1—оқушы:

Менің әжем, бұл әжем

Айтқан сөзі дәл әжем.

Аман болса көреді

Қызығымды әлі әжем.

2- оқушы:

Менің әжем нар әжем

Көп жасаған кәрі әжем.

Ауырғанда мен үшін

Әр сүйгені дәрі әжем .

3-оқушы:

Менің әжем жыр әжем

Шуағы мол нұр әжем

Ақ таяққа сүйеніп

Аман-есен жүр әжем!

4-оқушы:

Әже маған үлгі сөзіңіз

Өнегесіз өзіңіз

Жақсылыққа талпынып

Біздің нағыз кезіміз.

Жақсы деген немене

Жаман деген немене,

Осындайда әжетай

Айтыңызшы өнеге

5-оқушы:

Аман болсын басыңыз

Ағармасын шашыңыз

Шөбере сүйіп әлі де

Жүзге жетсін жасыңыз

60-та өмір белесі,

Қартайдым мен демеші

Туған күнде жыл сайын ,

Қуанышқа бөлеші.

6-оқушы: Алтын әжем менің!

Тілеуімді тілеген ,еркелігімді көтерген, мен ауырсам-жаны ауырған, көрмей қалса сағынған асыл әжетайым ! Көңілі кең ,жүрегі мейірімді, кеудесі қазына , сөзі қасиетті ақ әжем менің! Нұрлы жүзіңе жарасқан ақ жаулығыңнан ,немересін барлығынан артық жақсы көрген ыстық ықыласыңнан айналдым! Бар тәттіні аузыма тосып ,бар жақсыны үстіме кигізіп ,еркелетіп өсірген , қызық ертегісі мен ақыл-өсиетін құлағыма құюдан жалықпаған дана әжем менің ! Әрқашан ортамызда осылай ұрпақтарыңның қызығына кенеліп жүре бер! Жасыңыз ұзақ болсын, ауырмаңыз!

7-ОҚУШЫ: Әжетай! Әулетіміздің киесі,барлығымыздың ақылшымыз, шыңырағымыздың берекесін кіргізіп отырған асыл жан өзіңізсіз! Беліңіз қайысқанша еңбек етіп, қанаттыға қақтырмай ,тұмсықтыға шоқтырмай , мейіріміңізді төге жүріп күтіп-баптап өсірген ұл-қыздарыңыз өркен жайып ,бүгінде бір-бір шаңырақты құрап , өсіп-өнді –қара орманға айналды. Сол үшін ұрпақтарыңыз сізге мәңгі қарыздар . «Анасы бар адамдар ешқашан қартаймайды»-дейді . Алла сізге күш қуат берсін! Ұл-қыздарыңызбен немере-шөберелеріңіздің ортасында әрдайым жүзіңізден шуақ шашырап, қызығына тоймай жүре беріңіз!

8- оқушы:

Алпыста алты жасар баладай бол .

Жетпіспе хан жығасы-жағадай бол.

Сексен мен тоқсанда сыр алдырмай,

Жүз жаста көпті көрген данадай бол.

Аман болсын басыңыз,

Ағармасын шашыңыз

Шөбере сүйіп әлі де

Жүзге жетсін жасыңыз.

9-оқушы: Әжеме тілек

Әже-сенің ардақ тұтам есіміңді

Болдың ғой бізге әрдайым кешірімді.

Қондырып қияға-қыз, ұяға-ұл,

Өзіңнен ұрпақтарың өсіп-өнді.

Айналайын асыл әжем мінезіңнен,

Бар бақытты табамын бір өзіңнен .

Ешқашан ауырмай жүре берші,

Бар жақсыны тілеймін жүрегімнен.

Сізге деген тілегім таусылмайды,

Болмасын өміріңде уайым қайғы.

Көтеретін немере еркелігін,

Аппақ бейнең біз үшін жарқылдайды.

Анасысың әкемнің анашымның,

Тілеймін бір өзіңе бар асылды.

Көрейік асыл әжем өзіңді әркез,

Өмірдің биігінде дара шыңның.

Елдос

Балаңыздың сыйлығын,

Қабыл алшы анашым.

Ұзақ өмір жүз жасап

Ауырмашы анашым.

Гүлім

Аналарды сүйеміз

Сөзін ойға түйеміз

Әжені де ардақтап

Әдеппен бас иеміз

Сабина

Маған ақыл беретін

Әжем менің асыл жан

Сипап жақсы көретін

Құлыным деп басымнан

Шамшінұр

Еркелесем, күлімдейтін,

Ұрысқаны білінбейтін.

Маңдайымнан иіскеп менің,

«Құлыншағым, күнім», - дейтін.

Салтанат

Апатайым, анашым,

Ақылы мол данасың.

Қамқоры сен сәбидің

Гүлі де сен әр үйдің.

Әжемізге қандай тілек білдіреміз.
«Адал бол,- деп немерем»
Әділдікке үйреткен,
Жүрегінде махаббат
Тілегінде мархабат,
Әжемізге мың алғыс!

 Сұрақ-жауап «Сыр сандық» .

1. «Байғазы» дегеніміз не?.
2. Үш арсызды ата.
1. «Ерулік»деген не?
2. Бес дұшпан
1. «Сәлемдеме»деген не?
«Көрімдік» деген не?
«Сүйінші» деген не?
1. «Тілашар» қай кезде жасалады? 
2. Жеті ата қалай аталады? 
3. Базарлық деген не? 
4. Әженің бала тәрбиесіндегі орны қандай? 

Әжелерге берілетін сұрақтар
1.Немереңізді қалай еркелетесіз?
2.Немереңіздің мінезі қандай?
3.Сізге қандай сыйлық береді?
4.Немереңізге қандай тамақ әзірлейсіз?
5.Қандай бала сүйкімді?
6.Немереңіз болашақта кім болады?
7.Қалай жазалайсыз?
8.Мақтаншақ болса қайтесіз?
9. Бойында қандай кемшілігі бар?

Менің әжем,ақ әжем  Менің әжем - жыр әжем

Ұл мен қыздың бағы әжем Шуағы мол - нұр әжем

Ертегі айтып бер десең Ақ орамалды тағып ап

Айтып берер тағы әжем Аман – есен жүр әжем

Мақал - мәтелдер

• Ананың сүті бал,

Баланың тілі бал.

• Ананың ізін қыз басар,

Атаның ізін ұл басар.

• Анаңа ауыр сөз айтпа

Атаңа ауыр жүк артып.

• Анасын көріп, қызын ал

Аяғын көріп асын іш.

• Алып анадан туады,

Ат биеден туады.

• Айдың ізін ай басар,

Аттың ізін тай басар.

• Бала, баланың ісі шала.

• Аузы қисық болса да, байдың баласы сөйлесін.

• Баланың жақсысы - қызық,

Жаманы – күйік.

• Бала - анаға аян

Әкеге - күмән.

• Бала күлкіге тоймас,

Болбыр ұйқыға тоймас.

• Бала жетіге жеткенше жерден таяқ жейді.

• Әр оқушы әжелерге өз қолынан жасаған сыйлықтарын таратады.

• «Әжеге арнау әні » , «Әже » -хор, әжелерден бата алу.