ЭССЕ

Туған жерін сүйе алмаған , сүйе алар ма туған елін.

Туған жер – адам өмірінде үлкен мағынаға ие . Адам өз отаны туылған елінде өсіп- өнеді . Дәл осы жер адамның өткені мен бүгінін байланыстырады . Адам шыр етіп дүниеге келгеннен бастап туған жерінің ауасын жұтып , топырағына аунап , достығы мен бейбітшілігі жарасқан мемлекетте емін – еркін өсіп жетіледі . « Отан үшін отқа түс күймейсің»-деп Бауыржан Момышұлы айтпақшы , адамның балалық шағынан бастап , Отанға деген сүйіспеншілігі , махаббаты оянады . Туған жерімнің асқар таулары , өзен , көлдері , сайраған құстары мен жасыл желегі бәрі-бәрі де менің жаныма жақын . Туған жер сөзі әр адамның жүрегін елжіретпей қоймайды деп ойлаймын . Менің туып- өскен жерім – Тәуелсіз Қазақстан . Мен өз елімді мақтан тұтамын . Қазақстан достығы мен бейбітшілігі жарасқан егеменді ел ! Еліміз көптеген қиыншылықтарды басынан кешіріп , сол қиыншылықтарға төтеп бере алды . Қазірде еліміздің тәуелсіздікке қол жеткізгеніне 27 жыл толып отыр . Бірлік – түбі ырыс береке молшылық демекші , еліміз осы жылдарда ынтымақ , бірлігінің арқасында тәуелсіз Казахстан туған ел жеріміз терезесі тең шет елдермен теңесіп әлемге танылып, әрсалада көптеген жетістіктерге жетті .

Мен Қазақстанда өмір сүріп жатқан әр жанды бақытты деп сенімді түрде айта аламын . Себебі , жеріміз кең байтақ түрлі қазба байлықтарға бай , елімізде 130-дан астам ұлт өкілдері өмір сүруде . Бір шаңырақ астында көптеген ұлт өкілдері тату-тәтті бейбітшілікте тіршілік етуде . Көпұлттылық – қоғамның кемшілігі емес , артықшылығы , - деп елбасымыз Нұрсұлтан Әбішұлы Назарбаев айтқан еді . Көпұлттылықтан біз жапа шегіп отырған жоқпыз . Қайта біздегі ұлттардың арасындағы татулық дүниежүзіне үлгі болып отыр . Мұның бәрі әрине , атам заманнан бастап қазағымның өз жері секілді кеңдігінің арқасы !

Мен өз елімді , туған жерімді , қасиетті мекенімді жанымнан артық жақсы көремін . Ол – аяулы анамның , ардақты әкемнің , туған туысымның , дос – жаранымның , балаларымның туып – өскен жері . Бұл жер мен үшін өте қымбат . «Отан- отбасынан басталады », - деп дана халқым айтқандай , Отанды құрметтеу , туған жерге деген сүйіспеншілік отбасында берілген тәрбиеден бастау алады . Сондықтан да ата-ананың балаға берген тәрбиесінің ел болашағына тигізер маңызы зор .

Әр адам өз туып – өскен жерін құрметтеп , ұлттық құндылықтарын сақтай білуі тиіс . Қазақ халқы : Елдің даңқын ер шығарады , ердің даңқын ел шығарады , - деп бекер айтпаған . Еліміздің елдігін , қазақ елінің өзіне тән ұлттық құндылықтарын әлемге паш етуге бізде өз үлесімізді қосуымыз керек ! Тәуелсіз елімізге жол сілтеуші –кемеңгер елбасымыздың салихалы саясатының арқасы. Мен елімнің рухани жаңғырған мәңгілік ел болуына толығымен сенемін ! Туған жерімнің гүлденіп өсіп өнуіне өркендеуіне тілектеспін!