Сабақтың тақырыбы: Ертегілер еліне саяхат!!!
Сабақтың мақсаты: Ертегілер туралы білімдерін күшейту.
Сөйлеу мәдениетін, еркін сөйлеп, өз ойларын дұрыс жеткізу.
Оқушының сөздік қорын дамыту, сөз өнеріне деген құрмет.
Оқушыларды еңбекке, татулыққа, достыққа тәрбиелеу.
Әдіс – тәсілдер: сұраққа жауап беру, «Мақта қыз бен мысық» ертегісіндегі кейіпкерлердің рөлін сомдау.
Қажетті нәрселер: Ортада үстел үстінде ыдыстар, қатық, сыпырғыш, инеағаш, маскалар, ағаш, тауық маскасы, тышқан киімі, шелек, мысық киімі, сиыр киімі, мейіз, тары,қайшы.
Ұйымдастыру кезеңі:

Жүргізуші: Ал оқушылар, бүгінгі күн ерекше күн, себебі, біздің сабағымызға оқушылар көптеген апайлар қонаққа келді. Қане, сол қонақтармен сәлемдесейікші:
Қуан, шаттан, алақай,
Қуанатын күн келді.
Күліп шықты күн бүгін.
Қайырлы таң, қайырлы күн!
Оқушылар біздің бүгінгі сабағымыз өзгеше болады. «Ертегілер еліне саяхатқа» барамыз. Бүгін ертегіні оқып, түсініп, біліп қана қоймай ертегі кейіпкерлерінің рөлінде өзіміз ойнап көрсетеміз.
Сендер ертегілерді жақсы көресіңдер ме? Иә. Қандай ертегілерді білесіңдер.

Оқушылар: «Бауырсақ»«Шалқан», «Жеті лақ», «Ешкі мен түлкі», өте жақсы.

Жүргізуші: Оқушылар мен сендерге жұмбақ жасырамын. Жұмбақты шешкеннен кейін ғана қай ертегіге саяхат жасайтынымызды білеміз.
Жұмбақ:
Өзі жап - жас мұрты бар,
Ет пен сүтке ұмтылар.
Тастамайды жылы үйде,
Түкті тоны шұп - шұбар. Мысық
Оқушылар қандай ертегіде мысық басты кейіпкер болады? Оқушылар жауабы: «Мақта қыз бен мысық»
Жүргізуші:Бұл ертегі Ыбырай Алтынсариннің «Мақта қыз бен мысық» ертегісі.
Иә, дұрыс таптыңдар жарайсыңдар.

Залда «Ерте, ерте, ертеде» өлеңі орындалады.
Ішке ертекші әже келеді. Оқушылармен амандасып алып, әжей ертегіні айта бастайды.
Ерте, ерте, ертеде,
Ешкі құйрығы келтеде,
Мақта қыз бен мысық өмір сүріпті.
Мақта қыз үстел үстін реттейді. Ыдыстарды жиыстырған кезде мейіз тауып алады. Мақта қыз (Мысығын шақырады)
- Мияуым менің, қайдасың?
- Тарғылым менің, келе ғой, мен саған мейіз беремін (мысық келмейді)
- Келмесең, келмей –ақ қой, өз обалың өзіңе,- деп (мейізді қыз жеп қояды) Осы кезде үй артынан «мяу» деген дыбыс шығады.
Мақта қыз ыңылдап ән салады, мысық шығады.
Мақта қыз –
Мысығым-ау, мысығым,
Тарғылы жақсы түсінің.
Таңертең де, кеште де,
Бетін жуған пысығым.
Піш - піш десем, келе ғой,
Айтқаныма көне ғой.
Шақырғанда піш-піш деп,
«Мяу! -деп дыбыс бере ғой.
Әже : Сол кезде мысық шығып Мақта қызға өлең айтып береді.
Мысық-
Менің атым мысық,
Екі көзім қысық.
Тышқан аулап отырамын
Сүт-көжемді ішіп –дейді
Мысық: Мақта қыз, сен мені неге шақырдың?
Мақта қыз: Айтпаймын!
Мысық: Ендеше, мен сенің қатығыңды төгемін.
Мақта қыз: Ой,ой. Сен не істедің? Сол үшін мен сенің құйрығыңды кесіп аламын! (құйрығын кесіп алады)
Мысық: Берші, құйрығымды!
Мақта қыз: Бермеймін! Қатығымды қайтарып бер!
Әжей: Сөйтіп, мысық сиырға келеді.
Сиыр -
Менің атым сиыр,
Өрісім алыс қиыр.
Етім үшін, сүтім үшін,
Адамдар маған үйір - дейді.
Мысық: Мяу, сиыр, сиыр, сен маған қатық берші!
Сиыр: Сен маған жапырақ әкел, менің қарным ашып тұр.
Әжей: Сөйтіп, мысық ағашқа барады.
Ағаш -
Мен жасыл ағашпын,
Күтсеңдер гүл ашам,
Жолыңа нұр шашам,
Жапырағым азық,
Бұтағым қазық.
Саяма сағаларсың,
Салқындап дем аларсың.
Мысық: Ағаш, ағаш, маған жапырақ берші!
Ағаш: Маған су әкеліп бер мен шөлдедім, мен саған жапырақ беремін.
Әжей: Сөйтіп, мысық су іздеп келе жатса, алдынан су тасып жүрген қыздар шығады.
Қыздар:
Су - тіршілік негізі,
Онсыз өмір сүрмейсің.
Тазалықтың негізі,
Су деп және білгейсің –деп әндетіп жүреді.
Мысық: Мяу, қыздар маған су беріңдерші.
Қыздар: Сен бізге дүкеннен сағыз әкеліп бер.
Әжей: Сөйтіп, мысық дүкеншіге келеді.
Мысық: Мяу, дүкенші, дүкенші маған сағыз берші.
Дүкенші - Маған жұмыртқа әкеліп бер, мен саған сағыз берем.
Әжей: Мысық әбден шаршады жұмыртқа іздеп тауыққа барады.
Тауық -
Мен ақ тауықпын,
Өзім қақсауықпын.
Күніне бір жұмыртқа табам,
Осыған жетеді шамам - деп әндетеді.
Мысық: Мяу, тауық, тауық маған жұмыртқа берші.
Тауық: Сен менің балапандарыма дән әкеліп бер, біз ашпыз.
Әжей: Мысық ойға батып, басын ұстап не істерін білмей отырып қалады. Осы кезде бір тышқан жүгіріп шығып, інді қаза бастайды.
Тышқан –

Мен тышқанмын,
Өзім дән екпеймін.
Егістен ұзап кетпеймін,
Айналам толы ән,
Қоймам толы дән,
Дәнді тастап кетпеймін - деп ән салып жүрген тышқанды мысық бас салып ұстап алады.

- Айт, үйіңде не бар? Жаныңның барында айт, тез, әйтпесе, қазір жеп қоямын.
Тышқан: Біз саған бір билеп береміз.
Мысық: Мақта қызбен қосылып « Саржайлау» биін билеп береді.
Әжей : Тышқан мысыққа рахмет айтып, бір қап тары береді, мысық дәнді тауыққа береді, мысық жұмыртқаны дүкеншіге береді, дүкенші мысыққа сағыз береді, сағызды
мысық қыздарға береді, қуанған қыздар мысыққа су береді, суды мысық ағашқа құяды, шөлі қанған ағаш мысыққа жапырақ береді. Жапырақты мысық сиырға береді,
сиыр оған қатық береді, қатықты мысық Мақта қызға берді.
Мысық: Мақта қыз, қатығың міне мен енді бұзық болмаймын, айтқаныңды тыңдаймын,- деп қатықты қызға берді.
Әжей: Сөйтіп Мақта қыз қатығын ,мысық құйрығын қайтарып алып, екеуі тату-тәтті өмір сүрген екен. Достық туралы тақпақ, мақал айту.

Сергіту сәті:
Мұрны пұшық
Көзі қысық
Өзі пысық
(1. бала тақтаға шығып маска киіп көрсетеді. Балалар қимылмен орындайды.)
Бұл не?
Бұл мысық. Ооқушылар ертегі сендерге ұнады ма? Оқушылар жауабы: Ұнады. Несімен ұнады.
Оқушылар жауабы: Мақта қыз бен мысық достасып ертегі соңы жақсы болды.Оқушылар менің ертегімді тыңдай отырып ертегі кейіпкерлерін оқасы жок сомдағандарың үшін көп-көп рахмет!
Ертегі кейіпкерлері дайындаған тапсырмаларды орындау:
Мақтақыздың тапсырмасы: Балалар енді кезекте «Кітап нені сүйеді?» ойыны. Мен сұрақ қоямын .

• Келіссеңіздер шапалақ ұрасыздар.

• Келіспесеңіздер шапалақ ұрмайсыздар?

1. Кітап қаптағанды -ия

2. Лас қолмен ұстағанды –жоқ

3. Қар мен жаңбырға тастағанды- жоқ

4. Аялап ұстағанды – ия

5. Кітап сөрелерінде ұстағанды –ия

6. Еденде жатқанды – жоқ

7. Құрметтегенді – ия

8. Кітаппен дос болғанды – ия

Мысықтың тапсырмасы: «Кім білгір?»

Шарты: Сурет бойынша ертегілердің атын табу керек.

• Маша мен аю

• Түлкі мен тырна

• Бауырсақ

• Жеті лақ пен қасқыр