Егеменді елдің болашағымын!

Тақырыбы: « Егеменді елдің болашағымын»
Мақсаты:

Білімділік: Оқушылардың бойында ұлттық рухты, патриоттық сезімдерді

ұялату, өз Отанын, елін сүюге, мемлекеттік рәміздерін

қастерлеуге, мемлекеттік тілін құрметтеуге, өз ұлтын жанындай

сүйетін саналы, білімді, іскер азамат қалыптастыру.

Дамытушылық: Оқушылардың сөйлеу мәдениетін, сын тұрғысынан ойлау,

зерттеу дағдыларын, өз ойын ортаға салу дағдыларын

жетілдіру.

Тәрбиелік: Оқушылардың жеке басындағы патриоттық сезімді,

отансүйгіштік қасиеттерді қалыптастыру. Еліміздің болашағы

жас өспірімдердің Отан алдындағы борышын өтеуге тәрбиелеу.

Міндеті: Оқушылар бір - бірімен ұжымдық тапсырма атқару барысында

бірлесіп жасауға үйренеді. Басқаның пікірімен санасу және өзінің

ойын анық жеткізу.

Көрнекілігі: Патриоттық үлгідегі бейнематериалдар Мультимедиада

дайындалған слайдтар.
Әдісі: дәстүрлі сабақ, әңгімелеу.
Барысы: Оқушыларды топқа бөліп ұйымдастыру, психологиялық дайындық.

Жоспары:
1 - бөлім. Үнсіздік сәті.
2 - бөлім. Ой толғау.
3 - бөлім. «Болашақ Жаңаөзен»
4 - бөлім. Мақал - мәтел сайысы.
5 - бөлім. Шығарма. Отан оттан да ыстық

Кіріспе:

Құрметті қонақтар және оқушылар!. Бүгінгі тәуелсіздік мерекесіне арналған «Мен – егеменді елдің болашағымын» атты тәрбие сағатымызды бастауға рұқсат етіңіздер.
Сыныптағы оқушыларды топқа бөлу.
1 - топ: Қазақстан.
2 - топ: Байтерек.
3 - топ: Тәуелсіздік.

І Мұғалім сөзі:
Он алтыншы желтоқсан
Он алтыншы желтоқсан -
Тәуелсіздік алған күн.
Ерекше боп мәңгілік
Ел жадында қалған күн!» — дей келе, тәуелсіздік жолында талай жандар құрбан болып, елім деп еңіреніп өткені белгілі. Талай қиын - қыстау, қуғын - сүргінді ата - бабаларымыз басынан кешті. Сан ғасырлар бойы ата - бабаларымыз еркіндік пен тәуелсіздік таңын аңсап келген. Аллаға шүкір көксеген арманға ХХ ғасырдың соңына қарай қол жеткіздік.

«Желтоқсан желі» видеоролик
Енді, 1986 жылғы алаңда азаттық үшін алысқан жастарымызға арнап бір сәт үнсіздік минутын жарияласақ.

II Мұғалім:

Еліміздің егемендік алуы халқымыздың тарихында жаңа дәуірдің бетін ашты, бүкіл қоғамдық өмірімізге жаңа леп, серпін ала келді. Ол — баршамыз бейбіт өмірде, еркіндікті аңсаған ақ ниет, ақ тілеумен өзіміз тіккен ортақ шаңырағымыздың тәуелсіздігі.
Тәуелсіздік — теңдік, бостандық, еркіндік!

Ой толғау. Оқушылар, сендер Қазақстан жайлы, яғни еліміз туралы не білесіңдер соны орта салып тыңдап көрейікші. Сендердің пікірлерің дұрыс болса, тақтада белгісіз тұрған сөз ашылады..

Жарайсыңдар балалар, сендердің ойларын өте дұрыс. Жасырын тұрған сөз қандай екен? Әрине, еліміздің астанасы Астана қаласы. Балалар сендер Астана қаласы жайлы не білесіңдер?

Ойларыңды ортаға салыңдар.

Келесі бөліміміз «Болашақ Жаңаөзен» жобасы.
Оқушылар «Болашақ Жаңаөзен» тақырыбында өздерінің шығармашы лық ойларыңды, қиялдарыңды ортаға салыңдар. Яғни, ол тақырып негізінде сендер болашақта өз қалаларыңа тигізетін көмегіңді, дамыту үшін қосатын қарқынды үлесіңді сурет салып орындаңдар. Уақыт 10 минут санаулы.

Біздің келесі бөліміміз мақал - мәтелдер сайысына кезек берсек.
Балалар сендер топпен өзара ақылдасып Тәуелсіздік, Отан, ерлік жайлы 5 мақал - мәтел жазуларың керек. Сендерге 5 минут уақыт беремін.

• Қазақстан тобы:…
  Еліңді сүйсең, ерлік істейсің.

• Ерлік білекте емес, жүректе.

• Еңбек ерлікке жеткізер, Ерлік елдікке жеткізер.

• Ерлік – елге мұра, ұрпаққа - үлгі.

• Қаһарлы қамал бұзады.

• Ел үмітін ер ақтар, Ер атағын ел сақтар.

Байтерек тобы:…
Алтын ұяң — Отан қымбат,
Құт-берекең — атаң қымбат, 
Аймалайтын — анаң қымбат, 
Асқар тауың — әкең қымбат (Қазыбек би).

Бұлбұл гүлзарын сүйеді, 
Адал адам Отанын сүйеді. 

Жауда қалған бұлбұлдан Отанға кайтқан ит артық.
Орағың өткір болса, қарың талмайды,
Отаның берік болса, жауың алмайды.

Тәуелсіздік тобы:…

Егемен елдің еңсесі биік.

Тәуелдінің соры қалың, тәуелсіздің бағы басым.

Тәуелсіз елдің ұлы – өжет, қызы – қайратты, халқы – қаhарман

Тәубенің зоры – Тәуелсіздік.

Азат елін сүйген ұл — бақытты,
Жаңа жұртын сүйген қыз — бақытты.

Ерінен айырылған көмгенше жылайды,
Елінен айырылған өлгенше жылайды.

Егеменді ел көрікті,
Бетегелі бел көрікті.

Жарайсыңдар балалар! Ендігі сендердің мақсаттарың мынау болмақ. «Отан оттан да ыстық» деген мәтелдің негізгі мазмұны мен идеясын түсініп, ойларыңды ортаға сала отырып, әр топтан бір шағын шығарма жазуларың керек. 5 минут уақыт беремін.

Қорытынды.
Біз - тәуелсіз қазақ елінің ең жас ұланымыз. Сондықтан өз жерімізді, өз елімізді, әкелеріміз бен аталарымыз сияқты қадірлеуге, сүюге, қорғауға тиіс екенімізді естен шығармаймыз. Кең байтақ Қазақстан – менің туған өлкем, оның асқар таулары мен айдын көлдері, жайқалған орманы мен жасыл жайлауы – менің ақ бесігім. Сондықтан да мен оны анамдай сүйемін.