Сыныбы: 2 «а»

Пәні: Қазақ тілі

Сабақтың тақырыбы: «Думан» ойын-сауық орталығы

Мақсаты:

1. Білімділік: “Думан” ойын-сауық орталығы туралы мәлімет беру.

2. Дамытушылық: оқушылардың білімі мен сабақта белсенділігін арттыру, сөйлеу тілін қалыптастыру, логикалық ойлау қабілетін, ұйымшылдық, ізденушілік, еңбекқорлық қасиеттерін дамыту.

3. Тәрбиелік: өз өлкесін сүюге баулу, табиғатты, қоршаған ортаны қорғап, аялай білуге тәрбиелеу. Астана қаласының әсемдігін дәріптеу.

Сабақта қолданылатын әдіс-тәсілдер: сұрақ-жауап,әңгімелеу.

Сабақтың түрі: жаңа сабақ.

Сабақтың барысы:

I. Ұйымдастыру кезеңі:

- Сәлемдесу;

- Оқушыларды түгелдеу.

ІІ. Психологиялық дайындық

Бәріміз бір топпыз,

Жалқаулыққа жоқпыз.

Ерінбей еңбек етеміз,

Мақсатымызға жетеміз.

III. Жаңа сабақ

Елорданың сол жағалауында шексіз даладағы мұхиттың бір бөлігін сыйдырған океанариумы бар «Думан» орталығы салынған. 3D кинотеатры, «Джунгли» аттракционы, боулинг, көпфункционалдық зал мен қонақ үй кешені, сонымен қатар кафелер желісі, сауда залдары, балаларға арналған ойын алаңдары бар.

"Думан" - ересектердің де, балалардың да сүйікті демалыс орны. Келушілер, әсіресе, акулаға жем тастау мезетін көруге асығады, оны аквариум шынысы арқылы көріп тұруға болады.

IV. Жаттығу жұмыстары

Берілген сөздерге көптік жалғауларын жалға.

мұхитарал +

сегізаяқ +

алаң +

маймыл +

дәмхана +

қолтырауын +

өрмекші +

жәндік +

көрме +

Берілген сөздер бойынша сөйлемдер құрау.

Балық, сегізаяқ, теңіз кірпісі,теңіз аты, акула, маймыл, тасбақа, қолтырауын.

Мысалы: Мынау- әдемі, қызыл,үлкен сегізаяқ.

IV. Сергіту сәті

Шаршасаңдар, балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерің шынықсын,

Саналарың тынықсын.

V. «Кім жылдам?» тақырыпқа байланысты сұрақтарға жауап беру

-«Думан» ойын –сауық орталығы қай қалада орналасқан?

-Ол қай жылы ашылды ?

-«Думанда» нелер бар ?

- Мұхитаралда нелер бар?

-Қазақстанда неше мұхитарал бар?

VI. Сабақты қорыту:

-Балалар,бүгін өз білімдеріңді көрсете алдыңдар, жарайсыңдар!

-Бүгін сабақ сендерге ұнады ма? Не білдіңдер?

VІІ. Бағалау.

Үйге тапсырма: Астана қаласының суретін салып келу.