Ертеңгілік

«Қош келдің Жаңа Жыл!»

«Қош келдің,  Жаңа жыл!»

Мақсаты: Балалардың мерекелік көңіл-күйін тудыру, шыршаның әдемілігіне, балалардың киімдеріне назар аударту, көңілді ойындар ойнату, достық қарым-қатынасын ояту.

Тезірек, тездетіп мұнда жиналыңдар!
Басталады Жаңа Жылдық карнавал
Маска да бар, би де бар, асығыңдар
Аяз ата шақырғанның бірі дағы қалмайды.
Басталады, басталады Жаңа жылдық карнавал!

Тәрбиеші: Құрметті  ұстаздар, ата – аналар, қонақтар. Жаңа жыл мерекесіне арналған «Қош келдің, Жаңа  жыл» атты ертеңгілігімізді бастауға рұқсат етіңіздер. Бүгінгі жаңа жыл кешін барлығымыз көтеріңкі көңіл- күймен, әсем ән, сәнді бимен өткізуге ат салысайық.

Бүгін сізге жырдан алқа тағайын,

Шат күлкіге толы болсын маңайың.

Көргендер де көрмегенде арманда,

Жаңа жылың құтты болсын ағайын.

Құтты болсын ағайын!
Жаңа жылың тағы да
Қол соғып қарсы алайық
Шақырайық ортаға
Ертеңгілік басталсын
«Балдырған» ересек тобында!
(балалар келіп шыршаны айналып тұрады)

Тәрбиеші: Балалар бүгін  сәнді киініп, әдемі болып кетіпсіндер. Мына жерде орман аңдары, сүйікті ертегілеріміздің кейіпкерлері де келіпті.

Құрметті қонақтар жүрекке жылылық ұялатар алғашқы жаңа жылдық құттықтау сөзді білім ұясының білікті басшысы Майра Абдрешқызы мен тәрбие ісінің меңгерушісі Дария Даутбекқызнына берейік. Балалар, біз  енді жаңа  жылымызды әр қарай  мерекелейік. Олай болса «Жаңа жыл жарылқасын, ескі жыл есіркесін» деп ортамызға бізбен бір жыл болған доңыз жылын шақырып алайық.

- Ескі жыл қайдасың?

- Әне өзі де келе жатыр, бәріміз бірге.

Қош келдің ескі жыл!

Ескі жыл: ...................................

• Ескі жыл сен жаңа жылымыз келгенше бізбен бірге бол.

Ескі жыл: Бір жыл бойы сендермен
Бірге жүрдім ойнадым
Енді міне балалар
Кезек келді қоштасар.

Тәрбиеші:

Жаңа күнде ән қылып,

Тек жүреміз сән құрып.

Көңілдердей қартаймай,

Шырша тұрар мәңгілік.

Ал енді барлығымыз шыршаны айналып «Шырша» жырын айтайық.

Қараңыздар мынау шыршаға. Неткен сұлу, неткен көрікті еді. Жаңа жылдық шыршамызға барлығы да келіп қалыпты. Енді  біздің  шырша тойына кімдер  жетіспейді?

-Дұрыс айтасыңдар балалар

Қоңырау үні сыңғырла
Аяз ата, Ақшақар
Біз Сендерді сағындық
Тез келіңдер ортаға
Қане барлығымыз Аяз Атамызды, Ақшақарымызды шақырайық. Балалар: Аяз ата мен Ақшақар. Аууууууууууууууууу 3-рет

Тәрбиеші: Қош келдіңіздер, Аяз Ата Ақшақар, алыс жолдан келдіңіздер.
Әсем әні де, биі де бар
Отыр ата, сәл дем ал.
Тәрбиеші: Аяз Ата Ақшақар балалардың сіздерге арнаған өнерлерін тамашалаңыздар.

Балалардың тақпақтары:

Балжан:

Тамаша, тамаша
Шыршамыз тұр жараса
Басында әсем жұлдызы
Көз тоймайды қараса

Арнұр:
Безендіріп шыршаны
Жыл қуантты баршаны.
Той - маскарад басталды,
Аяз оны басқарды.

М.Нұрислам:

Бүгін бәрі өзгерек

Жарқын күлкі сөз бөлек

Тілек айтып, күттік біз

«Кел, Жаңа жыл, төрле!»-деп.

Жомарт:

Аяз сүйіп қарсы алған

Жердің аппақ тұлғасы

Қыстың айы-Қаңтардан

Басталады жыл басы.

Мансұр:

Ақ қырауға малынған

Сақалы да, мұрты да

Аяз ата сағынған,

Сәлем берді жұртына.

Жұлдыз:

Тауда туып, тауда өскен,

Шырша келді ортаға.

Бәріміз бір дауыспен

Дейік енді шыршаға:

«Қуант бізді, таңырқат,

Шамдарыңды жарқырат!».

Дина:

Қандай суық қыс деген,

Бәрін шебер істеген.

Бақша-бауды, тауды да

Бояған ақ түспенен

Аслан:

Жасыл шырша төрдегі

Дейді: «Бәрің көр мені!»

Кеткен әсем құлпырып,

Ойыншықтар тұр тұнып.

Т.Нұрдәулет

Қонақтайды бақтарға

Ақ көбелек, ақ мамық.

Аунап таза ақ қарға

Балалар жүр мақтанып.

Марғұлан:

Той, мереке, салтанат
Думандатты шартарап
Келді, міне жаңа жыл
Тартуларын арқалап.

Жайық:

Шыршамыз да керемет
Ойыншықтар тағылған
Алыс жақтан келіп тұр
Аяз ата сағынған.
Раяна:

Аппақ күміс бар әлем

Зымыраймыз шанамен

Тоғайлар тон киеді

Аяз беттен сүйеді.

Жиналып ап бар бала

Тұрғызамыз қар қала.

Гүлбану:

Аралайды бақшаны
Үзілмейді жақсы әні
Гүлденеді бақшалар
Жауа берсін, Ақшақар!

Алихан:

Қыс келді, қыс келді,

Ақтарып ақ қарды.

Жол аппақ түске енді,

Аралап қайтайық

Ақ күміс бақтарды.

Қайсар:

Аяз келді қаһарлы
Айналаны қар жапты.
Ақ тон киіп орман тұр
Дәл атамдай салмақты.

Б.Нұрдәулет

Қандай әсем шартарап
Шаттық күйге бөлеп тұр
Кәмпиттерін арқалап
Аяз ата келіп тұр.

Е.Нұрислам

Далада қар борайды
Ақ мамыққа орайды
Мұз болады қатады
Жып-жылтыр боп жатады.

Жалын:

Жүзімізге күлкі ойнап
Қанаттанды жанымыз.
Жаңа жылды біз тойлап
Шаттанамыз бәріміз.

Жүргізуші:
Әуеледі әніміз
Жаңа кірді сәніміз
Ақшақарды ортаға алып
Би билейік бәріміз.
- Ау,доңызжан сенімен де қоштасатын кез келді.

Жүргізуші: - Шыныменен, балалар, біз бір жасқа үлкейдік. Ескі жыл Жаңа жылға орнын сыйлағысы келіп тұр, олай болса, сау болыңыз, біз сізге ризамыз!
Бәрі. Қош, қош, Ескі жыл!
Жаңа Жыл кіреді

Жаңа Жыл-Тышқан
Мен жаңа жылмын
Мен жаңа нұрмын
Нұрымды да себейін
Жырымды да себейін.
Тәрбиеші: Құрметті қонақтар, балалар! «Қош келдің, Жаңа жыл!» атты ертеңгілігіміз аяқталып қалды. Осындай керемет өтуге ат салысып жүрген ата - аналар, әріптестерім сіздерге де мың алғыс! Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!! Жаңа жыл баршамыз үшін берекелі, мерекелі жыл болсын.

Ата-аналарға құттықтау сөз беру.