РОСО «Балдәурен-Шымкент»

Қазақ тілі мен әдебиет пәнінің мұғалімі Л.Ж.Садыкова

«Елін сүйген, елі сүйген Елбасы» атты концерттік бағдарламаның сценарийі

Іс-шара түрі: мерекелік концерттік бағдарлама

Мақсаты: 1 желтоқсан – Тұңғыш Президент күні мерекесінің мәнін ашу; Нұрсұлтан Әбішұлы Назарбаевтың өмір жолы, туып - өскен, оқып білім алған, қызмет еткен жерлері туралы мағлұмат беру;
Елбасындай Отанын, халқын сүюге, нағыз азамат, шынайы патриот болуға тәрбиелеу;
Оқушылардың бойында Елбасына деген сүйіспеншілік, құрмет сезімін қалыптастыру;

Міндеттері:

• еліміздің жас азаматтарының бойына рухани тәрбиені сіңіру;

• Елбасы туралы берілетін ақпараттар арқылы жас ұрпақ бойына патриоттық сезім ұялату:

• Елбасы болмысын үлгі ете отырып, оқушылардың тұлғалық, көшбасшылық келбетін қалыптастыру;

Қажетті құралдар: Музыкалық құрал-жабдықтар, АКТ, слайд ,презентация

Іс-шараның барысы:

Бейнематериал: («Домбыра күні» туралы)

Сахна сыртынан: Домбыра – қазақтың киесі, қа­сиеті, қазынасы. Қазақ пен дом­быра егіз ұғым ғой! Күні кешеге дей­ін әр үйдің төрінде ілулі тұра­тын ұлттық аспабымыздың күм­бірлеген үні бүгінде алыстап бара жат­қандай еді.

Домбырада айтылатын әр әннің сөзі қандай, сазы қан­дай?! Тыңдап отырғаныңда бір күрсінтіп, бір мұңайтып, мың түр­­лі әсерге бөлейтіні бар. Оның құ­­діретті үнін естігеніңе шү­кір­лік ете­сің. Домбыра күнінің белгіленуі жай­дан-жай емес. Бұл рухани жаңғыру бағытындағы ең сүбелі тірліктің бірі болып отыр. Осы күннің аясында ұлттық аспабымызды ұлықтау мақсатында тың бас­та­ма­­лар бой көтеріп, көптен бері қол­­дау таппай жүрген игі дү­ние­лер қайта жаңғыруда.

Биылғы шілде айының бірін­ші жексенбісі 1 шілдеге тура келді. «Дариға, домбырамды бер­­ші маған, Жаныма келші жарым, келші балам...» деп Мұқа­ғали­­ша толғағандай, Елбасымыздың бастамасымен ұлттың ұлы мұрасы домбыраны ұлықтау күні ел тарихында сүбелі мерекелердің біріне айналды

Ендеше сахна төріне қазақтың қара домбырасын күмбірлеген көрікті күймен шақырайық. Күй «Әке толғауы» орындайтындар: 7 «В» сынып оқушылары Абдикадирова Дана Шымкент қаласы, Кутушова Ақбота Түркістан облысы

1- жүргізуші: Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақ пейілді көпшілік!

2- жүргізуші: Азаттық пен елге қонды тосқан бақ,
Қазақ елін мойындауда дос таңдап.
Елбасының еңбегімен нұрлана
Қазағымның мерейі тұр аспандап.

Елі үшін олжа салып қиырдан,
Ықпаған еш ауыртпалық, қиыннан.
Мерекеңіз құтты болсын көпшілік
Елбасының құрметіне жиылған!

1 – жүргізуші: Армысыздар ұстаздар, оқушылар! 1 – желтоқсан Қазақстан Республикасының Тұңғыш Президент күніне арналған «Елін сүйген, елі сүйген Елбасы» атты концерттік бағдарламамызға қош келіпсіздер!

Орталықтың педагог-ұстаздарының орындауындағы «Нұр шашу» биін қабыл алыңыздар.
2- жүргізуші: 1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланғаны баршамызға мәлім. Яғни, өз тағдырын өзі айқындауға алғашқы қадам жасаған Қазақстан үшін 1 желтоқсан – мемлекет тарихының мерейлі күні саналды.

Бейнематериал: «Н.Назарбаевтың ел президенті болып тағайындалуы»

1 - жүргізуші: Жоғары Парламенттің бекітуімен 2012 жылы 1 желтоқсан Қазақстанда алғаш рет – Тұңғыш Президент күні мемлекеттік мереке ретінде аталып өтіп, бұл баршамыз үшін қуанышты оқиға болды. Елбасына деген ел құрметін айрықша айғақтауға арналған бұл мерекенің дәстүрлік іс - шараға айналып отырғаны рас. Биыл міне, тағы да осы мерекені тойлағалы отырмыз.

2- жүргізуші: Елі үшін көтеріп нар жүгін де,
Сенімі нық сезілетін үнінде.
Аты озған дүниедегі дүбірде
Нұрсұлтанмен кім мақтанбас бүгінде?!
1- жүргізуші: Нұрсұлтан Әбішұлы Назарбаев 6 - шілде 1940 жылы Алматы облысы Қаскелең ауданындағы Шамалған ауылында туған.

№1 слайд

2-жүргізуші: Бала Нұрсұлтан ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды. Құрылыста тәжірибе жинақтап, сосын Украинаның Днепродзержинск қаласына барып металлург – жұмысшы мамандығын меңгерді. Ол шойын құюшы, ал кейінірек инженер дәрежесіне көтерілді.
№2 слайд

1-жүргізуші: Өндіріс саласында қызметте жүріп, оның басшылық қасиеттері жарқырап көрінді. Қалалық, облыстық және республикалық көлемде басшы органдарда жауапты қызметтер атқарды. Металлургия комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық саласының жауапты хатшысы болды. Қазақстан Үкіметін басқарғанда 44 жаста болды. Осылайша оның саяси өмірбаяны басталады.
№3 слайд

№4 слайд

2-жүргізуші: Ту тігілді халқымның бүгін бағына,
Жас өрендер, желбіретіп, нық ұста!
Ғасырларға жалғастырып елдікті,
Дақ түсірме ата – баба рухына - дей келе, сахна төріне Болат Ақжарқынды «Атамекен » әнімен шақырамыз.

1-жүргізуші: Тәуелсіз Қазақстанның Мемлекеттік туы, елтаңбасы ресми түрде 1992 жылы 4- маусымда қабылданып, төл теңгесі 1993 жылы 15-қарашада қолданысқа енді. Қазақстанның тарихында еліміздің мемлекеттік әнұраны екі рет – 1992жылы және 2006 жылы 6-қаңтарда бекітілді.

№5 слайд

№6 слайд

№7 слайд

№8 слайд

2-жүргізуші: Қазақстан Республикасының Конституциясы 1995 жылы 30- тамызда қабылданды.

№9 слайд

1-жүргізуші: Қазақстан халықтар ассамблеясы – 1995 жылы 1-наурызда құрылды.

№10 слайд

2 – жүргізуші: Елбасы-Н.Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары Президент кеңесі, ҚР-ның Үкіметі және Парламент көшіп келді.Еліміздің басқару жұмыстары осы жерден жүзеге асырылады. 1998 жылы 10-маусымда жаңа астананың ресми тұсау кесері болды. Қала Есіл өзенінің оң жағалауында Сарыарқаның солтүстік бөлігінде орналасқан. Бүгінгі таңда Астана ең әсем, жас, әдемі, көрікті қалаға айналды.

№11 слайд

1 – жүргізуші: 2006 жылы 6-қаңтарда әнұран қабылданды. Егемен елім әнұраны жаңарды, “Менің Қазақстаным” жер жүзіне таралды. Сондай-ақ өнерге де көп көңіл бөлетін адам. Оған дәлел «Елім менің» және «Үш қоңыр» әндері. Бұл әндердің сөзі Нұрсұлтан Әбішұлыныкі екенін біз мақтанышпен айтамыз.

№12 слайд

2- жүргізуші: Халқым айтқан жер көтерер ел даңқын, 
Елім айтқан ел көтерер жер даңқын.
Президентім, елбасы, аман болғай, 
Мәңгі жаса, жас қазағым, өр халқым! – деп жас патриот оқушыларымыздың көркем сөздеріне кезек берейік

1. 9 «В» сынып Түркістан облысы Байдулла Аяжан

Менің елім С.Торайғыров

2. Рай Адина 9 «В» сынып Ақтөбе облысы Күләш Ахметова

«Жан дала – жәннат дала»

3. Орынбасаров Нұрбах 7 «А» Түркістан облысы

Көшбасшысы елімнің! Нұрасыл Орынбасарұлы

4. Ерғалиқызы Ақмейірім 9 «Ә» сынып Жамбыл облысы Саят Әбенов «Халқы сенген Елбасы»

1-жүргізуші: Елбасымыз - ел көшбасшысы. Зерделі көкірегі ел шежіресі мен тарихына жүйрік. Бойындағы қажыр қайраты мен талантын шығармашылықпен үндестіре білген дарынды тұлға. Оның қаламынан: «Тарих толқынында», «Сындарлы он жыл», «Тәуелсіздік белестері», «Еуразия жүрегінде», «Ой бөлістім халқыммен», «Өзекжарды ойлар», «Бейбітшілік кіндігі», «Туған елім – тірегім», «Қазақстан-Ресей қатынастары», «Қалың елім, қазағым» «Тәуелсіздігіміздің бас жылы», «Әділеттің ақ жолы» атты құнды туындылар дүниеге келді.

№13 слайд

№14 слайд

2-жүргізуші: Әлем елдерінің басшылары мен саясаткерлерінің Президент Н.Ә.Назарбаев туралы айтқан лебіздеріне құлақ түрейік. «Замандастар көзімен» Джордж Буш- АҚШ бұрынғы Президенті -Құрметті Нұрсұлтан Назарбаев. Сіздің басшылығыңызбен Қазақстан жаппай қырып жоятын қаруды тартпау ісінде әлемнің жетекші елдерінің біріне айналды. АҚШ, сонымен қатар Қазақстанға терроризмге қарсы жаһандық күресте көрсеткен достығы мен ынтымақтастығы үшін ризашылығымды білдіремін! Ким Дэ Чжун- Корея Республикасының Президенті - Оның демократиялық, саяси және экономикалық өзгерістерді ойдағыдай іске асырып жатуының айғағы оларды әлемдік қоғамдастықтың кеңінен тануы болып отыр. Президент Н.Ә.Назарбаевтың басшылығымен Қазақстан жан-жақты дамып келеді. Кофи Аннан- БҰҰ-ның Бас хатшысы Қазақстанның ТМД-ның басқа елдерінен айырмасы сонда- бұл елде бейбіт өмір мен тұрақтылық орнап, экономикалық өрлеу байқалады. Қазақстан түрлі ұлттар бейбіт қатар өмір сүріп жатқан, этникалық саналуандық тартыстың емес, қайта татулық нышанына айналған мемлекеттің үлгісі бола алады.

№15 слайд

№16 слайд

1-жүргізуші: Ән мен күйді төгілтіп,
Інжу – маржан шашайық.
Қонақтарды таңдантып,
Өнерден күмбез жасайық – деп «Қазақ биін» қарсы алыңыздар!

2-жүргізуші: Елбасымыздың әлем қауымдастығы алдында беделі өте жоғары. Сондай-ақ түрлі ғылым салалары бойынша алған ғылыми атақтары мен лауазымдары жетерлік. Ол - Экономика ғылымдарының докторы.
Қазақстан Республикасы Ұлттық ғылым академиясының, Халықаралық инженерлік академияның, Ресей Федерациясы әлеуметтік ғылымдар академиясының академигі.

№17 слайд

1-жүргізуші: Әл - Фараби атындағы Қазақ мемлекеттік ұлттық университетінің құрметті профессоры. Беларус ғылым академиясының құрметті мүшесі. М. В. Ломоносов атындағы Мәскеу мемлекеттік университетінің құрметті профессоры.

№18 слайд
*Қазақстан халқы Ассамблеясының төрағасы.

№19 слайд
*Қазақстанның Қарулы Күштерінің Жоғары Бас Қолбасшысы.

№20 слайд
*Дүниежүзілік қазақтар қауымдастығының төрағасы.

№21 слайд
*Нұр Отан Халықтық - демократиялық партиясының төрағасы.

№22 слайд
*ОБСЕ-нің бас төрағасы

№23 слайд

2-жүргізуші:
Қазақта өлең деген жауһары бар,
Өлеңде арнау деген гауһары бар.
«Мен-қазақ» деген әрбір текті ұлдың
Жақсыға арнау айтар қауқары бар.

1 – жүргізуші: Халқым айтқан жер көтерер ел даңқын, 
Елім айтқан ел көтерер жер даңқын.
Президентім, елбасы, аман болғай, 
Мәңгі жаса, жас қазағым, өр халқым! – дегендей балауса ақындарымыздың Елбасыға арналған балғын жыр-арнауларына кезек берейік.

1.9 «Б» сынып Жалғасова Динара

2.9 «Б» сынып Тұрмағанбет Нұрлыбек Қызылорда қаласы

3.9 «Б» сынып Әбіләш Ақерке Шымкент қаласы

2-жүргізуші: Қазақстан дейтін менің бар елім .

Жатыр алып жарты дүние әлемін!

Бұл даланы анам жаспен суарған,

Бұл далада атам қолға ту алған,

Бұл далада жылап келіп, қуанған

Бұл даланы көріп алғаш қуанған

Бұл далада өскен жанда жоқ арман!- деп ақын Қасым Аманжолов айтқандай патриоттық бағытта бір ән тыңдап, көңіл сергітейік. Сахнада 9 «Ә» сынып оқушысы Әбдімәлік Айназымды «Нұр аға » әнімен қарсы алыңыздар!

1-жүргізуші: Жолдау – Қазақстан Республикасының Президенті – Н.Ә. Назарбаевтың жыл сайынғы ең басты саяси баяндамасы. 1997 жылдың 16-қазанынан бері ел президенті мәңгі еліміздің жан-жақты дамуының келер жылға, одан да ұзақ мерзімге арналған негізгі басымдықтары мен жоспарлары айқындау мақсатында әр жылы халқына жолдап келеді.

№24 слайд

2-жүргізуші: Сондай-ақ биылғы кезекті жолдау 2018 жылдың 5- қазан күні «Қазақстандықтардың әл-ауқатының өсуі: табыс пен тұрмыс сапасын арттыру» деген тақырыпта жолдаған болатын.

№25 слайд

1-жүргізуші: 2012 жылы желтоқсанда «Қазақстан – 2050» стратегиясы жарияланды. Онда алдыңғы қатарлы дамыған 30 елдің қатарына ену мақсаты айқындалды.

№26 слайд

2-жүргізуші: Сонымен қатар Елбасы «Болашаққа бағдар: рухани жаңғыру» атты мақаласында жаңа тарихи кезеңге тән қатерлер мен тәуекелдерге жан-жақты баға берді. Осы Рухани жаңғыру аясында «Ұлы даланың жеті қыры» атты мақаласы таяуда жарияланып, таныстырылды.

№27 слайд

1-жүргізуші: Бір басында кемеңгерлік, даналық,
Елін сүйген елі үшін жаралып.
Сол кісідей болса - болсын әр алып
Адамдықтың аласармас үлгісі
Бір өзінен жатқаны шын таралып
Бүгін Тұңғыш Президенттің күніне
Әсем әнді шырқата бір салалық! – дей отырып 8 «Г» сынып оқушысы Жанпейісов Дастанды «Жаса, Қазақстан!» әнімен ортамызға шақырайық!

2-жүргізуші: Назарбаев Зияткерлік мектептері – ғылым, экономика, саясат саласында дарынды балаларға арналған үш тілде оқытылатын физика-математика, химия-биология бағытындағы мектептер желісі. 2008 жылдан бері еліміздің барлық облысында салынып, іске қосылған.

№28 слайд

№29 слайд

1-жүргізуші: Назарбаев Университеті 2010 жылы Астана қаласында ашылып, қазіргі таңда 4017 студент білім алып, мамандық иесі атануына септігін тигізуде. Білім ордасы инновациялық зерттеу қызметін жүргізуге бағытталған қазіргі заманға сай, ғылыми инфрақұрылымы бар университет болуды мақсат етіп отыр.

№30 слайд

2-жүргізуші: 2011 жылы режиссер Рүстем Әбдірашевтың мемлекет басшысының балалық шағы мен жасөспірім кезі туралы түсірілген «Менің бабалық шағымның аспаны» атты кинофильмі қалың көрерменге жол тартты.

Кинофилімнен үзінді

1-жүргізуші: Аталмыш көркем картина «Оңшылдар мен солшылдарсыз», «Әлемнің эпицентрі», «Еуразия кіндігінде» кітаптарының желісі бойынша түсірілген.

1-жүргізуші: Адамдықтың аласармас үлгісі
Бір өзінен жатқаны шын таралып – деп

2-жүргізуші: Ел тынысын тереңінен танып кең,
Шарапаты бар адамға дарып тең.
Елбасының есімі бұл тарихта
Қалар анық өшпес алтын әріппен. 

1-жүргізуші: Үлгі бізге аталардың ерлігі,
Ұлағаты, өнегесі, еңбегі.
Тәуелсіздік туын ұстап жоғары,
Бүгінгі ұрпақ – болар елдің ертеңі
Тұңғыш Президент күні баршаңызға құтты болсын! «Елін сүйген, елі сүйген Елбасы» атты мерекелік концерттік бағдарламамызды аяқтаймыз. Назар салып, тамашалағандарыңызға мың алғыс.