Орта топта кіріктірілген оқу қызметінің технологиялық картасы № 24

Блок: «Табиғат әлемі»

Апта тақырыбы:«Қысқы бақ»

Ай апта	Ақпан III-апта	Мақсаты
Білім саласы	«Коммуникация» «Таным»	Балаларды үй өсімдіктерін күтіп-баптауға үйрету, үй өсімдіктері туралы білімдерін бекіту, қорек беруді, өсімдіктерді өсіруге: жарық, ылғал, ауа, қалыпты температура, адамдар күтімі туралы түсінігін кеңейту, күтіп-баптауға қызығушылық танытуға тәрбиелеу. Балаларды шығарманы эмоциональды түрде қабылдай білуге,оның мағынасын түсіне білуге үйрету.Табиғатқа сүйіспеншілікпен қарай білуге баулу.
Кіріктірілген оқу қызметі	Драма Жаратылыстану
Тақырыбы:	Жылыжайға саяхат
Әдістер	Көрсету,түсіндіру,әңгімелеу, СТО,бекіту, сұрақ-жауап.
Керекті-құралдар	Табиғат бұрышындағы гүлдер,бейнетаспа, сусепкіш,ойыншық шелек,ойыншық күректер.
Әрекет кезеңдері	Тәрбиешінің іс-әрекеті	Баланың іс-әрекеті
Мотивациялық қозғаушылық	«Мейірімді  жүрек» Шарты: Балалар  үлкен  шеңбер  құрып  отырады. Тәрбиеші  жүрекшені  ұстап  тұрып: «Балалардың  мейірбандық  жүрегі, Адамдарға  бақыт, шаттық  тіледі»,-деп  айтып  көршісіне жылы  сөздер  айтатынын  түсіндіру.	Балалар  тәрбиешіні  тыңдап,  шаттық  шеңберіне   жиналады.  -Сен мейірімдісің! -Сен кішіпейілсін! -Сен әдемісің! -Менің мейіріміді досым! т.б.
Ұйымдастыру шылық-ізденістік	Ой-қозғау -Балалар,біздің топта табиғат бұрышы бар. -Солай ма? -Қараңдаршы,қандай әдемі өсімдіктер.Осы өсімдіктер өсу үшін,ауа,су,жарық,жылу қажет. Біз күнделікті күннің екінші жартысында осы өсімдіктерге күтім көрсетеміз.Су құямыз, жапырақтың шаңын сүртеміз,топырағын қопсытамыз. -Ал,мына бөлме өсімдігіне кім күтім көрсетеді? -Енді балалар,барлығымыз терезеге қарайық. Терезеден нелерді көріп тұрсыңдар? -Дұрыс,біздің балабақша ауласында ағаштар бар. Ағаштар далада,орманда, бақшада өседі. Ағаштың  діңін  ағашқа  құрт түспеуі үшін ақтаймыз.Тыңайтқыштар береміз.Өйткені күтімді уақытылы жасаса жемісті мол  береді.Ағаштардың биіктігіне қарай биік-аласа деп ажыратамыз. -Ал ағаштарды өсіру үшін не қажет екенің мына бейнероликтен көріп,тамашалайық. АКТ қолданумен «Ағаштар не үшін қажет?»-әңгімесін көрсетіп,тыңдату. - Әңгіме не жайлы айтылған? -Ағаштар қалай пайда болады? - Ағаштардың пайдасы қандай? -Ағаштар жайқалып өсу үшін не қажет? -Сендердің үйлеріңде осындай ағаштар бар ма? -Сендер оларды өсіру үшін үлкендерге көмектесесіңдер ме? -Ол үшін не істейсіңдер? Сергіту сәті: «Жаттығу» АКТ қолдану. Қорытынды: -Балалар бейнероликтен нелерді көрдіңдер? -Ағаштар не үшін қажет? -Ағаштың бұтағын сындыруға бола ма? -Жыл мезгіліне қарай ағаштың бұтағы қандай түстерге өзгереді екен?	-Табиғат бұрышына назар аударады Тәрбиешінің әңгімесіне назар аударады. -Бөлме өсімдіктеріне су құяды, жапырақтарының шаңын сүртеді, топырағын қопсытады. Тәрбиешінің әңгімесін тыңдайды. Бағытталған сұрақтарға жауап береді. Қимылмен орындайды. -Ағаштар -Ауаны тазарту үшін -Сындыруға болмайды -Сары,қызғылт,жасыл
Рефлексивтік жинақтаушы	Оқу қызметін қорытындылап,бекітеді.Оқу қызметіне жақсы қатысқан балаларды мадақтайды.
Күтілетін нәтиже
Білу керек	Ағаштар туралы түсінігін,ағаштың пайдасын;
Түсінеді	Ағаштардың не үшін қажет екенің,оларға қамқорлық көрсетуді;
Қолдана біледі	Өсімдіктерге күтім көрсетуді,сұраққа жауап беруді.

Тәрбиеші: Насиева Ф.Х.

Екінші бөлімде кіріктірілген оқу қызметінің сағаты-ойындар арқылы жүреді.

Дидактикалық ойын:«Табиғат кереметтері»
Шарты :Табиғат бөліктері салынған үлестірмелі суреттерді таңдап алып солардың атынан сөйлеп, не істей алатынын айту.(Күн, бұлт, жұлдыз, құс.)

Ағаштар міне
Мұныңда үні ш, ш, ш
Кейде жұмсақ, кейде шу, шу 2
Кейде дауыл гу де гу

Дидактикалық ойын: «Жыл мезгілдері»

Мақсаты:Балалардың жыл мезгідері туралы білімдерін бекіту,мезгілдерді атауларын үйрету(қыс,көктем,жаз,күз). Мезгіл өзгерістерін талқылау.

Ойын барысы:Тәрбиеші балалардан жылдың қай мезгілі екенін сұрайды. Жыл мезгілі төрт бөліктен тұрады,әр бөлікке сәйкес мезгілдердің ерекшелік карточкасы бар.

Балалар жыл мезгілдерінің өзгерістері карточкасын алып сәйкес келетін мезгілдерге қойып шығады.(мысалы:қыс мезгіліне қар,шырша,аққалат.б.)