Эссе " Тәрбиеші - ұлы тәрбиенің тірегі"

«Тәрбиеші –ұлы тәрбиенің тірегі»

«Тәрбие - тал бесіктен басталады» дегендей, ата бабамыздан жалғасып келе жатқан салт-дәстүр тәлім тәрбиені әке мейірімі мен ана сүтінен нәр алып өсетін болашақ ұрпақтың бойына сіңіру,олардың ұлт болып,улкен азамат болып қалыптасуында тәрбиешінің де атқаратын қызметі,берер тәрбиесі сіңіретін еңбегі орасан зор.Деседе, тәрбие беруде қоғамның да,ата-ананың да атқарар рөлі бар.Мектепке дейінгі ұйымдарда балабақша табалдырығын аттаған сәбилер мен жұмыс жасаудың басты бағыты оқу тәрбие процесін жүйелі жоспарлау,әрбір балаға жеке көңіл бөліп,олардың мінез-құлқын танып білу,жан дүниесіне жол таба білуі бұл, тәрбиешеінің шеберлігі,борышы,міндеті деп білемін.

«Балаңды өз тәрбиеңмен тәрбиелеме,өз ұлтыңның тәрбиесімен тәрбиеле,сонда ғана оның болашағы білік» дегендей, тәрбиеші бала тәрбиесінде әрдайым өз жұмысын жетілдіріп, жаңартып, шығармашылығын, шеберлігін жаңғыртып отыруы және жауапкершілікті сезінуі керек.Тәрбиенің ең маңыздысы халқын,өз Отанын сүюден басталады.Баланы өз құрбы-құрдастарымен ,отбасы мүшелерімен қарым-қатынас жасай білуін қадағалау,бағыт-бағдар беру, әрдайым еркіне жіберіп,шамадан тыс еркелігін орындай беру,оны тентек,жасқаншақ қылып жіберетіндіктен,темірдей тәртіпке бағындыру,шыдамдылыққа,табандылыққа үйрету мұның, барлығы тәрбие беруде ескерілетін жағдай. Балалардың дамуы,жүріс-тұрысы,сөйлеу мәдениеті,оң мен солын,жақсы мен жаманды ажыратуы,ой-өрісінің қалыптасуы,іс-әрекеттері баланың қаншалықты тәрбиелі екендігінен хабардар етіп тұрады.

Өз болашағымыздың жарқын болуы үшін ұрпақ тәрбиесінде өмірге деген көзқарасын және жеке тұлға ретінде қалыптастыру үшін шаршамай еңбек етіп,рухани азық беріп,жол көрсетіп,бағыт-бағдар бере отыра,ұрпақ тәрбиесіне терең мән беріп,алаңдаушылықпен қарағанымыз абзал.Біздің болашағымыз - біздің балаларымыз.Біздің балаларымыз – біздің үмітіміз!

Дилмағамбетова Ғ.Б.

Амангелді ауданы

«Қаламқас» бөбекжай

балабақшасының тәрбиешісі