"Есеп А" Рефлексиялық есеп

A1 Бір сабақ жоспары

Краткосрочный план

Дескриптор к уроку по теме «По щучьему велению»

А1 Орта мерзімді жоспар

Среднесрочное планирование по русской литературе для учащихся 6 класса (1 четверть)

Раздел 2.

Сказки Количество часов-4

Г-в группах И-индивидуально К-весь класс П-в парах Ф-формативное А1 Өзінің оқыту және оқу тәжірибесіне өзгеріс енгізуі туралы рефлексиялық есеп

Мектеп жұмысы мен оқушы жетістіктерін өрістітудегі негізгі тұлға – мұғалім. (МАН)

Бағдарлама негізінде алған теориялық білімімізді мектептегі іс-тәжірибемен ұштастыру мақсатында №43 Әл-Фараби негізгі мектебінде 6-сынып оқушыларымен орыс әдебиеті пәнінен сабақ өту үшін орта мерзімді сабақ жоспарын құрдым. Іс- тәжірибе кезінде алға қойған негізгі мақсатым- осы бағдарламаның жеті модулін Блум таксиономиясына сүйене отырып деңгейлік тапсырмалар арқылы тілді және оқушылардың ойлау қабілетін дамыту. Осы кезеңде тізбектелген төрт сабағымда оқушы мен мұғалім, оқушы мен оқушы арасындағы байланысты жандандыратын диалогтік оқыту модуліне басымдық бердім.Себебі, мектептегі басқа пәндерге қарағанда орыс әдебиеті сабағы тұтастай диалогтан тұрады.Енді, оқушылар диалогтық оқытуда шағын топтарда жұмыс істегенде ақпаратты көбірек алып, ой -өрісі бір-бірімен көбірек қарым-қатынас жасағанда ғана жақсы дамиды деген тұжырымды ұстандым. Ынтымақтастық оқу сабақта пайдалана алатын әдіс қана емес, жеке философия болып табылады деген тұжырымды ұстанып, Авроом Маслоу дәлелдегендей ынтымақтастық атмосферасын орнату мақсатымен әр бір сабағымды оқушылардың көңіл-күйін реттеуден бастауды жоспарладым. Мерсер, (2005) құрдастар тобындағы өзара қарым-қатынас маңызды рөл атқаратынын айтып кеткендей, жұпта немесе топта жұмыс істегенде олар тығыз қарым-қатынаста болады,- деп диалогтік оқытуды басты модуль етіп алдым. Мерсер , Литлон (2007) Диалогтық оқыту баланың қабілеті мен талантын ашуға көмектеседі деген. Сондықтан да, өзімнің 6- сыныпқа құрған орта мерзімді жоспарымдағы тізбектелген төрт сабағымда оқушылардың қызығушылығын арттыруға арналған тапсырмаларды негізінен сұрақ- жауап әдісіне құрдым. Александер (2008) диалогтік оқыту оқушыларды ынталандырып, тілін дамытады деп айтқандай, әр сабақта берілген мәтін бойынша әр-түрлі деңгейлік тапсырмаларды орындауда диалогтік оқуға көбірек мән бердім. Топтық жұмыс кезінде оқушылар арасындағы қарым-қатынасын, жауапкершілікті сезініп ұжыммен жұмыс жасауын, сабақ барысында берілген тапсырмаларды орындауға ұмтылуын, бір-біріне бағыт беріп, көмек қолын созуға тәрбиелеу керектігін мақсат еттім. Флейвелл(1976) метатанудың өлшеудің 3 құрылымын пайдалана отырып, көрсетілген суреттер арқылы оқушылардың ойлауын дамытуға тапсырмалар дайындадым. Берілген тапсырмалармен өз бетінше жұмыс істеу Шанк пен Циммерман (1994) өз оқуын бақылауға алып,қалай оқу керектігін үйретеді. Выготский (1978) оқушылар өз бетімен тапсырмаларды орындай алмаған кезде «Жақын арадағы даму аймағы» орын алады.Мұғалім осы кезеңде тек бағыттаушы рөлін атқару керек. Яғни,Жером Брунердің « көпіршелер» тұрғызуы оқушылардың берілген тапсырмаларды орындап, нәтижеге қол жеткізуіне әрқашанда жетекші рөлін атқаруым керектігін түсіндім. Өз тәжірибемде Джин Раддоктың « Оқушы үні» жобасын жақтай отырып, Дейл Карнеги айтқандай, оқытуда өзіме ұнайтын әдіс-тәсілдерді емес, балаларға ұнайтын әдіс-тәсілдерді қолдану керек деп ойлаймын. Нәтижеге қол жеткізу үшін, оқушылардың бойында Чиксентмихан ( 2008) «өзіндік мақсат» және Райан мен Деки (2009) «ішкі уәж» болуына жағдай жасау керек.Енді, оқушылар осы диалогқа оқыту барысында тілді меңгере ала ма деген сұрақты өзіме қоя отырып, оқушының тілді меңгеруіне, диалогқа түсе отырып сыни тұрғыдан ойлана жауап беруіне бағышталған тапсырмалар жиынтығын жасауды бірінші орынға қойдым. Тіл-тәжірибені ұжымдық қабылдаудың негізгі құралы деген тұжырымды ұстандым.1934 жылы Л.Выготский «Ой мен тіл» атты еңбегінде оқу үшін әңгімелесудің маңызды екенін айтқан. Жоспарымда (Пажарес1992) мұғалімнің жылдар бойы қалыптасқан ұстанымын өзгертіп, оқушылардың сыни тұрғысынан ойлау қабілеттерін дамыту үшін жаңашыл идеяларға көңіл бөлу керектігіне баса назар аудардым. Тіл адамның сөйлеу құралы дегендей,орыс тілін жақсы меңгерген оқушы оқыту және оқу үдерісіндегі өзгерістерге ере алады. Жоспар бойынша «По щучьему велению» ертегісін тілді дамыту мақсатымен сабағымда үш тілділік саясатты қолдана отырып,оқушыларымды үш тілде қарсы алып, сабаққа қызығушылығын арттыру үшін ойынмен бастауды жөн көрдім. Александердің ( 2001)( 2008) диалогтік оқыту теориясына қарай отырып , бүгінгі сыныпта алған білімін ертеңгі өмірінде қолдана алуына ерекше мән беруді дұрыс деп есептедім. Бағдарламада айтылғандай,оқыту үдерісінің негізі-топтық жүйеде оқыту.Нәтижеге қол жеткізу үшін, сынып ішінде ынтымақтастық атмосфера құру мақсатымен оқушылардың көңіл-күйлерін реттеу барысында «Подари другу доброе пожелание» ойынын жоспарладым. Бұл кезеңде оқушылар орыс тілінде бір-біріне тілек айтады, диалогке түсіп, тығыз қарым-қатынас орнайды. Мерсер оқушылар түрлі тапсырмалар орындау кезінде жекелей, жұптасып, топтасып жұмыс жасайды, бұл жұмыстар сұрақ –жауап, диалог арқылы жүзеге асады да , тілдік қарым-қатынас дамиды деген тұжырыммен сыныпта жекелей, жұптық және топқа бөлу арқылы топтық жұмыстарды жоспарладым.Топқа бірігуде суреттер арқылы оқушыларды « Емеля», « Марья –царевна» тобына біріктіруді ойладым. Бұндай әдіс оқушылардың ойлау қабілетін дамытады деп ойлаймын.Үй тапсырмасын пысықтауда «Доп» әдісін қолдануда оқушылардан қойылған сұрақтарға жылдам, дұрыс жауап беруді талап ету керек деп ойлаймын. Жаңа сабақты меңгеруде тақырыпқа сай суреттерді көрсете отырып түсіндіруде оқушылар тақтаға ілінген суреттерді ретімен қойып отырады да, олардың қызығушылығы артады деп есептеймін. Жаңа сабақты меңгеруде «1 минут» әдісін критерии қоя отырып қолдануды жөн көрдім,әрбір оқушы осы 1минут ішінде дұрыс, мәнермен, жылдам оқуға дағдыланады .Тілді үйрету мақсатымен сөздікпен жұмысты әр сабағымда «Батпақ» әдісін қолдануды дұрыс деп жоспарладым.Бұл кезеңде оқушылар ойнай отырып, сөздерді есте сақтайды. Жаңа сабақты қорытындылауда постер сызуды жоспарладым.Бұл әдіс оқушының қызығушылығын оятып қана қоймай,сыни тұрғыдан ойлануын дамытады.Ал, әр сабақтың соңында кері байланыс алу үшін «1минут» әдісін алуды көздедім. Оқушы 1минут ішінде үзіліс жасамай жаңа тақырып жайлы айтып шығуы керек. Бұл әдіс оқушының сыни тұрғыдан ойлана отырып, қорытынды жасауы үшін маңызды деп ойлаймын. Бұл «По щучьему велению» сабағына құрған жоспарым нәтижелі болатынына сенемін.

A2 Бір оқу коучинг сабағының жоспары

Бекітемін

Мектеп директоры О. Сопибекова

Коучингтің жоспары

A2 Коучинг-сабақ арқылы әріптестердің тәжірибесіне

өзгеріс енгізу туралы рефлексиялық есеп

Коучинг-сабақ арқылы әріптестердің тәжірибесіне өзгеріс енгізуді неден бастасам болады деп ұзақ ойландым. Бағдарламаның қай модулінен бастасам деп ойлана келе «Диалогтық оқытуды» алуға бел будым. Мерсер мен Лилтон айтып өткендей диалог сабақта қатысушылардың қызығушылығын арттырумен қатар, олардың білім деңгейінің өсуіне үлес қосады деген. Коучниг мұғалімдердің үздіксіз өз тәжірбиелерін жақсартуына, оқушылардың жетістікке қол жеткізуі үшін ұжымның бірлескен оқу ортасын қалыптастыру және нәтижеге қол жеткізуді қамтамасыз етуді жоспарлайды деп ойлаймын. Джон Уитмордың пайымдауы бойынша «Коучинг»-басқа адамға қандай да бір қиын жағдайда оның шешілуіне жол көресететін, көмек ұсынатын құрал болып табылады. Коучтің міндеті – коучниг үдерісіне тартылатын адамға жауапкершіліктің және сананың жоғарғы деңгейіне жетуге көмектесіп, сол адамның ішкі даналығына сүйене отырып, сенімді қарым-қатынасты құру және дамыту. Коучингтің мағынасы нұсқаушы мағынасында қолданылады, сондықтан, мектептегі мұғалімдердің жеке құндылықтары мен білімін дамытуға , білім сапасын арттыруға әсер ететін , оқыту мен оқу тәжірибесіне жаңа технологияларды енгізіп,өзгеруіне көмек көрсету бірден-бір міндетім деп білемін. Коучинг үдерісінде әріптестермен өзара белсенді ынтымақтастық, іс –тәжірбиеде үйымдасу, пікір алмасу жоғары деңгейге дамиды. 1934 жылы Л.Выготский «Ой мен тіл» атты еңбегінде оқу үшін әңгімелесудің маңызды екенін айтқан. Сабақтың тақырыбын « Оқу үдерісіндегі диалогтың маңызы» деп, мақсатыма диалогтік оқытудың маңызын ашуда көрсетілген мультфильм арқылы «Миға шабуыл» әдісін қолдана отырып, ойды, тілді дамытып, диалог құру әдістерімен таныстыру жайлы түсінік беруді және осы модульді өз тәжірибесінде қолдануды үйрету деп алдым. Диалогтік оқыту тығыз қарым-қатынасты қамтып, білім алу жолында маңызды деп ойлаймын. Қазіргі заман талабына сай мұғалімнің негізгі мақсаты –сабақ сапасын көтеру, сабақ түрін жетілдіру, ақпарат және технологиялық құралдарды пайдалану.

«Жақсы сөз –жарым ырыс» дегендей, сабаққа жақсы көңіл-күймен кірісуі үшін «Подари другу доброе пожелание» әдісін қолдануды жоспарладым. Бұл кезеңде мұғалімдер де бір-біріне жақсы тілектерін айтады.Ынтымақтастық атмосфера орнату мақсатымен коучинг –сабақтың ұйымдастыру кезеңінде «Құрастыру» әдісімен екі топқа біріктіруді жоспарладым. Осы іс-әрекет барысында қатысушылардың диалогқа түсуі көрінеді.Жаңа тақырыпты ашу мақсатымен «Қошқар мен теке» мультфильмін көрсетуді жоспарладым. Қатысушыларға мультфильмдегі оқиға қалай өрбитіні жөнінде сұрақтар қойып, сұрақтарға жауап беруде қандай іс-әрекет орнайтынын сұраймын.Міне, осыдан жаңа сабақтың тақырыбы «Диологтық оқыту»келіп шығады. «Диологтық оқыту» модулін слайдтар арқылы түсіндіруді және тақырып аясында сұрақтар қоя отырып пысықтауды көздедім. Қатысушылар диалог және диалогтік оқыту дегенді қалай түсінеміз деген сұрақтарға жауап бере отырып, түсінігін қорытындылайды. Диалогтік оқытудың оқушыларға не берері жөнінде ортаға салып, мұғалімдердің ойларын тыңдап, сабақ барысында әр- түрлі әдіс-тәсілдер арқылы осы модулді қамту керектігін баса айту керектігін жоспарладым. Диалогтік оқытудың мұғалім үшін маңызы не деген сұрақты қоя отырып, мүғалімдердің сыни тұрғыдан ойлана , бұл сұраққа өздері жауап табуын қамтамасыз етемін.Тақырыпты қорытындылау мақсатымен «Дракон» мультфильмін корсетуде ,топ ішінде талқылау, мультфильм желісі бойынша екі топ мүшелері сұрақтар құру, дайындалған сұрақтарға жауап беру,әр топ оқиғаны ретімен баяндау түріндегі тапсырмалар жиынтығын алдым. Бірнеше деңгейлік тапсырмаларды орындауда қатысушылар тығыз қарым-қатынаста болып, диалогқа түседі.Тапсырманы орындауда топтық жұмыстың уақытты ұтымды жоспарлауға, идеяларды топ болып талқылауға ,топ мүшелеріне тапсырманы шешуде ортақ бір шешімге келуі жөнінде қатысушылардың пікірін сұрау да қандай диалог орнайтыны жөнінде пысықтауды жоспарладым. Әр сабақтың соңында кері байланыс алуды жоспарлап отырмын. «Аяқталмаған сөйлемдер»әдісін қолдануда қатысушылар коучинг –сабақ барысындағы іс-әрекеттері жөнінде баяндап сөйлемдерді аяқтау арқылы кері байланыс береді деп жоспарладым. Осындай іс-әрекеттерді қолдануда қатысушылар диалогтық оқыту туралы толық түсінік алып, өздерінің іс-тәжірибесіне қолданады деп ойлаймын.

A3 Тәлімгерлік жоспар

№43 Әл-Фараби негізгі орта мектебі тәлімгерінің жоспары

A3 Әріптестердің бірімен тәлімгерлік үдерісі жүзеге

асырылғаны туралы рефлексиялық есеп

Тәлімгерлік ұзақ уақытқа созылатын жеке тұлғаға бағытталған қарым-қатынас құру үдерісі болғандықтан бұл үдеріске анық жоспар керек. Тәліптің педагог ретінде қалыптасуы мақсатында білімін, ойлауын, тәжірибелік іс-амалдарын тиімді жетілдіруін қамтамасыз етеді.Тәлімгерліктегі басты ұстаным қызмет емес,қарым-қатынас болып табылады.Тәлімгер тәліптің мүмкіндіктері мен проблемаларымен таныса отырып,шынайы мақсат қоюға және оған жету жолдарын жоспарлауға көмектеседі .Тәлімгерлік үдерісіндегі тәліптің тәжірибесін дамыту үшін қандай өзгерісті қалай енгізу туралы ойлана келе, мектепке іс-тәжірибе өткізу жұмысымды мектеп әкімшілігімен кездесуден бастауды ұйғардым. Кездесуде алға қойған мақсатым; бағдарламаның мақсатымен және іс-тәжірибеммен таныстыру және тәлім алушыны бекітуге үсыныс жасау болады. Кездесуде тәлімгерлік негізгі жеті ұстанымға негізделетінін,атап айтқанда тәлімгерлік мұғалімдердің дамуы мен жетілуіне көмек берудің тиімді тәсілі болатынын айта келе, оқыту мен оқудың сапасының артуына септігін тигізетінін түсіндіруді жоспарладым.Өзіме тәлім алушы мектептегі жас маман тарих пәні мұғалімі Билял Диярмен сөйлесе отырып, оның тәлім алуға құлшынысы барлығын есепке алып,таңдауыммен таныстыруды жөн деп есептеймін. Сұхбат барысында тәлім алушының өзін ешкім алаңдата алмайтын тыныш жайда болуын қамтамасыз ете отырып,сабағына қатысатынымды , дәстүрлі сабағын бақылап,іс-тәжірибесімен танысқым келетінін ескертемін. Сұхбат барысында сұхбатымызды жазып алатынымды ескертемін. Себебі, жазба біздің жұмысымыздың нәтижеге жетуімізді бақылап отыруға септігін тигізетінін түсіндіремін.Тәлім алушымен сұхбат барысында оның өзгеруге қажеттілігін анықтауым керектігін ескертемін.Тәлімгер ретінде оған қолдау көрсетіп,қажетті түйінді қасиеттерді: сенімділік, ортақтастық ,шынайылық, адалдық танытатыным жөнінде айтып өтемін. Жоспарлаған іс-әрекетіміз нәтижелі болу үшін аянбай еңбек етіп, бір-бірімізді қолдау керектігін түсіндіремін. Еңбегіміз нәтижелі болу үшін барлық қажетті ресурстарды ескеру керектігін түсіндіру керек. Сұхбаттан кейін тәліптің немен, қанша уақыт айналысатынын бақылауда ұстауды , әрдайым көмек беруге дайын болуымды өзіме міндеттедім.Тәлім алушының бірінші сабағына кіріп,дәстүрлі сабағын бақылап,оның сабағын талдау мақсатымен кері және бастапқы байланыс беруді жоспарыма енгізуді де жоспарыма алдым. Жоспарлаған өзімнің бірінші сабағыма тәлім алушыны ендіруді міндетті деп есептеймін. Кейінгі мәселе тәлім алушымен бірлесе отырып, жаңа сабағына оқыту мен оқудағы блум таксономиясы негізінде орта мерзімді , қысқа мерзімді жоспармен, модул қамтылған сабақ өткізуін бақылауды есепке аламын.Оқыту мен оқудағы болмашы қадамдар мен өзгерістер сыныптағы жағдайды айтарлвқтай өзгерте алатынын ескертемін. Жоспарлаған өзімнің екінші сабағымнан кейін тәлім алушымен өзара сұхбат жүргізуде оның екінші сабағына қандай өзгеріс енгізуді жоспарлап жүргенімен танысып, екінші сабағына оқыту мен оқудағы жеті модулді қамтуда жәрдем беремін. Оқыту мен оқудағы жекелеген тәсілдер мен әдістер жағымды өзгерістерге алып келетіні жөнінде сұхбат барысында айтып өтемін. Осындай отырыс барысында қандай жетістікке қол жеткізгенімізді бағалау үшін жазбаға қарай отырып, жұмысымызды жоспарлаймыз. Бірінші Коучинг-сабағыма тәлім алушының қатысуы жөнінде түсіндіру жүмыстарын жүргіземін. Бірінші Коучинг-сабақтан кейін тәлім алушының қандай ойда екенін анкеталық сұрақтар арқылы анықтаймын. Коучинг-сабақтан кейін тәліптің сабақтан аоған тәжірибесін өз тәжірибесінде қолданудағы мүмкіндігіне көңіл аударуды мақсат ету де менің міндетім деп есептеймін. Жоспарланған үшінші сабағымнан кейін тәлім алушының сабағына АКТ-ны қолдану жоспарын түзуде бағыт беруді жоспарладым . Өзімнің жоспарлаған үшінші сабағымнан кейін тәлім алушымен өзара сұхбат жүргізуде оның үшінші сабағынан оқушылардың қызығушылығын арттыратын тапсырмалар деңгейіне мән беру керектігін түсіндіремін.Тәлім алушының әр Коучинг-сабаққа қатысып, білімі мен дағдыларын шыңдауын қадағалаймын.Тәлім алушының әр Коучинг-сабақтан қандай ой түйгенін анкеталық сұрақтар арқылы анықтап отыруды жоспарладым.Тәлімгер ретінде күнде алған дағдыларын бейімдеуде қолдау көрсетіп,оның табысқа қол жетуіне қамтамасыз етуді жоспарыма енгіздім.

Тәліптің сабағын зерттеу барысында қандай білім алынды,одан әрі оқыту үшін қандай мақсат тұжырымдалды деген сұрақты үнемі қойып отыру мақсатқа жетуге көмектеседі.

A4 Педагогикалық қоғамдастықтың жұмыс жоспары

Қоғамдастық тақырыбы: «Оқыту мен оқу тәжірибесінде жаңартылған білім беру мазмұнынасәйкес оқушылардың

білім сапасын көтеруде көшбасшылықты дамыту»

Мақсаты:Бірлесіп жұмыс жасау,өзара тәжірибе алмасу, мұғалімдердің кәсіби біліктілігін арттыру арқылы оқушылардың білім сапасын көтеруге ықпал ету.

A4 Мектептің педагогикалық қоғамдастығы жұмысын

жоспарлау үдерісі туралы рефлексиялық есеп

Іс-тәжірибемді бастамас бұрын мектеп әкімшілігі мен мұғалімдерге Бағдарламаның маңызы мен оқыту мен оқудағы әдіс-тәсілдер мен жеті модуль туралы айтып, алдыма қойған жоспарыммен әріптестерімді таныстыруды көздедім. Кездесуде «Педагогикалық қоғамдастықтағы мұғалім көшбасшылығы» бағдарламасын игергенім жөнінде, мектеп деңгейінде өзгеріс енгізу жұмыстарын алып баратыным жөнінде айтып өтемін. Мұғалімнің көшбасшылығы жеке дамуы үшін ғана бағытталмағандығын айта отырып, негізгі міндеті әріптестеріне жаңа идеяларды сынақтан өткізуге және өздерін ынталандыруды көздейтіні жөнінде түсіндіру керек. Көшбасшылықтың ұстанымы ынтымақтастық, себебі ұжым болып жұмыс істеп, нәтижеге жетуді көздейді. Мұғалімдердің ынтымақтастығы мектепті жетілдіру мен өзгертудің ең қажетті серігі. Жоспар құруда «Нені өзгертуім керек?», «Өзгеріс енгізуде мен не істеймін?» деген сұрақтардың жауабын ұжым мүшелерімен «Дөңгелек үстел» немесе «Әңгіме –дебат» өткізіп, қатысушылардың пікірінен, таратқан сауалнама жауаптарынан білетін боламын. 6-сынып оқушыларының ата-аналарымен кездесу ұйымдастырып, зерттеу сабақтары жөнінде түсіндіру жұмыстарын жүргізуді қажет деп есептеймін. Ата-аналардан сауалнама зерттеу сабақтарының басында, кейін соңында алуды жоспарлап отырмын. Сонда да, өзімді толғантып жүрген мәселе оқушылардың тіл байлығының аздығы, мәтінді оқып, түсінік айтуда кедергіге ұшырауы болады. Қорытындысында, оқыту мен оқудағы жаңа әдіс-тәсілдерді оқушыларға орыс тілін үйренуде қолдансам, олар тілді меңгере отырып, түсінік айтуды дамыта ала ма деген сұрақ туындады. Бұдан келіп, орыс тілінде диалогқа түсу, сынып ішінде тығыз қарым-қатынас, ынтымақтастық орнату келіп шығады. Мектептің жұмыстарына мектеп әкімшілігімен біріге отырып, талдау жасау керектігі айқын. Жоспарымда қойған мақсатым: оқыту мен оқудағы жаңа әдіс-тәсілдердің тиімділігін, нәтижеге жетелейтін жеті модуль стратегияларын сабақта қолданудың маңыздылығын түсіндіру, өзін-өзі реттеу үдерісі туралы, оқыту мен оқудағы жаңа әдіс-тәсілдерді тиімді қолданып, нәтижеге жетудің жолдарын қарастыру, мұғалімдердің кәсіби дамуына бағыт беру және қолдау көрсету. Оқыту мен оқудағы жаңа тәсілдерді қолдануда оқушылардың сыни тұрғыдан ойлауын дамыту, топтық жұмыста жан-жақты қабілеттерін қалыптастыруда мектеп деңгейінде өзгеріс енгізуге негіз бола алады. Ең алдымен Фулланның пікірін қоштай отырып өзгеріс енгізуге қызығушылық танытқан мұғалімдерден шығармашылық топ құруды жоспарладым. Бұл топтағы мұғалімдерге Кембридж университеті жасаған оқыту мен оқудағы жеті модуль мен әдіс- тәсілдерді коучинг- сабақтарда түсіндіруді жоспарыма енгізбекшімін және жас мамандардың оқыту мен оқудағы жаңа әдіс-тәсілдерді сабақтарына енгізуде сабақты зерттеу барысында бақылаушы рөлінде 3-деңгей оқып келген мұғалімдерді тартпақ ойым бар. Зерттеу сабақтарын тәліптің сабағына жасауды дұрыс деп жоспарлап отырмын. Коучинг- сабақтарын жоспарлауда мұғалімдердің кәсіби біліктілігін арттыру үшін Б.Джойс және Б.Шоуэрстің зерттеулерінде жасаған тұжырымдарына сүйене отырып, мұғалімнің тиімді оқуына мүмкіндік жасайтын 5 факторына баса мән бердім. Бірінші теориялық таныстырылым, екінші осы модулдің үлгісін үсыну, үшінші үлгі түрінде берілген тәжірибе немесе сабақтар, төртінші ашық кері байланыс, соңғысы коучинг болмақ. тапсырмаларды Коучинг барысында мұғалімдер қолданып жүрген оқыту тәжірибелерін бірге ойластырып, идеялармен алмасып, өз жұмыстарының жекелеген салаларын жетілдіріп, жоғары деңгейге көтеру және іске асыру жөнінде шешім қабылдау мақсатымен кәсіби білімін, дағдыларын жетілдіреді. Коуч-мұғалім ретінде өз мектебімде әріптестеріме бір ай ішінде алған білімім мен дағдыларды қолдана отырып, дұрыс бағыт беруді мақсат еттім. Коучинг пен тәлімгерлік мұғалімдердің дамуына айтарлықтай үлес қосатыны мәлім. Оқыту мен оқудағы болмашы қадамдар мен өзгерістер сыныптағы жағдайды айтарлықтай өзгерте алатынын ескере отырып, мұғалімдердің өзгеруіне ықпал етемін. Осы жұмыстардың нәтижесі бұрыннан келе жатқан проблемаларды шешу және жаңа идеялармен алмасуда жатыр. Мектептің даму жоспары негізінде мектептегі оқыту мен оқу тәжірибесіне өзгерістің қажеттігін негіздеуде желілік қоғамдастық және оның қызметі, ынтымақтастық және топтағы бірлескен жұмыс, тәлімгерліктің мүмкіндіктерге жол ашатын жұмысы оқу және оқытудағы бағалау, дарынды және талантты балалармен жұмысы қамтылады. Бұларға тәлім алушы ретінде атқаратын жауапты міндеттері туралы түсінік беруді жоспарладым. Оқыту мен оқу үрдісіндегі өзгерістердің маңыздылығы туралы тәлім алушылармен пікір алысу үшін «Дөңгелек үстел»,«Әңгіме-дебат» ұйымдастырып, олардың өзгеріс не үшін керектігіне көз жеткізуін қамтамасыз етемін деп ойлаймын. Кәсіби әнгіме жүргізу барысында диалогтық оқытуды, топтық жұмыстарды, оқу үшін бағалау мен оқытуды бағалауды ұйымдастыруда оқыту мен оқуға қалай тиімді етеміз деген сұрақтар талқыланады. Топ мүшелеріне тізбектелген сабақтар топтамасының орта мерзімді жоспарымен қысқа мерзімді жоспарды құруда бағыт беріледі. Оқыту мен оқудағы жаңа тәсілдерді әрбір пән мұғалімі өз тәжірибесіне қарай құратынын түсінеді. Сөйтіп, орта мерзімді жоспарлау немесе тізбектелген сабақтар топтамасын жоспарлаудың мақсатында - сабақ барысын Блум таксиономиясымен дәйекті ұйымдастырып, оқыту тәжірибесіне жеті модулді қатыстыру, әр сабақ үшін мақсаттарын белгілеу, сыныптағы барлық оқушыларды бірлескен оқуға қамту көзделеді. Әрбір іс-шараның соңында кері байланыс алу да жоспарда. Келесі қадамым коучинг пен тәлімгерлік ұғымы жөнінде түсіндіру жұмыстарын жүргізу. Мектептің педагогикалық қоғамдастығының жоспарында жоспарлаған бірінші коучинг- сабағымды өту үшін мүғалімдерді коучинг – сабаққа қатысуға қызығушылығын ояту мақсатымен хабарландыру жасаудан бастаймын. Коучингті өтуде мектеп әкімшілігі қолдап, қадағалап отыратынына сенімдімін. Коучингке қатысушыларды таңдап алған соң, өзара келісім жасау міндеттеледі. Олардың коучингтен не алғылары келетінін, коучинг жүргізу тәсілдерінің құпиялықта болуына келіседі. Солай коучинг тақырыптары шығады. Коучинг практикасын дамыту үшін сабақтарда бейнетаспа қолданып, арнайы пән педагогикасына арналған нұсқаулықпен таныс болу, коучинг барысында тақырыпты терең талдай білу керек.Тәлім алушы есебінде мектептегі жас маман тарих пәнінің мұғалімі Белял Диярды коучинг- сабақтарға дайындалуда және оларды өтуде маған ассистент болуын өтінемін. Бұдан ЖАДА орын алып, тәліптің осы кезеңде өзін-өзі реттеуі орын алады. Коучинг-сабақтардың әріптестер үшін қажетті болуын қамтамасыз етіп, тапсырмаларды орындауда Блум таксиономиясымен оқыту мен оқудағы жеті модулдің ықпалдасуын бақылауда ұстаймын. Коучингтердің тапсырмаларын орындауда қатысушыларға бағыт беруде МАН-ды қолдануды жоспарлап отырмын. Қазіргі таңда әлемдік білім кеңістігіндегі жалпы білім берудің басылымдылық мақсаты – өзгермелі өмір жағдайына тез бейімделу қабілеті бар, өз жолын дұрыс таңдай білетін және оң шешім қабылдай алатын тұлға дайындау болып отыр. Оқыту мен оқудағы жаңа тәсілдерді қолдану оқушылардың сыни тұрғыдан ойлауын дамыту, топтық жұмыста жан-жақты қабілеттерін қалыптастыруда мектеп деңгейінде өзгеріс енгізуге негіз болады. Коучинг сабақтың соңында кері байланысқа анкеталық сұрақтар, кері байланыс алуды жоспарлап отырмын. Осы анкеталық сұрақтардан коучингке қатысушылардың сабақтан қандай түйінді идея алғандығын бағалаймын. Анкеталық сұрақтар мектептің даму жоспарындағы іс-әрекетіміз дұрыс жолға қойылғанын біліп отыруға септігін тигізеді. Бұл әдіс әріптестердің өз тәжірибесіне қажет дүниені алғанын білдіреді. Басқа мектептермен қоғамдастық жұмысын жетілдіруде біздің аймақта 2 жылдан бері қалыптасқан 8 мектеп арасындағы желілік қоғамдастық жоспарына өз жоспарымды қосуды, яғни кездесулер ұйымдастыруда мектеп аралық коучинг-сабақтарды да өткізуді ұсынамын деген ойдамын. Осыдан келіп мектептің даму жоспарындағы оқыту мен оқудың мақсаттарынан мынандай табыс критерийлері келіп шығады. Ата-аналар оқу мен тәрбиеде бірлескен жұмысқа тартылып, тығыз қарым-қатынас орнайды. Оқыту мен оқу тәжірибесі негізінде мұғалімдер оқушыларды қалай оқыту керектігін үйреніп, тиімді тәсілдерді тәжірибеде қолдана бастайды. Коучингтер арқылы мектепте мұғалімдердің кәсіби дамуына жағдай жасалына бастайды және үздіксіз білім жетілдірудің жүйесі қалыптасады және олар кері байланыс арқылы мұғалімдік тәжірибесін рефлексиялауға үйренеді. Мұғалімдер Блум таксиономиясы, оқыту мен оқудағы жеті модуль туралы терең түсінік қалыптастырады және сабақ үдерісіне енгізеді. Орта мерзімді, қысқа мерзімді жоспарларын құрады және оқушылардың білімі мен дағдыларын қалыптастырады.