Ертеңгілік "Балабақшамен қоштасу" Ересек топ

1-ші тәрбиеші: Құрметті ата-аналар! Әріптестер!

Бүгінгі той біздер үшін ерекше той. Өйткені кеше ған тәй-тәй басып, қолдарыңнан ұстап, тосырқап келген кішкентай бүлдіршіндерің оң мен солын, жақсы мен жаманды ажыратып, сүйікті балабақшаларымен қоштасып, мектепке қадам басқалы тұр. Қадамдары құтты болсын!

2-ші тәрбиеші: Балдай тәтті тілдерімен үйренген әндерін билерін, өнерлерін көрсетіп, сіздер мен біздерді, қуантқалы тұрған бүлдіршіндерімізді өлең шумақтарымен қарсы аламыз.

Дәурен: Бойы ұзын, ойы озық аппақ бала

Топ ішінде бұл бала жеке дара

Ақылға сап айтады әрбір сөзін

«Президент» болар мүмкін болашақта.

Абдуақас Дәурен шақырамыз.

Мерей:Ақ көңілді Мерейім

Үстем болсын Мерейің

Мақтаны бар еліңнің

Биік шыңнан көрейін.

Рашид Мерейді қарсы алыңыздар!

Бекмұрат: Қажымұқандай қайратты

Мінезі оның салмақты

Бекмұратқа сенім артамыз

Азамат болар ардақты

Қойшыбай Бекмұратты шақырамыз.

Еркенұр: Жайнап өскен гүл сияқты,

Күлімдеген күн сияқты.

Инабатты ибалы қыз

Еркенұрды шақырамыз.

Ерқанат: Бақшадан қалмай келеді.

Сәлемін жазбай береді

Кішілерге өзінен

Қамқор болып жүреді.

Мақсут Ерқанатты шақырамыз.

Ханифа: Тобымызда ханшайым

Күлімдеп тұрар әрдайым

Еліктің ерке лағындай

Ханифамыз осындай.

Анэль: Білімді тәрбиелі ақылды қыз

Қолды соғып қошеметпен қарсы алыңыз

Қалалық сайыстардан орын алған

Біз бүгін Анэльмен мақтанамыз.

Ануар Анэльді шақырамыз.

Әбіш: Жігіттердің сұлтаны,

Десем артық болмайды.

Талапты да талантты,

Әжесінің баласы.

Орынбай Әбішті шақырамыз.

А.Амина: Тәрбиеші апайлардың қол қанаты,

Істеген әр ісіне тиянақты.

«Ақ жол» тілеп ортаға шақырайық.

Қызғалдақтай құлпырған Аминаны.

Ахмет Аминаны шақырамыз.

Аяулым: Момақан боп жүреді,

Ертекті жақсы көреді.

Топтағы барлық баламен

Тіл табыса біледі.

Сыдық Аяулымды шақырамыз.

Ясин: Көңілі оның толмаса,

Айтқаны егер болмаса.

Шығаратын шатақты,

Қазақтың туын көтерер

Болсыншы Ясин атақты.

Нұрай: Нұраймыз пысық еді топтағы

Бар баланың көңілін өзі табады.

Дейтін мамам бай болады өскенде

Орындалсын баласының арманы.

Хайткул Нұрайды шақырамыз.

Б.Амина: Шумақ-шумақ тақпақты,

Лезде жаттап алады.

Саусақтары майысып

Суретті жақсы салады.

Мереке өтсе бақшада

Әкесі мен анасы

Қызықтап сырттай қарады.

Базарбай Аминаны шақырамыз.

Арслан: «Красавчигім» деп анасы

Еркелеткен баласы

Үздік оқып сабақты

«5»-тік болсын бағасы.

Тұнбай Арсланды шақырамыз.

Дильназ: Сүп-сүйкімді тілі бал

Кім екенін біліп ал

Дильназ атты ару қызды

Қолды соғып қарсы ал.

Бақтыбай Дильназды шақырамыз.

Венера: Қылығына қарасаң

Сүйкімді аппақ балақан

Еркелетіп біз өзін

Атадық топта ақ қоян.

Қуандық Венераны шақырамыз.

Дархан: Салмақты боп жүреді.

Жәйлап қана күледі

Көп сөйлемей көп тыңдап,

Бәрін ойға түйеді.

Төлеген Дарханды шақырамыз.

Д. Амина: Бойы кіші болсада,

Үлкендерден қалмайды.

Үйренгенін басқадан,

Үйретуден талмайды.

Даул Амина шақырамыз.

Ұлту: Таудай биік талабы

Білімді де саналы

Сұрағыңа әрқашан

Кідірмей жауап табады.

Мәнерлеудің шебері

Бойында көп өнері

Сайыстардан орын ап,

Қуанышқа бөледі.

Ислам Ұлтуды шақырамыз.

Ерасыл: Білгісі кеп сұрақты

Үсті-үстіне қояды.

Қандай есеп берсеңде

Таппай оны қоймайды.

Мұрат Ерасылды шақырамыз.

Жанайым: Келген күні бақшаға есімізде

Апасының жабысып етегіне

Енді міне ақылды боп есейіп,

Қанат қағып кеткелі тұр мектебіне.

Нұрланова Жанайымды шақырамыз.

Аққу: Аққуымыз біріншіге барады

Жақсы оқып қуантсын ата-ананы

Айтқаныңды екі етпей ұғатын

Үздік болсын мектептеде сабағы.

Әділет: Қос тілді қатар сөйлейтін,

Мақтауды жаны сүйетін.

Ойында достарымен келіспесе

Келмей қалам садикке деп өкпелейтін.

Текемұрат Әділетті қарсы алыңыздар!

Жаннұр: Иығыңа асылып еркелейтін,

Сізді жақсы көремін апай дейтін,

Ерекше еркелеткен атасы оны

Күнделігі болсыншы «5»-ке толы.

Насихат: Тентектігі бір өзіне жететін

Көзіңді ала қыздарды жылатып кететін

Үйдегі бар ойыншығын алып келіп,

Ортада бар баламен бөлісетін.

1-ші тәрбиеші: Өтті міне көп күндер,

5-жасқа міне жеттіңдер.

Мектепке кетіп барасыз

Бір белестен өттіңдер.

2-ші тәрбиеші: Өсті міне бойларың,

Өсті міне ойларың

Қуанышқа ортақпыз

Құтты болсын тойларың!

Балалар: Бұл қуаныш себебін

Бізге қарап ұғарсың

Ер жетті менің ботам деп

Ата-анамыз қуансын.

Құттықтау сөздер: Ұлту, Әділет, Жаннұр, Дархан, Мерей, Нұрай, Венера, Ерқанат, Анэль.

Балалар: -Сізге көп-көп рахмет!

Ән: «Біріншіге барамыз»

Мерекеге арналған тақпақтарға кезек берелік: А.Амина,Насихат, Д.Амина, Ерқанат, Жанайым, Мерей.

1-ші тәрбиеші: Бишілерді көңілді

Шақырайық ортаға.

2-ші тәрбиеші: Тойымызға сән беріп,

Би билесін шаттана.

Би: «Көңілді балақандар»

Жаннұр-Әбіш, Аяулым-Ерасыл, Дильназ-Арслан, Ясин-Жанайым

1-ші тәрбиеші: Түлектерге қол соғып,

Бір серпіліп қалыңыз!

2-ші тәрбиеші: Бақшамызға арналған

Әнімізді қабыл алыңыз!

Ән: «Балабақшаға арнау»

Тақпақтар: Ұлту, Дильназ, Венера, Ерасыл, Әбіш, Дархан, Жаннұр

Ішке әуенмен пойызға мінген Әліппе, сөмке, 5-тік келеді.

Сөмке: Бізді сізге білімпаз ата жіберді. Біз өзімізге достар іздеп келеміз. Мерекелеріңіз құтты болсын!

Әліппе: Алфавиттің «А» тұрады басында,

Әрқашанда «Ә» тұрады қасында.

Байқадыңба «Б» тұрады 3-ші ,

Ал осының сыры неде түсінші.

Балалар: «А» дегенің аналар ғой ардақты,

«Ә» дегенің әкелер ғой салмақты.

«Б» дегенім балалар ғой әдемі,

Біздің елде үшеуі де кәделі.

Мен сендерге осы әріптердің бәрін үйрететін әліппе боламын.

5-тік: Ал мен «5» деген бағамын

Досымын барлық баланың

Көп оқып, көп білсеңдер

Сендермен дос боламын.

Ішке алқынып «2» лік кіреді.

«2»лік: Уф, пойыздан қалып қойып,

Әрең қуып жеттім-ау.

Мен «2» деген бағамын,

Досымын барлық баланың.

Жалқауларды жалдап алам,

Аңқауларды алдап алам.

Өтпей қалса сабақта,

Досым үшін менде қалам.

Ха-ха-ха

Ал енді ойланыңдар кіммен дос боласыңдар? Егер менімен дос болсаңдар. Таңнан кешке дейін ойнайсыңдар.

«5» тік: Жоқ бұл балалар ақылды, білімді балалар сияқты.

Әліппе: Ендеше тексеріп көрелік. Балалар менің әріптерімді таный мекен?

Слайдтан: «Әріптер» көрсетіледі.

Сөмке: Ендеше менің тапсырмамды көрелік 1-ден 10-ға дейін ағылшынша санай білемекен?

Слайдтан: 1-ден 10-ға дейін санау.

«5»-тік: Мен сендерге орыс тілінен тапсырма беріп көрейін. Мына заттардың атын және түсін орыс тілінде айтыңдар.

«2»-лік: Қазір көресіңдер мен бұларға қиын сұрақ қоямын.

Алға ағашта 4алма

Қандай тәтті жесе алма

2-ін жумай жеп қойдым.

Қалды сонда неше алма?

«5»тікте 5 асық

«2» тікте 2 асық

Қосқанда барлығын

Болады неше асық?

«2» лік: Ендеше ата-аналардан маған дос табылып қалар.

«2»лік: Қап, бұл жерден маған дос табылмады. Қой мен кеттім.

Тәрбиеші: Ендеше балалар достарымызға арнап «Мектептерде үйретеді» әнін шырқап берелік.

Ән: «Мектептерде үйретеді»

Әліппе, Сөмке, «5»-тік: - Балалар

Әрқашан дос біргеміз

Ажырамас іргеміз.

Қыркүйектің 1-де

Біз сіздерді күтеміз.

Сау болыңыздар!

Ойын:

1-ші тәрбиеші: Ата-ананы қуантып,

Шаттанайық күлейік.

2-ші тәрбиеші: Тақпақ айтып, ән айтып

Биде билеп берейік.

Тоты құс биі: Ұлту, Анэль, Мерей, А.Амина, Б.Амина, Нұрай.

Тақпақтар: Ханифа, Ясин, Аяулым, Нұрай, Бекмұрат, Аққу, Арслан.

1-ші тәрбиеші: Балалар қане есімізге түсірейікші біз осы балабақшаға келгенде бәріміз кішкентай едік. Қазір біз сәби шаққа саяхат жасап, «Бұл қай бала» айдарын тамашалап көрелік.

1-ші тәрбиеші: Жан әке бүгін той ғой ән салатын,

Шаттықа толы болсын әр сағатың.

2-ші тәрбиеші: Атыңды ардақ тұтып біз ұстаймыз

Әкелермен би де билеп қалықтаймыз.

Би: «Қыздары мен әкелер»

Ата-анамен ойын:

Көрініс: «Жалқаубек»

Мерей, Дархан, Жаннұр, Әбіш, Д.Амина

Тақпақтар: Дәурен, Әділет, Анэль, Б.Амина, Еркенұр

1-ші тәрбиеші: Балалар біз бүгін сендерді қимай толқып тұрмыз. Себебі сендердің әсем әндеріңді.

2-ші тәрбиеші: Мың бұралған билеріңді

1-ші тәрбиеші: Тақылдаған тақпақтарыңды.

2-ші тәрбиеші: Сыңғырлаған күлкілеріңді енді дәл осы жерден

Бірге: Көре де, ести де алмаймыз.

«Қоштасу вальсі» Еркенұр-Бекмұрат, Ерқанат-Мерей, Насихат-Д.Амина, Дәурен-Аққу, Әділет-Ханифа, Дархан-Венера.

Балабақша өмірінен слайд көрсету.

Ән: «До свидания детский сад»

Құттықтау сөздер, марапаттау.

«Ай-Наз» жекеменшік балабақшасы

Тақырыбы: «Білім бастауы балабақшада»

1-Қыркүйек білім күніне арналған тақырыптық оқу қызметі

«Аяулым» ересек тобы

Тәрбиеші: Бегеева М.М.

2017-2018 оқу жылы