Тақырыбы: «Емтихан үстіндегі стресті жеңу жолдары»

Мақсаты: Стрестік жағдайлардағы мазасыздану деңгейін төмендету

жолдарымен таныстыру.

Мағлұмат беру.

Мазасыздану- емтихан кезіндегі жадының, зейіннің нашар болуының басты себебі. Әр адам мазасыздануды басу жолдарын білгені дұрыс. Кейде мазасыздануды төмендету үшін денеңді босансыту да жеткілікті болады. Бұл әдіс релаксация деп аталады. Дененің бұлшықеттерін босансыту немесе тыныс алу арқылы да релаксация жасауға болады.

Э. Ховард бойынша стреске төзімділік
№ Стрес саған қалай әсер етеді ? жәй кейде сирек

1. Мен тез ренжимін 3 2 1
2. Ұтылғанға шыдай алмаймын 3 2 1
3. Егер біреу мені ренжітсе ызаланамын, бірақ сезімімді ешкімге көрсетпеймін 3 2 1
4. Кезекке тұрғанға шыдай алмаймын 3 2 1
5. Қиналсам да, өзіме жауапкершілікті көп аламын. 3 2 1
6. Біреуден көмек сұрауға көп жағдайда қиналамын 3 2 1
7. Өз-өзімді басу үшін дәріге көп жүгіремін 3 2 1
8. Мәселені шешу үшін сенімді жолдастарыма шағынамын 1 2 3
9. Қателік жасасам кешірім сұрау маған қиын 3 2 1
10. Қателік жасасам, өзімді кінәлап, қатты уайымдаймын 3 2 1
11. Егер менің намысыма тиетіндер болса мен оларға жауап беруге тырысамын 1 2 3
12. Достарымнан алғанымнан гөрі бергенім көп деп есептеймін 3 2 1
13. Демалу үшін мен уақыт бөлемін және одан шын қуаныш аламын 1 2 3
14. Мен күнделікті дене шынықтыру жаттығуларына уақыт табамын 1 2 3
15. Мен жиі күлемін және қуанамын 1 2 3

Жаттығу : «Мазасыздану және сабырлылық»

Мақсаты: Оқушыларға мазасыздану кезінде өзідерін қалай сезінетініне назарын аудару.

Оқушылар көздерін жұмып отырады да, өздерін қатты мазасызданған, қобалжыған сәттерді естеріне түсіреді. Осы кезде не сезініп отырғандарына көңіл аудару қажет.

Содан кейін өздерін жәйлі сезінген кезін естеріне түсіріп, қандай сезімде болғандарына көңіл бөлу керектігі айтылады.

Жаттығуды орындап болған соң оқушылар оз пікірлерін айтады.

Жаттығу : «Сөнбес сауле»

Мақсаты: тренинг сабақтары жайында қатысушылардың ойын тыңдау.

Нұсқау: Менің қолымда ыстық балауыз. Мен сіздердің қолдарыңызда барлық нәрсе әрқашан да жанып тұрғанын және барлығы ойдағыдай болатынын қалаймын.

Жанып тұрған балауызды кім ұстаса,сол адам қойылған сұраққа жауап береді.

Сұрақ :

Бұл күн сізге не әкелді?

Достарыңызға тілектеріңіз?

Сіздер жаңа не білдіңіздер?

Өздеріңізге қандай қорытынды жасадыңыздар?

Тренингтер барысында өзінің ашқан жаңалықтары мен жетістіктерімен бөлісіңіз?