«Ертегілер еліне саяхат» 
Мақсаты: Ертегідегі кейіпкерлерді атай білу,заттардын түсін,көлемін ажырата білу.Балаларға қойылған сурақтарға дұрыс жауап беріп, сөздік қорларын дамытып, тіл байлықтарын молайту.Сөздерді анық айтуға,есте сақтау қабілеттерін дамыту.Достық пен жанашырлыққа тәрбиелеу. 
Әдіс-тәсілі: көрсету,сұрақ-жауап,түсіндіру,әдістемелеу. 
Көрнекіліктер: «Шалқан, жеті лақ пен қасқыр, үйшік» ертегі желісі,бойынша суреттер, аю, түрлі - тусті қағаз, желім, сүлгі, ақ қағаз. 

Шаттық шеңбері: 
Білер қазақ баласы, 
Сәлем сөздің анасы. 
Алдымыздан кезіккен, 
Көп апайды қарашы. 
Бәріңе де ізетпен 
Иіліп сәлем береміз. 
Сәлеметсіздер ме? 

Тәрбиеші:
-Балалар, қазір жылдың қай мезгілі? 
-Қыс мезгілі. 
-Қыс айларын атап беріндерші? 
-Желтоқсан,қаңтар,ақпан. 
-Қыс айында ауа-райы қандай болады? 
-Суық,аяз. 
-Далада не жауады? 
-Қар жауады. 
-Қардың түсі қандай? 
-Ақ түсті. 
-Адамдар қандай киімдерін киеді? 
-Жылы киімдерін. 
-Балалар сендер ертегіні жақсы көресіңдер ме? 
-Иә. 
-Қандай ертегі білесіңдер? 
-«Шалқан, бауырсақ, жеті лақ пен қасқыр, қызыл телпек, үйшік». 

Бүгін бізде ерекше сабақ болады біз сиқырлы поезға отырып барлығымыз ертегілер еліне саяхатқа барамыз. (Балалар бір-бірінің иығынан ұстап пойыз дыбысымен журеді) 

1 аялдама
Шалқан ертегісін слайд арқылы көрсету. Бұл қандай ертегі? (кейіпкерлерін айту)
2 аялдама слайдпен жұмыс 
-Бұл қандай ертегі? 
-Шалқан ертегісі. 
-Осы ертегілер кейіпкерлерін атандаршы? 
-Ата, әже, немересі, күшік, мысық, тышқан. 
-Ешкінің неше лағы бар? 
-Жеті лағы бар. 
-Ешкі тамаққа кеткенде лақтарына не айтып кетті? 
- Ешкімге есікті ашпа. 
-Қасқыр лақтарды қалай алдамақшы болды? 
-Өлең айтып. 
-Қане,балалар лақтар туралы тақпақ айтайықшы: 
Балалар:

Шөре,шөре лағым, 
Тентек болма шырағым. 
Секеңдемей деміңді ал, 
Селтеңдемей құлағың. 
* * * * * * 

Балалар тағы да сиқырлы поезға отырып келесі аялдамаға барады. 
3 аялдама: Орман.Сол орманда аю жылап отыр. 
Тәрбиеші: Аю сен неге жылап отырсың, саған не болды? 
Қалай мен жыламаймын, мына жерде үйшік тұрды,мен оған сыймай сындырдым, содан бәрі қашып кетті, кім маған көмектеседі? - деп балалардан сұрады. 
- Балалар аю қай ертегіден келді? 
-Үйшік. 
Тәрбиеші: Жылама аю,біздің балаларымыз сондай ақылды. 
Қане балалар аюдың көңілін көтеріп, аю туралы тақпақ айтып, бойымызды сергітіп алайық. 
Сергіту сәті: 
Қорбаңдаған аюдың, 
Құлпынайы көп екен. 
Теріп,теріп алайық, 
Қалтамызға салайық. 
Тәрбиеші: Аю,саған біздің балаларамыз үйшік жапсыруға көмектеседі.Ол үшін біз топқа қайтайық. 
Аю балаларға рахмет айтып, орманға қайтады.Сау болыңдар,балалар!
Ғажайып сәт: Бауырсақ  секіріп топқа кіреді. 
Балалармен амандасады. 
-Сәлеметсіздер ме балалар? 
-Мені таныдыңдар ма? 
-Иә. 
-Мен кіммін?. 
-Бауырсақсыз. 
-Мен кімнен қаштым? 
-Атадан, әжеден, қасқыр, аю, қоян, түлкі. 
Тәрбиеші: Ал сені түлкі жеп қоймадыма? 
Бауырсақ мен оны алдадым, тулкінің тұмсығына отырмай қашып кеттім. 
-Қане, балалар қарайықшы, бауырсақ тулкіні алдап қайда қашты екен. 
(слайд арқылы көрсету). 
Сіздің балаларыңыз өте ақылды екен,олар маған қайда барғандарын айтып бере алама? 
- Сендер не көрдіңдер,не істедіңдер? 
Егерде сендер маған толық жауап берсеңдер, мен сендерге сыйлық беремін. 
Бауырсақ: мен өз ертегіме барайын, сендерге арнаған сыйлығымды берейін

(сыйлық тарту) cау болыңдар! 

Қорытындылау: 
Балалар бүгін барлығың оқу іс-әрекетіне жақсы қатыстыңдар,тапсырманы жақсы 
орындадыңдар: 

Бәрі бірге:
Орнымыздан тұрайық 
Әдепті бала болайык 
Көріскенше күн жақсы. 
Сау –саламат болайық.