Бастауыш класс мұғалімі: Қарабаева Ақлен Нұрлыбайқызы

Сабақтың тақырыбы: Ермек Өтетілеуұлы. «Балмұздақ»

Сабақтың мақсаты:1 Оқушыларға автор туралы түсінік беру, «Балмұздақ» әңгімесімен таныстыру; балмұздақтың шығу тарихын айту.

2.Әңгіменің түйінін ашуға жағдай жасау, өз бетінше топпен шығармашылық жұмыс істеуге баули отырып, байланыстырып сөйлеуін, шығармашылық ойлауын дамыту;

3.Топтық жұмыс кезінде бірін-бірі тыңдау, адамгершілікке, қайырымдылыққа тәрбиелеу.

Сабақтың түрі: ашық сабақ

Сабақтың әдіс-тәсілдері: түсіндіру,сұрақ-жауап,салыстыру,әңгімелеу, «түртіп алу» стратегиясы,ойын ББҮ кестесі т.б

Сабақтың көрнекілігі: оқулық, автор суреті,житондар, интерактивті тақта

Сабақтың барысы:

І.Ұйымдастыру бөлімі.

А) Психологиялық дайындық.

Күннің нұрын алайық,

Таза ауаны жұтайық.

Жүрекке жылу салайық,

Мейірімділік шоғын алайық.

Жиналған жылы шуақты,

Өзімізге шашайық!

Оқушыларды житондар таңдау арқылы топқа бөлу (дөңгелек, үшбұрыш,төртбұрыш):

«Сары түс» нұр сәулені білдіреді, қуаныштың, күн шапағатының нышаны. Бұл түсті таңдағандар қиындықты тізірек жеңуге құлшынып тұрады.

І топ: «Ғалымдар»

«Қызыл түс» адамның энергияға толы екенін көрсетеді. Бұл түсті таңдағандар күрескер, батыл адамдар.

ІІ топ: «Ойшылдар»

«Жасыл түс» табандылықты, мақсаттылықты білдіреді. Бұл түсті таңдағандар адамдардан мақтаулар,жақсы пікірлер күтеді.

ІІІ топ: «Тапқырлар»

ІІ.Үй тапсырмасын тексеру.

«Әскербектің әтеші» әңгімесі.

І топ: Мәтінді мазмұндау.

ІІ топ: Әскербектің әкесіне өз ойын жазған хатты оқу.

ІІІ топ: Сұрақтар дайындап, екі топқа қою.

ІІІ. Жаңа сабақ.

Олай болса, балалар экранға назар аударайық. «Ребусты шеш».

• Балалар, балмұздақ туралы не білеміз?

• Балмұздақ қалай жасалады?

• Жақсы, балмұздақты толық біліп кетейік экранға назар аударайық.(видео көрсету)

Сонымен балалар, бүгінгі біздің бүгінгі сабағымыздың тақырыбы Ермек Өтетілеуұлының «Балмұздақ» әңгімесімен танысамыз.

Ең алдымен осы әңгіменің авторымен танысып алайық.

Ермек Өтетілеуұлы-1938жылы 1 қаңтарда Ақмола (қазіргі Астана) қаласында туған. 1957жылы Алматыдағы Абай атындағы педагогтік институтының филология факультетіне оқуға түседі, кейін орыс тілі мен әдебиеті пәні мұғалімінің мамандығын алып шығады. Ақынның шығармашылығы бірыңғай балаларға арналғандықтан, оның редакторлық қызметі де жас оқырмандар үшін жазылған көркем әдебиетпен тікелей байланыста болды. Балаларға арналған көптеген әңгімелер, өлеңдер жазған жазушы. Оның «Өсіп келе жатырмыз» деген өлеңдер жинағы, «Жанашыр» деген әңгімелер жинағы , т.б. кітаптары бар.

Оқулықпен жұмыс.

• Мәтінді мұғалімнің оқуы.

• Сұрақ –жауап.

• Оқушыларға іштей оқыту («түртіп алу» стратегиясы)

• Тізбектей оқыту.

Сөздікпен жұмыс.

Сергіту сәті «Полиглот» ойыны

Мәтіндегі кездескен сөздерді үш тілде айту.

«Балмұздақ»-морожное,ice-cream

«Ақша»-деньги,money

Топпен жұмыс.

І топ: Мәтіндегі негізгі ойды тауып, аяқтау.

ІІ топ: Мәтіндегі балаларды салыстыру.(өз еркі постер т.б)

ІІІ топ: «Балмұздақ» сөзінен бірнеше сөз шығару. (Бал, мұз,дақ,ақ,ал,ала,бала,алма,амал,мал,қала,бақ,бақа,ұл,дала,аз)

ІV. Бекіту.

ББҮ кестесі (Білемін, білгім келеді, үйрендім)

VІ.Бағалау.

• Житондарды санау арқылы топты бағалау.

• Әр топ басшысы оқушыларды бағалайды.

VII. Үйге тапсырма.

Мәтінді мазмұндау.

«Балмұздақ» туралы жұмбақтар құрастырып жазып келіңдер.

№52 негізгі мектеп

Тақырыбы: «Балмұздақ»

Өткізген: Қарабаева А.Н.

Ақтөбе қаласы