Өшпесін ұстаз есімі

Ұстаз деген кім? Жәй ғана мектепте саған әліппе үйретіп,математика мен тарих негізін беретін мұғалім бе?Әрине,жок.Ұстаз деген ұлы тұлға.Жас ұрпақты тәрбиелейтін,соларға білім нәрін беретін жан.Тек мұғалім болу және нағыз ұстаз болу екі бөлек нәрсе.

Ұстаздың оқушы алдында мәртебесі қашан да биік.Оның білімділігі,мінезі,жүріс-тұрысы,тіпті сырт келбеті де оқушыға үлкен әсер тигізеді.Өйткені ол өз шәкірттеріне үлгі.Ата-анасымен қатар ұстазда бала тәрбиесінде,дүниетанымында үлкен рөль атқарады. Ол шәкірті білімді,жан-жақты дамыған,адамгершілігі мол болып өсуіне қаншама тер төгеді.Тек сол бір: «Ұстаз» деген сөздің артында қаншама еңбек жатыр.

Ұстаз ... Қандай қасиетті сөз! Әр адамның жүрегіне ерекше жылулық
нұрын себетін аяулы тұлға бейнесімен өзектес ұғым.Ұстаз әрдайым түсіністікпен қарайтын мейірімді жан болу қажет деп ойлаймын.Өйткені ол адамның рухани жан дүниесін,оның шым-шытырығын жақсы біледі.Өйткені ол өз шәкіртінің сенімді,әрдайым дұрыс жолға бағыттайтын досы секілді.Өйткені ол бала тілін түсінеді.

Ұстаз өмір-бойы білім алады және осы білімді шәкірттеріне жеткізе біледі.Бұл да бір дарын.Аянбай еңбек етіп,алдымен шәкірттерін ойлайтын,соларға әрдайым жаны ашитын кеңпейіл,ақ көңіл жан.Түрлі-түрлі ғалымдар,дарынды тұлғалардың барлығы кезіндегі бір ұстаздарың шәкірттері.Солардың жетістіктері,биік шыңға шыққандары сол жандардың еңбектерінің жемісі.Ұстаздар үнемі оқушыларының биік шыңға шығып,өмірде өнегесі өрісті адамзат болып қалыптасу үшін күндіз-түні ізденіп,көз майын тауысып,еңбектерін аямайды.Тіпті өмірлерін шәкірттеріне арнайтын жандар десем де артық кетпес.

Ол тек қана білімді ғана емес,сонымен қатар таза,ашық-мінезді,адамгершілігі өте мол,шыншыл,инабатты мұғалім.

Ұстаз біздің өміріміздегі жол серігіміз,тірегіміз.Ол сенің бастамаларыңды қолдап,саған сенім арттатын,жылы сөзімен демеу беретін,қолынан келсе әрдайым көмектесіп жүретін періштең секілді.Өмірде неше түрлі қиындықтар кездеседі,ұстаз сол кезде қасыңнан табылып,өз тәжірбиесімен бөлісіп,жол көрсетіп жіберетін адам.Ол оқушыға тек үлгі болып қоймай,оның мотиваторыда болып келеді.

Ол әр оқушыға жеке тұлға ретінде қарайды.Себебі әр адам баласының бойында өз потенциалы бар,белгілі бір қабілеті бар.Ұстаздың жұмысы сол потенциалды сыртқа шығару.Қабілетін анықтау.Әр шәкірттің өз тілін табу.

Ұстаз-бұл қасиетті маман иесі.Ол екінің бірінің қолынан келе беретін жұмыс емес.Бұл үлкен жауапкершілік.Ұстаз болу үшін ерекше төзімділік,ізгілікті ізденіс, еңбекқорлық қажет. «Ұстаздық еткен жалықпас,үйретуден балаға»-деп Абай атамыз да айтып кеткен.Ұстаз жолы-өте қиын.Шаршаса да осы жолдан таймайтын ұстаз-мықты көшбасшы,жігерлі тұлға.Оның өз көзқарасы бар, зерттеушілік,ойшылдық, шығармашылық қабілеті бар және де ол өз шәкірттерінің бойына да осындай қасиеттерді сала біледі.Ұстаз болу-дарын!

Сондықтан әрдайым да ұстаз мәртебесі өте жоғары,өте қадірлі.Ұстаздарға еліміздің ертеңі,ұрпағымыздың ой-санасы тәуелді.

Ойымды Елбасымыздың сөздерімен қорытындылағым келеді:«ХХІ ғасырда білімді дамыта алмаған елдің тығырыққа тірелері анық.Қашан да білімді ұрпақ-болашағымыздың кепілі.Егеменді еліміздің тағдыры-жас ұрпақтың тағдыры-бүгінгі ұстаздардың қолында.»

Яғни ұстаз аты-биік әрі мәңгілік.Ұстаздық-бұл ерекше қасиет.Мәңгі бақи адамзат өмірінде мүлдем бөлек,биік орын алатын,ардықты есім.Ұстаз есімі-мәңгілік өшпес!

Дайындаған: Нургалиева Куляш Саулебаевна

Мақат ауданы,Доссор кенті

С.Шарипов атындағы мектеп-интернатының әлеуметтік педагогы.