Маған үлгі болатын адам

Адам баласы адам болып туылған соң, адами құндылықтарды бойына сіңіру мақсатында өзі сүйіп оқитын ақын немесе жазушыны, ұлағатты ұстазын өзіне үлгі тұтатындығы анық. Мен де сол көштен қалмай, өзіме өз ауылымның мектебінде талай жыл ұстаз болған Зұлхарнаев Амантай ағайымды өзіме ұстаз тұттым.

Олай дейтінім, біріншіден, адамның адами болмысын қалыптастыру барысында математикалық шеберлігін қалыптастыра білген ағайымның басшы бола тұрып, шәкіртіне қамқорлығынан нәр аламын. «Ондай болмақ қайда деп, Айтпа ғылым сүйсеңіз» деген Абайдың сөзіне орай ұстазымнан көргенімді, берген тәлімін есіме аламын.

Екіншіден, табиғат берген дарынымды ғылым, білімді ашу үшін қолдануға тырысамын. Менің физика мен математиканы ұнататындығымды, логикалық есептерді шешуді өте жақсы көретіндігімді ұстазымның талапшылдығы мен көрегендігінен, менің бойыма сенімділік пен ұшқырлық дәнін егуде жатқандығымен байланыстырамын.

Үшіншіден, қазіргі таңда зейнет жасында болса да, балалармен жұмыс істеуден жалықпаған ағайым, қоғамдық қызметте де белсенділігін арттырып, «Ауылдық ардагерлер кеңесінің төрағасы» болып істеп, кешегі шәкірттеріне бүгінгі күні аталық жол сілтеуде. Ауылымыздың көркеюіне қосқан үлесі зор.

Менің үлгі тұтар ағайым тек менің ғана емес, менің ата-анама да ұстаздық еткендігі – ол кісіге деген құрметімді арттыра түседі. Алдындағы шәкіртіне барын беріп, өзінің соңынан өшпестей із қалдырды.

Ойымды қорытындылай келе, маған үлгі болатын адам өзінің көрегендігімен, халқына деген сүйіспеншілігімен, ұлт болашағын тәрбиелеуде еткен еңбегі орасан зор адамды өзіме үлгі ете аламын. Ол - менің өмірдегі де, мектептегі де ұстазым Амантай ағай!

Тұрсынбай Диас 10^ә сынып

Жетекшісі: Оңалбекқызы Ләйлә

С.Сейфуллин атындағы жалпы орта мектебі

Ұялы байланыс телефоны: 87713255181

Мекен-жайы: Түркістан облысы,

Созақ ауданы, Жуантөбе ауылы,