«Елім деп соғар жүрегім» патриоттық ән байқауы.

Ән: «Қазақстан» орындайтын Ерназар Рақымбаев

1-жүргізуші:
Армысыздар, құрметті көрермен қауым, ата-аналар, ұстаздар және оқушылар!

2-жүргізуші:
«Жас Ұлан» балалар ұйымының ұйымдастыруымен өткелі тұрған «Елім деп соғар жүрегім» атты патриоттық ән байқауына қош келдіңіздер!
1-жүргізуші:
«Патриот, патриотизм» барлық адамда болу керек сезім. Әр адамның өз еліне, туып-өскен жеріне деген сезімі шексіз. Елім, жерім, тілім, дінім деген әрбір қазақты патриот дейміз.

2-жүргізуші:

Мен – патриотпын! Мен елімді, жерімді, ұлтымды сүйемін. Мен Отанымды, отбасымды сүйемін. Мен Қазақстан Республикасының рәміздерін құрметтеймін. Мен, аса қымбат, осы құндылықтарға деген махаббатыммен мақтана аламын.

1-жүргізуші:

«Патриот – еліне адал, халқына берік қорған бола алатын, өз өмірін еліне арнауға дайын, қайсар жүректі, ақ ниетті адал жан» - деп білеміз. Ендеше бүгінгі байқауымызда мектебіміздің патриоттары өнер көрсетпек. Олар патриоттық рухта ән салмақ.

2-жүргізуші:

Бүгінгі байқауымыздың әділ бағасын беретін әділ-қазылар алқасымен таныс болыңыздар!

2-жүргізуші:

Олай болса байқауымызды бастауға рұқсат етіңіздер!

1-жүргізуші:
Халқым менің! Саған қарап жұбанам,
Тарих беті қатар-қатар бұралаң.
Талай зардап қайғы мұңның соңынан,
Егемендік алғаныма қуанам.
2-жүргізуші:

Кең байтақ, көз жетпейтін жерім менің
Таулы орман , жасыл жайлау, көлім менің
Бүгінде бар әлемге даңқың жетті
Тәуелсіз Қазақстан –елім менің
-дей келе 3 «А» сынып оқушыларын «Тәуелсіз қазақ елім» атты әнімен ортаға шақырамыз!

1-жүргізуші:

Қошемет көрсетіңіздер! Алдарыңызда өнер көрсеткен 3 «А» сынып оқушылары. Сынып жетекшісі ..........................

2-жүргізуші:

Елбасымыз жолдайды,

Халқы оны қолдайды.

Ешқашанда орынсыз,

Шешімдері болмайды.

1-жүргізуші:

Елбасы елді қорғайды,

Халық қамын ойлайды.

Осындай жақсы адамның,

Жақсылығы тарайды.

2-жүргізуші:

Тәуелсіздікті елге сыйлады,

Бейбітшілікті қалады.

Орындалып арманы,

Халқымыз да ажарлы.

Осының бәрі әрине,

Елбасының арқасы

1-жүргізуші:

Олай болса елбасымызға арнап 3 «Б» сынып оқушылары «Елбасы» әнін шырқамақ. Қарсы алыңыздар!

2-жүргізуші:

Алдарыңызда өнер көрсеткен 3 «Б» сынып оқушылары. Сынып жетекшісі ...................................................

1-жүргізуші:

Отаным менің кең байтақ Қазақстан
Аман өткен талай дүлей азаптан.
Бар әлемді өз аузына қаратқан,
Кім бар қане артық дейтін қазақтан?!

2-жүргізуші:

Сен неткен Отан - Анам, ғажап едің,
Әспеттеп көркем тілмен жазар едім.
Болашақ ұрпағының бақыты үшін,
Жайнай бер, Ұлы Отан – Қазақ елім! 

-дей келе «Ұланымын Отанның» әнімен 4 «А» сынып оқушыларын ортаға шақырамыз!
1-жүргізуші:

Өнерлерің өрге жүзсін! Жарайсыңдар! Алдарыңызда болған 4 «А» сынып оқушылары. Сынып жетекшісі Шұға Қайратқызы.

2-жүргізуші:

Нұр Отан халықтық демократиялық партиясы ................

1-жүргізуші:

Елбасымыз қолдаған ..................

Алдарыңызда «Нұр Отан» әнімен 4 «Б» сынып оқушылары. Қарсы алайық!

2-жүргізуші:

Көптен-көп рахмет! Сіздерге өз өнерлерін көрсеткен 4 «Б» сынып оқушылары. Сынып жетекшісі Арайлым Қайрашқызы.

1-жүргізуші:

Қазақстан – атамекен, құт қонған жер,

Кең дала, суы мөлдір, нұр тұнған жер.

Көкорай белестері мақпал кілем,

Қырлары қызғалдағы құлпырған жер.

2-жүргізуші:

Қазақстан, замананың заңғарында,

Халқыма мекен болған жайлауың да.

Алатау ақ самайлы басын иген

Қайратты қарт Қаратау қойнауында

-дей келе 5 «А» сынып оқушыларын «Қазақстан бақыты» әнімен сахна төріне шақырамыз.

1-жүргізуші:

Алдарыңызда өнер көрсеткен 5 «А» сынып оқушылары. Сынып жетекшісі Роллан Құмашұлы.

2-жүргізуші:

Кең жазық Отан мекенім,

Сен де өсіп көктедім

Сені қорғау парызым,

Мұны біліп өтемін.

1-жүргізуші:

Отаным – қазақ елім, алға ұмтылған,

Өз елімде кезім жоқ сағым сынған.

Шалқыған ел шоқтығын көрсем деймін,

Бәсекелес елу елдің қатарынан.

Олай болса келесі үміткерлеріміз 5 «Б» сынып оқушылары «Қазақстаным – Отаным менің» әнімен.

1-жүргізуші:

Қошемет! 5 «Б» сыныбы. Сынып жетекшісі Маржан Талғатқызы.

2-жүргізуші:

.........................

..............................

..............................

.............................

1-жүргізуші:

..........................

..................................

....................................

.......................................

..................................................

2-жүргізуші:

Қол соғайық! 6 «А» сынып оқушылары. Сынып жетекшісі .............

1-жүргізуші:

Біз қазақ еліміз бастан не көрмеген.

Намысын ешкімге қолынан бермеген.

Тұс –тұстан анталап, көз сүзген жаулардан

Кең байтақ даласын қас қақпай қорғаған.

2-жүргізуші:

Төрінде жерімнің байрағым желбіреп,

Тұп –тұнық аспаным тұрады мөлдіреп.

Қазақтың тілері ата жол салтымен

Достасу, туысу әр елдің халқымен.

Сахнада 6 «Б» сынып оқушылары «Азат елдің жұлдызы» әнімен. Қарсы алыңыздар!

1-жүргізуші:

Талаптарыңа нұр жаусын! Алдарыңызда болған 6 «Б» сынып оқушылары. Сынып жетекшісі Мөлдір .................

2-жүргізуші:

Ардақтайды сыйлы болған данасын,
Аялайды нәзік жанды анасын,
Елімнің қайсар рухты жігіттері
Әлі талай асқақтатар даласын.
1-жүргізуші:
Жақсылығын қашан-дағы асырған,
Достың кемшін тұсын ылғи жасырған.
Жігіттері менің текті елімнің
Жаралған ғой ұлы нәзік асылдан.

Қазағымыздың жігіттеріне арналған «Қазақ жігіттері» әнімен 7 «А» сынып оқушылары.

2-жүргізуші:

Қошемет! Ортамызда өнер көрсеткен 7 «А» сынып оқушылары. Сынып жетекшісі .......................

1-жүргізуші:

Ұлан байтақ жері бар,

Пайдалы қазба кені бар.

Тәуелсіз ел - Қазақстан

Көркіне көркі жарасқан.

2-жүргізуші:

Тәуелсіз азат елім,

Туып өскен- байтақ жерім.

Мәңгі жайнап тура бер

Қазақстаным менің!

-дей келе сахна төріне 7 «Б» сынып оқушыларын «Мәңгілік ел үшін» әнімен шақырамыз!

1-жүргізуші:

Сіздерге өз өнерлерін көрсеткен 7 «Б» сынып оқушылары. Сынып жетекшісі .......................

2-жүргізуші:

Қазақстан кемелденіп, аршындадың

Әлемге қазіргі күй-қалпың мәлім

Елулік межесіне көп ұзамай

Енерсің, осы бетпен адымдағын.

1-жүргізуші:

Қонақжай халықпыз, жомартпыз, дарханбыз,

Келешек күндерге тәтті үміт артқанбыз.

Таныған жұмыр жер Алаштың баласын,

Қазақтың елі мен даңқты даласын.

Алдарыңызда 8 «А» сынып оқушылары. «Қазақстан» әнімен.

2-жүргізуші:

8 «А» сынып оқушыларына қошемет! Сынып жетекшісі ................

1-жүргізуші:

Біз қазақпыз!

Ежелден - ақ қазақ болып аталған,

Қатал болды әр күн, әр түн, атар таң

Күйдірсе де ызғарлы аяз, жалынды от,

Ел боп келдік, қалып қоймай қатардан.

2-жүргізуші:

Керегімді алу үшін жаһаннан,

Бейімделдім заманыма жаңарған.

Садақ тартып, оқ жонуды үйреніп,

Тәрбие алдым тәлімі мол атамнан.

Алдарыңызда «Аманат» әнімен 8 «Б» сынып оқушылары.

1-жүргізуші:

Сіздерге өз өнерлерін паш еткен 8 «Б» сынып оқушылары. Сынып жетекшісі .......................

2-жүргізуші:

....................................................

1-жүргізуші:

......................................

Сахна төріне келесі үміткерлеріміз 9 «А» сынып оқушыларын шақырамыз.

2-жүргізуші:

Алдарыңызда өнер көрсеткен 9 «А» сынып оқушылары. Сынып жетекшісі Мейрамғайша Қойбасарқызы.

1-жүргізуші:

Қырандай түлеп ұшқан арманымыз

Біз бүгін өркен елдің сарбазымыз.

Ант алып ар алдында сапқа тұрып,

Қорғаймыз туған жердің ар-намысын.

2-жүргізуші:

Көк байрақ арайлаған нұр таңымыз,

Жігіттің сынға түскен сұлтанымыз.

Дұшпанға қатал болған, досқа берік,

Жаужүрек Бауыржанның ұрпағымыз. 

«Сарбаздар» әнімен 9 «Б» сынып оқушыларын қошеметпен ортаға шақырамыз!

1-жүргізуші:

Бәрекелді! Жарайсыңдар! 9 «Б» сынып оқушылары. Сынып жетекшісі Мафруза Сәтбекқызы.

2-жүргізуші:

Қазағымның салт-дәстүрін сақтайды,
Үміт артқан ел сенімін ақтайды.
Халқымыздың қаһарман ұландары
Қашан болсын ар-намысын сатпайды!

1-жүргізуші:

Алдарыңызда «Сарбаздар» әнімен 10 сынып оқушылары.

2-жүргізуші:

Көп-көп рахмет! Сіздерге өнер көрсеткен 10 сынып оқушылары. Сынып жетекшісі Біржан ....................

1-жүргізуші:

Осымен үміткерлеріміздің барлығы өз өнерлерін ортаға салды. Әділ қазылар алқасының әділ шешімі дайын болғанша сіздерге ................................. орындауындағы ............................ әнін жолдаймыз . Қарсы алыңыздар!

2-жүргізуші:

Тәуелсіздік таңын сүйем,
Таңмен бірге келді ме өлең?
Көк туына басымды ием
Көгімізде желбіреген.

1-жүргізуші:
Аласармас аспанымда
Күнмен гүлдеп ел өседі.
Қазақстан аспанында
Бостандықтың желі еседі.
2-жүргізуші:

Әнді алысқа жеткіземіз,
Көкке елдің туы ілінді.
Жылда той қып өткіземіз,
Тәуелсіздік ұлы күнді.

1-жүргізуші:
Маған қымбат ұлы елімнің
Шешек атқан әр күні.
Аялайды бәрімізді
Азаттықтың таң нұры.

2-жүргізуші:
Сарыарқаның даласында
Күн шуағын төккен күн
Елім менің, жерім менің
Баққа қолы жеткен күн

-дей келе баршаңызды алда келе жатқан Тәуелсіздік күнімен шын жүректен құттықтаймыз!

1-жүргізуші:

Сөз әділ қазылар алқасына беріледі.

2-жүргізуші:

Құттықтаймыз! Еліміздің патриоттары аман болсын, мерейлері арта берсін!
1-жүргізуші:

Қош, сау болыңыздар!