Эссе "Ұлы өзгерістердің бастау көзі – өзің!"

жалмендин Бекболат

Абай атындағы орта мектебі

Математика пәнінің мұғалімі

Алматы облысы

Ақсу ауданы

Көкжайдақ ауылы

Тегінде адам баласы адам баласынан ақыл, білім, ар, мінез деген қасиеттермен озады

Абай

Ұлы өзгерістердің бастау көзі – өзің!

Бүкіл әлемді өзгерте алмаймын, бірақ өзгерісті өзімнен бастауым керек. Ұстаз өз елінің болашағына жауап беретін, елдің ертеңі болып табылатын ұрпақ қолына бағдарлы болашақ кілтін ұстатан жан. «Сен ұрпағыңды көрсетсең, мен сенің еліңнің келешегін болжап беремін» - деген шығыс нақылы бар. Мен өзім осы курстан өзіме қағидат ретінде таңдаған басты ұстанымым – «Жүрек ізгіленсе, жұмыс жүреді!». Алғашқы күннен байқалған жай – әріптестерімнің әр жағдайға бейімделіп, өзгеруге талаптануы. Бастапқыда бір түрлі көрінді. Ал талдау барысында ерекше сезімдерді бастан кештім: білімді жинақтау, білгеніңді тиімді ұсыну, уақытқа жүгіну, сенімді силастықпен жұмыс жасау, өзіңнің басқа қырынан таныла бастағаның. ХХІ ғасырда барлық елдер бірінші орынға білім беру сапасын қойды. Дүниежүзілік жаһанданудан қалып қоймау мақсатында біздің мемлекетіміздің осы жүргізіліп отырған бағдарламасы болашақ ұрпаққа сапалы білім мен саналы тәрбие беруде жетістіктерге жетуіне жетелейтініне сенімдімін. Оқушының қажеттілігін мұғалім дайындап бергеннен оқушыға ақпаратты білімді өздігінен үйрену дағдысына жетелеу өте маңызды. Қазіргі оқуда өзіме алып жатқан білімім де топтағы әріптестерімнің тәжірибесі мен пікірлерінің құны да өте жоғары. Күнделікті өтіп жатқан сабақты жазып алудамын. Білім берудің сапасы тек сауаттылық деңгейімен (жазу, оқу, есептеу) өлшенбейді. Өркениетті елдердің жоғары технологиясын меңгеру дүниежүзілік білім кеңістігіне ену бүгінгі күннін мектептерінің басты мақсаты. Педагогикалық ұжымның уақыт талабына сай оқудың тиімділігін арттыра отырып, оқушылардың эмоционалдық, рухани, зияткерлік және қоғамдастық қажеттіліктерді қанағаттандыратын орта құрып, ел болашағына атқаратын қызметіне жауапкершілікпен қарайтынына сенімдімін. Осы жұмыстарды атқару арқылы бізге білдірілген сенімді ақтаймын деп ойлаймын. Бағдарлама идеясы үйрете отырып үйрену екенін түсіндім. Осы бағдарлама бойынша оқып жатқан біз бақыттымыз.