Экологиялық мәселелер: Әр адам өз үлесін қоса ала ма?

Бүгінгі таңда бүкіл әлем алдында тұрған ең өзекті мәселелердің бірі – экологиялық дағдарыс. Себебі қазір өндіріс орындарынан бөлінетін улы түтіндер, тұрмыстық ортаға тасталып жатқан түрлі қалдықтар, климаттың жылынуы, орман өрттері, ауаның және судың ластануы – бұлардың бәрі адам өміріне үлкен зиян келтіруде. Қазіргі таңда жиі кездесетін аурулар да дәл осы экологиялық проблемалардың әсерінен туындап отыр. Бұл мәселелерге мемлекет деңгейіндегі ғалымдар мен мамандар назар аударып жатқаны рас. Бірақ табиғатты қорғау тек экологтардың ғана міндеті емес – бұл әр адамның азаматтық борышы.

Экологиялық проблемалар неден туындайды?

• Пластик бұйымдардың шамадан тыс қолданылуы;

• Ормандардың кесілуі мен жойылуы;

• Өндіріс орындарынан бөлінетін улы қалдықтар;

• Адамдардың табиғатқа деген жауапсыз көзқарасы.

Біз қалай үлес қоса аламыз?

• Қалдықтарды сұрыптап, арнайы жәшіктерге бөле отырып тастау;

• Су мен электр энергиясын үнемдеу;

• Қайта өңделетін өнімдерді таңдау;

• Ағаш отырғызу;

• Экологиялық челлендждерге қатысу.

Менің ұсынысым:

Бүгінгі таңда елімізде қалдықтарды қайта өңдеу үдерісі жоғары деңгейде дамымаған. Егер біз әртүрлі қоқысты жеке-жеке сұрыптап жинап, оларды елімізде қайта өңдейтін жүйені жолға қойсақ, қалдықтардың мөлшері азаяды деп ойлаймын. Табиғатты қорғау – әрбір азаматтың

міндеті әрі борышы.

Бүгінгі кішкентай балаларды тазалыққа тәрбиелей отырып, біз келер ұрпаққа таза қоршаған орта қалдыра аламыз. Ендеше, бәріміз табиғатты қорғауға бір қадам жасап, өз үлесімізді қосайық!