Эссе "Менің Тәуелсіз Отаным" Ульянова Яна Ұстазы Дауренбекова Қ.Р.

Менің Тәуелсіз Отаным

Ұстазым Тәуелсіз Қазақстан туралы эссе жазуды ұсынғанда, құлағыма домбыраның үні, көз алдыма көк аспан аясында жатқан шексіз жазық дала, шөлейт жерлер, биік таулар, қалың ормандар, сарқыраған өзендер, осы жерде мекендейтін жануарлар мен құстар әлемі, заманауи қалалар мен кішігірім ауылдар келді. Солтүстікте қар жатса, оңтүстігінде жемісті ағаштары гүлдейтін тамаша табиғаты қандай! Жер астында жатқан газ, мұнай, алтын көмір тағы басқа байлықтарымыз ше? Бұл – көп ұлтты, қонақжай, тату халқы бар менің тәуелсіз Қазақстаным. Тәуелсіз деген не? Менің түсінігімше, ол ең басты байлығымыз - адамдарға деген қамқорлық, адамдардың бақытты өмір сүруі үшін жағдай жасау.

Тәуелсіздік - Қазақстанда ұзақ уақыт болған сияқты. Себебі мен Тәуелсіз Қазақстанда тудым. Осында ата - анаммен, туыстарыммен тұрып жатырмын. Біз Тәуелсіз Қазақстанда туып -өссек те, тәуелсіздіктің қалай келгенін, қазақ халқының қаншама қиындық көргенін бағалаймыз. Өйткені, өткенсіз болашақты бағалау және жоспарлау қиын. Қазақстан - менің Отаным, менің атамекенім. Адамның туып - өскен жері әрқашан оның жүрегінде болады. Әр адамның аты, тегі болғаны сияқты, менің Отанымның тегі, аты ол Бейбітшілік пен Туы, Елтаңбасы, Әнұраны. Көк аспан аясындағы алтын күн бейбітшілік пен байлықты білдірсе, ал қалықтаған қыран жомарттықты, қырағылықты ұшқыр ойды білдіреді. Ал тудағы көк түс ашық аспан мен молшылықты білдіреді. Меніңше, біз қай тілде сөйлесек те, ұлтымыз басқа болса да бәрімізді біріктіретін - туған жерімізге деген сүйіспеншілігіміз, алғысымыз.

Келесі жылы Қазақстан Тәуелсіздігіне отыз жыл толады. Мемлекетіміз үлкен қадаммен жылдан -жылға дамып келеді. Қазір біз бала болсақ та, болашақта кім болатынымызды ойлап, елімізге қандай пайда әкелемін деп, алдымызға мақсаттар қойып армандаймыз. Біз болашағымызға сенімдіміз. Өйткені біздің Президентіміз біздің бақытты өмір сүруіміз үшін бар жағдайды жасайды. Менің Қазақстаным - ең қымбат, сүйікті елім. Бұл - менің Отаным. Мен осындай Тәуелсіз мемлекетте дүниеге келіп, өмір сүріп жатқаныма қуанамын. Бақыттымын.

Ульянова Яна

Денисов ауданы әкімдігінің білім бөлімінің

«Фрунзе орта мектебі» КММ 7-ші сынып оқушысы

Мұғалімі Дауренбекова К.Р.