"Елбасы еңселеткен Елорда" 5 сынып

Ашық тәрбие сағаты «Елбасы еңселеткен Елорда»

Тақырыбы: «Елбасы еңселеткен Елорда»

Мақсаты:

а/ білімділік: Оқушыларға Қазақстан Республикасының Президенті Нұрсұлтан Назарбаев өмірі мен

шығармашылыққа толы атқарылған істері туралы және елорда туралы жалпы мағлұматтар беру.

ә/ дамытушылық: Оқушыларға президенттің ел үшін жасаған істерін үлгі – өнеге ету.

б/ тәрбиелігі: Оқушыларды өз Отанын, халқын сүйетін азамат болып өсуге, елжандылыққа, патриоттық

сезімге тәрбиелеу.

Көрнекілігі: Н.Ә.Назарбаевтың түрлі жанрларда түскен суреттері, кітаптар бұрышы,

нақыл сөздер, слайдтар

Барысы:

І.Ұйымдастыру кезеңі

Қазақстан Республикасының Мемлекттік Әнұраны орындалады./ Видеоролик /

ІІ. Кіріспе

1-жүргізуші: Бар әлемге шын танылдық міне біз,

Елін сүйген Елбасы деп білеміз

Тең аталып Қазақстан – Нұрсұлтан

Нұрсұлтан мен Қазақстан тұр егіз.

Күнге беттеп бара жатыр көш жүріп,

Елдің даңқы бар жаһанға естіліп,

Елбасыны құрметтейтін ерекше.

Армысыздар , ақ пейілді көпшілік!

2-жүргізуші: Азаттық пен елге қонды тосқан бақ,

Қазақ елін мойындауда дос таңдап.

Елбасының еңбегімен нұрлана,

Қазағымның мерейі тұр аспандап.

Елі үшін олжа салып қиырдан,

Ықпаған еш ауырпалық қиыннан.

Мерекеңіз құтты болсын көпшілік,

Елбасының құрметіне жиылған!

Мұғалім: Құрметті оушылар, ұстаздар! Барша Қазақстан халқы 1-желтоқсанда Тұңғыш Президент күні мерекесін тойлайды. Осыған орай еліміз бойынша апталық жоспарланып, салтанатты жиындар, спорттық жарыстар, кітап көрмелері тақырыптық кештер ұйымдастырылуда. Бізде міне осы 1 желтоқсан Тұңғыш Президент күні мерекесіне арнап “Елбасы еңселеткен Елорда” атты ашық тәрбие өткізгелі отырмыз.

Ойқозғау.

Мұғалім: Балалар үйге берілген тапсырма арқылы жұмыс жасайық.

Үйге Президентіміз туралы және Елорда туралы шығарма, өлең, суреттер тапсырған болатынмын. Сол берілген тапсырма арқылы қай оқушы өз ойын ортаға салса.

Мұғалім: Нұрсұлтан Назарбаев 1991 ж. желтоқсанның 1-інде тұңғыш рет Қазақстан Республикасы Президентінің жалпы халықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,78 %) жеңіске жетті.Сонымен қатар 1995 ж. сәуірдің 29-ында жалпы халықтық референдум нәтижесінде Қазақстан Республикасы Президенті Н.Ә.Назарбаевтың өкілеттігі 2000 ж. дейін ұзартылды.

1999 ж. қаңтардың 10-ында өткен жалпы халықтық сайлаудың нәтижесiнде Н. Назарбаев 79,78 % , 2005 ж. желтоқсанның 4-інде сайлаушылардың 91,5 %, 2011 ж. сәуірдің 3-інде сайлаушылардың 95,5 % пайызға,2015 ж. сәуірдің 26-ында сайлаушылардың 97,7 % дауысын алып, Қазақстан Республикасының Президенті болып қайта сайланды.

Видео көрсету .

Оқушыларды 2 топқа бөліп, көшбасшы сайланады.

1 – топ ” Елбасы”

2 - топ “Елорда” осы екі топқа ассоцация арқылы тапсырма беріледі. Сол топтын көшбасшылары жауап береді. Оқушылар Елбасы мен Елорда туралы өз ойларын ортаға салып орындайды.