24 – қаңтар 2019 жыл

Утебаева Гүлзина Жақсылыққызы

Тақырыбы: Ертегілер еліне саяхат

Мақсаты: оқушыларды халық ауыз дебиетімен,ертегілермен және ертегі кейіпкерлерімен таныстыру, актерлық шеберлігін арттыру; Ертегілер арқылы балаларды мейірімділікке, адамгершілікке,еңбексүйгіштікке және адалдыққа жетелеу.

Барысы:

Рамазан: Сәлеметсіздер ме, құрметті Ұстаздар, Ата – аналар, Оқушылар!

«Ертегілер еліне саяхат» атты театр маусымына қош келдіңіздер!

Шұғыла: Сіздерден өскен балалар,

Батырлар мен даналар.

Шақырамыз ықыласпен,

Құрметті біздің ата-аналар, балалар, ұстаздар!

Рамазан: Ертегілер ауыз әдебиетінің ең көне жанрына жатады. Бұларда көбінесе өмірде сирек кездесетін немесе мүлде кездеспейтін ойдан шығарылатын оқиғалар баяндалады.

Шұғыла:

Ол ауызша айтылып, ел есіне ғасырлар бойы сақталып, ұрпақтан-ұрпаққа ауысып, біздің дәуірімізге жеткен. Ертегілер көбінесе қара сөз түрінде айтылады. Кейде өлең түрінде де кездеседі.

Рамазан: «Баяғы өткен заманда бір шал мен кемпір ……. болыпты» немесе «Ерте, ерте, ертеде, ешкі жүні бөртеде» деп те басталады. Ертегі соңы олар «сөйтіп мақсат – мұратына жетіпті» деп үнемі жақсылықпен аяқталады.

Шұғыла: Иә, дұрыс айтасың. Бүгінгі сайысымызда қойылатын ертегілермен таныс болыңыздар:

1) «Жеті лақ пен қасқыр» ертегісі (2 «Ә» сыныбы)

2)«Дос іздеген бота» ертегісі (2 «Ғ» сыныбы)

3)«Бауырсақ» ертегісі (2 «З» сыныбы)

4)«Ғажап құс» ертегісі ( 2 «Қ» сыныбы)

Рамазан: Енді осы сайыскерлерге әділ бағасын беретін әділқазылар алқасымен таныс болыңыздар:

1)Директордың оқу – ісі жөніндегі орынбасары: .

2) Директордың тәрбие – ісі жөніндегі орынбасары: .

3) Директордың тәрбие – ісі жөніндегі орынбасары: .

Шұғыла: Сайысымызды 4 «Ә» сынып оқушысы Тынымгереев Мерейдің орындауында «Бала тілегі» атты әнімен бастаймыз, қабыл алыңыздар.

Рамазан: Шұғыла, сен білесің бе? Орманда сүт әкелемін деп кеткен бір ешкінің лақтарын қасқыр ұрлап кетіпті. Бұл қай ертегі?

Шұғыла: Әрине, білемін, Рамазан. Бұл «Жеті лақ пен қасқыр» ертегісі емес пе?

Рамазан: Дұрыс айтасың, олай болса, «Жеті лақ пен қасқыр» ертегісімен 2 «Ә» сынып ұжымын сахнаға шақырайық.

Шұғыла: Осы сен дос іздеген Бота жайлы естіп пе едің?

Рамазан: Әрине, ол – өзіміздің Бота емес пе?

Шұғыла: Жарайсың, Рамазан. Ендеше, осы Бота жайлы керемет қойылымды тамашалайық. Сахнада 2 «Ғ» сынып ұжымы. Қарсы алыңыздар!

Рамазан: Балалар, енді сендер тауып көріңдер. Басына қонған бақытын бағалай алмаған Қадыр туралы ертегі қалай аталады?

Шұғыла: Жарайсыңдар, балалар! Ендеше, сахнаға «Қадырдың бақыты» қойылымымен 2 «З» сынып ұжымын шақырайық.

Рамазан:

Атамнан да қаштым,

Апамнан да қаштым,

Аюдан да қаштым.......

Шұғыла: Рамазан ,сен бізге «Бауырсақ» ертегісін жасырып тұрған боларсың?

Рамазан: Әрине, Шұғыла. Бәріміздің де балабақшадан бастап тыңдап өскен ертегіміз емес пе?

Шұғыла: Ендеше, «Бауырсақ» ертегісімен 2 «З» сынып ұжымының өнерлерін тамашалайық.

Рамазан: Бүгінгі өнерпаздарымыздың өнерін бағалап алғанша сахнаға

4 «Ә» сынып оқушыларын «Кішкентай жұлдыздар» атты әнімен шақырамыз. Қабыл алыңыздар!

Шұғыла: Бүгінгі өнерпаздарымыздың өнерін бағалап, әділ бағаларын беретін әділ қазы алқаларына сөз береміз.

Рамазан: Осымен, «Ертегілер еліне саяхат» атты сайысымыз өз мәресіне жетті.

Шұғыла: Қош, сау болыңыздар!