың илеуіне тап болдым. Олар қыс қамына қызу кіріскен сияқты. Ары-бері зыр жүгіріп, тыным табар емес.

Кенет ағаштан бір жұлдыз құрт түсті. Оны бір құмырсқа байқап қалыпты. Дереу жұлдыз құртына жабыса кетті. Құмырсқаның шаққаны жанына батты ма, құрт серіппеше жиырылып, жауын едәуір жерге ұшырып жіберді.

Құмырсқамен салыстырғанда үстін түк басқан жұлдыз құрттың түрі тым сұсты еді. Бірақ одан қорқатын құмырсқа жоқ. Есін жиып алды да, құртқа өршелене ұмтылды. Бұл жекпе-жектің нәтижесі де жаңағыдай болды. Құмырсқа сонда да беріспеді. Қайта-қайта шабуылдап, қарсыластарының есін жиғызар емес. Жұлдыз құрт енді шындап сасайын деді, соңғы күшін жинап, шөп арасына қарай тез-тез жылжи берді (104 сөз)

ІV. Қорытынды Диктантты толығымен қайталап оқып, тыныс белгілерін қойғызу.

V. Жазба жұмысын оқушылардың өздері тексеруі.

 ҮІ. Жазба жұмыстарын жинап алу.

 ҮІІ.Үйге тапсырма: Өткен тақырыпты қайталау.