Елім менің

«Ордабасы» жалпы орта мектебі

Бастауыш сынып мұғалімі

Динисламова Жанерке Есенбековна

Елім менің

Байтақ елім батыр елім белесім,

Бұрыннан ақ байтақ болып келесің.

Тәуелсіздік жас өрені мына біз,

Осы елдің қайта қақтық шегесін.

Елім менің көкірегінде өсірген,

Мен ұрпағың көрпесінде көсілген.

Туған жерге құрмет ете білетін,

Жер ананың сүтін емген төсінен.

Елім менің талай батыр тудырған,

Қасық қанын қылышымен жудырған.

Елі үшін нәзік қыздар мұзданып,

Орамалын елі үшін ту қылған.

Елім менің ақындары ақ таңдай,

Өлеңдері әлі естіліп жатқандай.

Жүрегінен жұлып алып жыр арнап,

Туған жерге тұмар етіп таққандай.

Елім менің алыптардың алаңы,

Қажымұқандай кім білмейді бабаны,

Күш білекте болса дағы алайда,

Жүрегінде ашық кітап парағы.

Елім енің бұлбұл құсы сайраған,

Бибігүлдей, қос Розадай қайда анам.

Шырқағанда шыр айналар барша жан,

Бақша ішін әуенімен жаулаған.

Елім менің ертеңіне сенетін,

Талай сында сынық болмай жеңетін.

Өзге ұлын өз ұлындай көретін,

Өзге қызын өз қызына теңейтін.

Елім менің қонақжайсың қандайсың,

Қонағыңа барын беріп аулайсың.

Қонақ келсе бар жоғыңды ақтарып,

Той деседе барын алып қалмайсың.

Елім менің елбасымен мақтанар,

Көшбасшысын сыйлаған соң бақ қонар.

Нұрсұлтандай көшбасшыны тудырған,

Елім менің асқақ өлке нақ солай.

Елім менің сенде тудым,сенде өшем,

Қайта туып, қайта тусам сенде екен.

Өйткені сен жүрегімде қаласын,

Елім менің, елім менің жанашыр.