Елін сүйген, елі сүйген Елбасы

Елі сүйген, елін сүйген Елбасы

Ей, қазағым, қарашы бір артыңа!

Топырағы құтты жерге шаттана.

Ел басқарған небір батыр даналар

Шежірелі тарихымен мақтана.

Бүгін сен тәуелсізсің, қазағым,

Бүгін – қорғалған сенің құқығың.

Бүгін – бәрі өзіңнің қолыңда

Ұмытпасаң кезеңін қиын бабаңның.

Кең даланы ақылымен басқарған

«Жеті жарғы» бар қазаққа болған заң.

Толғандырып ұрпағының ертеңі

Жауға шауып, соғысқан ата-бабаң.

Иә, иә, сен үшін ғой барлығы.

Ұрпаққа деген сенімі мен үміті-

Егеменді тәуелсіздік күніне

Жету үшін бар толғаныс арманы.

Қазағым, сенің арман таңың атты,

Күллі әлемді тыңдатып күндіз-түні

Қазақстан – егеменді елдігім –

Деген сөзді ұрандатып азаматы.

Мақтан, қазақ, мақтан,

Бүгін бәрі өзгерді, бүгін бәрі жаңарды.

Бар әлемге күлімдеп-ақ қарашы!

Сен бостансың, құқылы,

Енді сенің халқыңа

Өксік заман келмейді.

Себебі, көшбасшың бар – Нұр аға!

Елінің абыройын асқақтатқан,

Қалың елін, байтақ жерін

Бар әлемге паш еткізіп танытқан.

Елі сүйген, елін сүйген елбасы

Бейбітшілік күнін саған аттырған.

Елім деп соққан жүрегі,

Халқым деп өткен әр күні

Өз ұрпағың асыл текті азамат –

Нұрсұлтан Назарбаев Әбішұлы.

Елбасыңның жетістігі, еңбегі –

Болашақ жастарының алтын кілті.

Мағынасы терең жатқан бұл ұғым

Айтылады, оқысаңыз жолдауын.

Өмірдің өзегімен судай ағып,

Уақыт шіркін өтеді қанат қағып.

Елі сүйген, елін сүйген Нұр аға

Жасай берсін өз елімен мәңгілік!

Мұхаметқұл Исламқұлов атындағы жалпы орта мектебінің

қазақ тілі мен әдебиеті пәні мұғалімі

Айгерім Айтказина