ТАҚЫРЫБЫ: «Дос болайық бәріміз» (сахналау) Ортақ тақырып: Менің айналамда кімдер бар?

Мектеп/ МҰ:

Күні:

Педагогтің аты-жөні: Тлепова А. З

Сынып/топ:

Қатысқандар саны:

Қатыспағандар саны:

Сабақтың оқу мақсаттары

0.1.1.1 Ілікпе сөз бен фразаларды айтуда тыныс алуды реттеу.

0.1.1.2 Дыбыстарды түрлі екпінде анық және дұрыс айту, сыбырлап және қатты айту.

0.1.2.4 Түрлі эмоция мен сезімді білдіру үшін дауыс күшінің түрлі дәрежесін қолдану.

0.2.1.1 Командаға немесе музыкалық белгіге сәйкес әрекет ету.

0.2.1.2 Кеңістікте бағдарлау (ойластырып құрылған сахна алаңында), түрлі қарқында қозғалу.

0.3.1.4 . Басқа кейіпкерлермен рөлдік қарым-қатынасқа түсу.

0.3.1.6 Ым-ишара, дауыс ырғағы, ойын атрибуттарын қолданып таныс әдеби шығармалар негізінде кейіпкерлердің бейнелерін жасау.

Күтілетін нәтиже

Барлық тәрбиеленушілер:

ілікпе сөз бен фразаларды айтуда тыныс алуды реттейді;

дыбыстарды түрлі екпінде анық және дұрыс айтады, сыбырлап және қатты айтады; кеңістікте бағдарланады (ойластырып құрылған сахна алаңында), түрлі қарқында қозғалады; командаға немесе музыкалық белгіге сәйкес әрекет етеді.

Көпшілік тәрбиеленушілер:

түрлі эмоция мен сезімді білдіру үшін дауыс күшінің түрлі дәрежесін қолданады; басқа кейіпкерлермен рөлдік қарым-қатынасқа түседі.

Кейбір тәрбиеленушілер:. ым-ишара, дауыс ырғағы, ойын атрибуттарын қолданып таныс әдеби шығармалар негізінде кейіпкерлердің бейнелерін жасайды.

Тілдік мақсат

Тәрбиеленушілер:

театрланған қойылымдар арқылы тілін дамытады;

кейіпкерлердің іс-әрекеттері мен дауыс ырғақтарын сәйкестендіре дұрыс сөйлейді; байланыстырып сөйлеуге дағдыланады; сөздік қоры жинақталады.

Көптілділік:

достық – дружба – friendship

Негізгі терминдер мен сөз тіркестері.

қаумалап, алқымға алып, найза.

Сабақта диалог/хатта қолданылатын тіл:

Пікір алмасу сұрақтары.

Сендер қалай ойлайсыңдар, дос қандай болу керек?

Айтыңдаршы, бұрын-соңды сендерге достарың көмекке келді ме?

Қандай жағдайда?

Сен досыңа қандай көмек берер едің?

Өткен сабақтардан алған білім

Ертегі туралы білімдері. Театр туралы түсініктері.

Түрлі екпінде сөйлеу, дауыс екпінінен көңіл күйді ажырата білу.

Жоспар

Жоспарланған уақыт

Жоспарланған іс-әрекет

Ресурстар

І. Дұрыс әсерлі көңіл күй орнату.

0-2 минут

II. Мақсатты болжам. 3-5 минут

Педагог Айсұлу мен Қуаныштың қонаққа келгенін айтып, оларды достық шеңберіне шақырады. Қосыл, қосыл шеңберге, Нағыз адал дос болып. Қосыл, қосыл шеңберге, Ең сенімді дос болып. Қосыл, қосыл шеңберге, Ең мейірбан дос болып.

Қосыл, қосыл шеңберге, Нағыз шыншыл дос болып. Қосыл, қосыл шеңберге,

Нағыз қайырымды дос болып.

• Балалар, Қуаныш пен Айсұлу сендермен дос болғысы келеді.

• Сендер қалай ойлайсыңдар, дос қандай болу керек?

• Айтыңдаршы, бұрын-соңды сендерге достарың көмекке келді ме? Қандай жағдайда?

Достық – адамдардың арасындағы сыйласымды қарым-қатынас. Достарыңды отбасы мүшелері сияқты жақсы көріп, сыйлап, оларға әрқашан көмек көрсетулерің қажет. Жақсы достарыңды мақтан тұтуларыңа болады. Достар әрқашан бір-біріне көмектеседі, бір-бірімен жанжалдаспайды, өтірік айтпайды.

Сабақтың ортасы III. Тақырып бойынша жұмыс

(Ө) Әліппе-дәптермен жұмыс.

Мақалмен таныстыру. Мағынасын түсіндіру. Ағаш тамырымен мықты, Адам досымен мықты.

Әліппе-дәптер

6-27 минут

(Ұ) ойын: «Достасу»

Шарты: Тәрбиеленушілер шеңбер бойына жіпті ұстап тұрады. Жіпті орау арқылы кезекпен бір-біріне ұсынады. Жіп алған бала досына тілек айтып, келесі балаға береді. Ойын жіп оралып біткенше жалғасады.

(Ө) Әліппе-дәптермен жұмыс.

Суреттегі кейіпкерлер қандай дыбыс шығарады? Солардың дыбысын салып, қимылын бейнелеп көрсет.

• Достық туралы қандай ертегі білесің?

«Достық» ертегісін ұсынады.

Педагог ертегіні суреттер көрсетіп баяндайды (Қосымшаны қараңыз).

• Ертегідегі жағымды, жағымсыз кейіпкерлерді ата.

• Құмырсқа мен балара неге жағымды кейіпкер деп ойлайсың?

• Құмырсқа қара шыбын мен шегірткеден қандай көмек сұрады?

• Балара оларға не деді?

• Қара шыбын мен шегірткенің іс-әрекеттері дұрыс па?

• Сен досыңа қандай көмек берер едің?

Педагог ертегідегі кейіпкерлерінің қиын оқиға кезінде бір-біріне көмекке келгенін айтады.

( Ө) Әліппе-дәптермен жұмыс.

• Достарыңмен қандай ойындар ойнайсың? Досыңмен бірігіп ымишара арқылы көрсет.

Өзіңе ұнаған кейіпкердің суретін сал.

Сергіту сәті.

Достар бірге жүреміз ( қол ұстасып айнала жүру), Бірге ойнаймыз, күлеміз ( бір-біріне қарап күлу ). Бірге балық аулаймыз ( қолдарын алға созу), Қуанамыз, билейміз ( би қимылдарын жасау ). Бөлінбейді іргеміз ( қол ұстасып, жоғары созу), Әрқашанда біргеміз (иілу, қол шапалақтау).

Осыдан кейін «Достық» ертегісіндегі балара мен құмырсқаның достығы жайлы әңгімелеседі.

( Т) Топқа тапсырма :

Педагог балараның айтқан сөзінен үзінді оқиды. Топтан бір бала шығып, түрлі екпінде мәнерлеп қайталайды (сыбырлап және ақырын).

(Ұ) Жұмбақ-ойын: «Айна».

Тәрбиеленушілер қандай кейіпкерді көрсететінін ойланады. Бір бала кейіпкердің мінез-құлқы мен көңіл күйін көрсетеді. Ал басқа балалар ертегідегі қай кейіпкер екенін және кейіпкердің қай кезеңдегі бейнесін ойнап жатқанын табады. Сахналау. Педагог ертегіні сахналауды ұсынады.

Тәрбиеленушілерге сиқырлы қоржыннан бір-бірден текше таңдап алуды тапсырады.

Тәрбиеленушілер текшедегі ертегі кейіпкерлерінің суретіне қарап рөлдерге бөлінеді.

Педагог тәрбиеленушілерге әртістер сахнада өздерін қалай ұстайтындары туралы түсіндіреді.

Олар сахналау аяқталған соң көрермендерге қарап тұрады. Ақырын бастарын изейді. Көрермендер қол шапалақтайды.

(Ө) Әліппе-дәптермен жұмыс.

Өзіңе ұнаған кейіпкердің суретін сал.

Бүгін біз достар туралы әңгімелестік. Досымызға үнемі жақсы, жылы сөздер айту керектігін үйрендік. Достар бір-біріне көмектеседі. Достықтарың ұзақ, тұрақты болу үшін бір-біріңе көмектесіп, адал болуларың керек. Сонда ғана достықтарың берік болады.

Әліппе-дәптер

Суретті плакаттар

Әліппе-дәптер

Сиқырлы қоржын, текшелер, Сахна қойылымы

Атрибут, киімдер

Әліппе-дәптер

IV. Сабақтың қорытындысы Рефлексия.

28-30 минут

(Ө, Қ) Айсұлу мен Қуаныш тәрбиеленушілерге өз жұмыстарын бағалауды айтады.

Көңілді және көңілсіз бетперделерді бояу:

1. Өз жұмысына көңілі толса, көңілді бетперденің суретін бояйды.

2. Өз жұмысына көңілі толмаса, көңілсіз бетперденің суретін бояйды.

Әліппе-дәптер