Елін сүйген елбасы

«Елін сүйген –Елбасы!»

Мақсаты: Қазақстан Республикасының президенті жөнінде түсінік беріп, еліміздің бас қаласы Нұр-Сұлтан жайлы әңгімелесу.Мемлекеттік рәміздер туралы білімдерін дамыту.Өсіп келе жатқан ұрпақтың бойына патриоттық сезім,Өз Отанын сүйе білуге тәрбиелеу,рухана отансүйгіштік сезімді бойына сіңіру.

Көрнекілігі: Қазақстан картасы,рәміздердің суреті,шарлар,бәйтерек.

Мотивациялық талаптану.

Ақыл ойы дананың,

Ана тілден аламын,

Ана тілім ардақты,

Ақ сүтіндей анамның,

Өсірген ой білімді,

Сүйем туған тілімді,

Мақсат етем әр сөздің,

Мәнін терең білуді

Ұйымдастырушылық ізденушілік

Балалар біз қандай Республикада тұрамыз?

Қазақстанның рәміздерін атаңдар?

Біз қай ұлтпыз?

Біздің ұлтымыз қазақ.Біздің тіліміз қазақ тілі.

Тәрбиеші: Балалар бүгін бізде ерекше күн, біз бүгін барлық өнерімізді біздің Елбасымызға арнаймыз,өйткені ол біздің тұңғыш Елбасымыз.1991 жылы 1-желтоқсанда –Қазақстан Республикасының тұңғыш Елбасының күні деп жарияланады.

Тәрбиеші: Еліміздің барлық саяси, салтанатты шаралар Қазақстанның Әнұран орындауымен басталады, біз де қазір әнұранды орындайық.

Әнұран орындалады.

Сұрақ-жауап:

Тәрбиеші: Біздің елбасымыз,Президентіміз кім?

Балалар: Нұрсұлтан Әбішұлы Назарбаев.

Тәрбиеші: Еркімен кәрі,жасымыз

Дауыс беріп сайлаған

Бар біздің елбасымыз

Халық қамын ойлаған

Н.Ә.Назарбаевтің өмірбаяны, еңбек жолымен таныстыру. (слайд арқылы)

Тәрбиеші: Балалар біз аспаны ашық, сәулелі кең байтақ елде тұрамыз.Ол елдің аты қалай аталады?

Балалар: Қазақстан Республикасы.

Тақпақ:

Анамыздай тілеуі ақ

Отан бізде біреу-ақ (Ханшайым)

Отан-жерім, Отан-суым

Отан қуат нәр береді (Айсұлтан)

Отан-ұран,Отан-туым

Отан мәңгі гүлденеді (Асылым)

Сергіту сәті.

Отан деген – атамекен,

Отан деген – туған жер.

Отан – ана,

Отан – үлкен

Қазақстан – туған ел!

Суреттермен жұмыс.

Тәрбиеші: Әр елдің өзінің мемлекеттік рәміздері болады, ал біздің еліміздің Мемлекеттік рәміздеріне нелер жатады?

Балалар: Ту,Елтаңба, Әнұран.

Тәрбиеші: Айнымайды аспаннан

Біздің тудың бояуы

Оны халық қашанда

Биікке іліп қояды Бұл не? Тудың түсі неге ұқсайды

Мынау ҚР мемлекеттік елтаңбасы. Елтаңбада не бейнеленгенін қарандар.

«Тәуелсіз мемлекет» ұғымына түсінік беремін. Мемлекетіміздің Ата заңы Қазақстан азаматтарының құқықтарын оның ішінде балалардың да құқықтарын қорғайды, сонымен қатар азаматтар заңының ішіндегі баптарды білуге, орындауға міндетті.

Елтаңбасы елімнің

Неткен әйбәт әдемі

Тұнығындай көңілдің

Ортада аспан әлемі

Тәрбиеші: Біз қай тілде сөйлейміз?

Балалар: Қазақ тілінде.

Ана тілім-ұраным

Ана тілім-құралым

Ана тілім болмаса

Болмас еді жыр әнім

Тәрбиеші: Еліміздің астанасы қай қала?

Балалар: Нұр-Сұлтан.

Болашаққа бастаған

Шарықтайды асқақ ән

Елордасы Отанның

Мақтанышы –Нұр Сұлтан!

Қорытынды: Ән: «Әнұран»