Эссе .Мәдениет

Мәдениет,оның адам өміріндегі рөлі

Мәдениет адам өмірінде үлкен орын алады.Менің ойымша,еліміздің болашағы да,жастардың кемел келешегі де мәдениетке,оның қоғамдағы орнына байланысты.Мен мәдениет және мәдениеттілік жөніндегі өз түсінігімді жеткізгенді жөн көрдім.

«Мәдениет деген- кісілер арасындағы адам болу» өнері деген екен О.Сүлейменов.Иә,мәдениеттілік надандықты адамдықтан ажыратуға әсерін тигізеді.Өз ортаңда да,өз қоғамыңда да,өз еліңде де мәдениеттілігіңмен көзге түсе білу-үлкен өнер.

Тәрбие...Мәдениет тәрбиеден,тағлым -өсиеттен бойға тарайды.Анамыздың құшағында,әкеміздің бауырында,ата-әже ақылымен мәдениетті бойымызға да,ойымызға да сіңіре білу керек.Біз,қазақ елі,ертеден бастау алған терең тарихымыздан білгенбіз мәдениет не екенін.

Алайда,баршамыз байқамыз қазір мәдени әрекеттері,мәдениеті барлар саусақпен санарлық жастар арасында «мәдениет»сөзі ойыншық секілді.Мәдениеттің айналасын қоршаған ортасы,өмірі екенін білмейді олар.Оларда мәдени сана қалыптаспаған.Техника дамыған сайын салт-дәстүр жайынан әңгіме шертуіме себеп «салт-дәстүр тіл мен мәдениет бастауларының анасы»дейді И.ГГердер.Салтымыз ұмыт болған сайын,тіл өнері,мәдениет саласы да жоғала береді екен.

Халқымыз ежелден егеменді ел болуымызды аңсаған екен.Менің ойымша,арманына қолжеткізген сәтте мәдениетті қолдан шығарудамыз.Дәлелім,әлеуметтік желілерде мәдениетсіздік басым.»Үлкенге құрмет,кішіге ізет» ұстанымы жерде қалды,көшеде көпшілік орындарда,қарттарды сыйлаған кісіге еш көзім түспепті.Сөздері,сөздік қорлары мәдениетсіз.Олардың санасы солай жетілуде!Әрбір адам алдымен саналы ұрпақ,мәдениетті жастар мен нағыз адамдар тәрбиелеуіміз керек!Себебі,біздің мәдениетсіз болашағымыз күңгірт.Мәдениетімізді сақтай отырып,ұлтты қ бірлігімізді де нығайтамыз!Адами болмысымызды қалыптастырамыз!

Осылайша,біздің әрбір әрекетіміз мәдениет екеніне көз жеткіздік деп ойлаймын.Мәдениет еліміздің ұйытқысы,көңіліміздің жұбанышы екенін ұмытпайық!