Күні: 20.02.2018 ж.

Білім беру саласы: «Коммуникация»

Бөлімдері: Сөйлеуді дамыту.

Өтпелі тақырып: «Электроника әлемі»

Ұйымдастырылған оқу қызметінің тақырыбы: «Телефон»

Мақсаты: телефон ақпараттық құралдар түріне жататындығы туралы түсініктерін қалыптастыру.

Дамытушылық: Балалардың ойлау қабілеттерін ойын арқылы туындату және сөздік қорын дамыту.

Тәрбиелік: Ересектермен әңгімелесу, телефон ақпаратың және оның мазмұнына қызығушылығын қалыптастыру, арттыру.

Көрнекіліктер: ұялы телефон, радиотелефон.

Ұйымдастыру кезеңі:

Шаттық шеңбер.

Арайлап таң атты,

Алтын сәуле таратты.

Жарқырайды қаламыз,

Жарқырайды даламыз.

Қайырлы таң ,апайлар!

Қайырлы таң ,балалар!

Өткен тақырыпты қайталау.

- Балалар, қазір қандай мезгіл?

- Қыста табиғат ерекшеліктері қандай болады?

- Қардың түсі қандай?

- Қыстық ойындарды қане, есімізге түсіріп көрейікші?

- Қыста қалай киінеміз?

- Жауаптарын өте дұрыс , жарайсыңдар!

Жаңа тақырып.

Кіріспе.

- Балалар, бүгінгі сабағымыздың жаңа тақырыбы ....(Телефон шырылдайды)

- Ой, балалар, мынау ненің дауысы? ( Телефон)

- Дұрыс айтасыңдар , бұл телефонның дауысы ғой.

Апай телефон тұтқасын көтереді.

Апай: - Алло.

Аю: - Алло. Сәлеметсіз бе? Мен аюмын. Бүгін орманда келе жатсам ұялы телефон тауып алдым. Ішінде осы номер бар екен , сосын хабарласып тұрмын.

Апай: - Ол менің телефоным ғой. Кеше орманға балалармен саңырауқұлақ теруге барғанда жоғалтып алдым. Мен балабақшадамын әкеліп бересіз бе?

Аю: - Жарайды, қазір барамын.

Аю келгенше біз сабағымызды жалғастыра берейік. – Телефон бізге не үшін қажет?

Қазір телефонсыз елестете алмайтын адам көп. Телефон әр түрлі болады. Ұялы телефон және үй телефоны деп түр түрге бөлінеді. Ұялы телефон дегеніміз оны біз әрдайым өзімізбен бірге алып жүреміз яғни, қалталы телефон. Қайда жүрсек те далада, қалада, көшеде жүрсек те кез келген адаммен байланыс жасай аламыз.Сонымен қоса ұялы телефонмен суретке де түсе аламыз, мультфильмдерде көре аламыз.Тіпті адаммен сөйлесіп тұрғанда әр жағынан сол кісінің түрінде видео арқылы көруге болады екен. Ұялы телефонды сымсыз телефон деп те атауға болады.

Үй телефоның біз тек үйде не болмаса жұмыс орнында ғана пайдалана аламыз.Себебі ,ол сыммен жалғанған.

• Балалар, біз телефонмен қолдану тәртібін білеміз бе? «Сөз атасы – Сәлем» демекші, біреуге қоңырау шалғанда алдымен «Сәлеметсіз, бе» деп амандасамыз.

Бейтаныс адам болса , өзімізді кім екенің таныстырамыз. Содан кейін ғана шаруамызды айтуға болады.Телефонмен сөйлескенде сыпайы түрде жақсы, рахмет деп жауап беру керек.

Есік қағылады ( Әр жағынан аю кіреді)

Аю: - Сәлеметсіздер ме , балалар?

Балалар келген қонақпен амандасады.

Апай : - Төрлетіңіз аю.

Аю: -Мен телефонынызды қайтарып беруге келдім. Бірақ , менің бір шартым бар балаларға тапсырма берейін сол тапсырманы орындаса ғана телефон сіздікі.

Апай : - Ол қандай тапсырма болды екен? Балалар, аюдың шартын орындаймыз ба?

Балалар : - Ия.

Бірінші тапсырма. Д/ ойын : « Түстерді ажырат» К№1

Сергіту сәті.

Екінші тапсырма. «Пирамида құрастыру»

Үшінші тапсырма. «Моншақтарды тізбекте»

Аю: -Жарайсыңдар , балалар. Телефондарынды қайтарып берейін. Мен енді орманға қайтайын. Сау болындар.

Апай : - Сау болыңыз. Сізге көп – көп рахмет.

Қорытынды.

• Телефонның қандай түрлерін білесіңдер?

• Телефон тұтқасын көтергенде қандай сөздер айтамыз?

• Телефонға қалай жауап беру керек?