Эссе. Ұстаз-ұлылықтың, адалдықтың символы

ҰСТАЗ – ҰЛЫЛЫҚТЫҢ, АДАЛДЫҚТЫҢ СИМВОЛЫ.

Ұстаз болу – өз уақытын аямау,

өзгенің бақытын аялау. (Ж.Ж.Руссо)

Ұстаздық жол бұл -дара жол. Қызығы мен қиындығы қатар жүретін осы бір мәртебесі жоғары еңбек жолында қызмет етіп жүргенімді мақтан тұтамын. Мен осындай жолда нағыз мамандар жұмыс жасағанын қалаймын. Өз кәсібін сүйетін адам ғана өз ісінің шебері болмақ. Себебі заман талабына сай бұл мамандық қажырлы еңбек пен үздіксіз ізденісті өте қажет етеді. Алдымызда отырған әр оқушы алдымен тәрбиені отбасынан алса, одан кейінгі тәрбие беретін ортасы – мектеп, мұғалім. Осы уақытқа дейінгі еңбек жолында жүріп түйгенім: Ұстаз болу үшін жоғарғы педагогикалық оқу орнын үздік бітіру аздық етеді. Ұстаздық атты ұлы шыңға көтерілу үшін өмір бойы оқу керекпіз. Себебі ұстаз -ұлылықтың, адалдықтың символы. Өзің шын мәніндегі «үлкен оқушы» болғанда ғана кемел ұстаздыққа қол жеткізе аласың деп білемін. Өмірде талай ұстаздар болады. Ал мектептің ұстаздары–бастаудың басы болып табылады. Сондықтан да мен өзімнің әр сабағымда оқушылардың бойына Отансүйгіштік пен парасаттылықты, ізгілік пен адамгершілікті қалыптастыруда аса мән беремін.ХХI ғасыр ұстазы- көзі ашық, көкірегі ояу, қас қағым сәтте болып жатқан өзгерістерге дайын, заманауи , оқушының жүрегін жаулай алатын тұлға болуы керек. Сол кезде ғана ұстаз оқушының алдында ғана емес, қоғам алдындағы мәртебесі биік ұстаздықтың этолонын қалыптастыра алады.Алдыңнан түлеп ұшқан шәкіртің шыңға шықса сол нағыз адал еңбектің бағаланғаны болып табылады. Әрине, ол үшін талмай, қажымай еңбек ету керек. Меніңше, өз мамандығын ерекше сүйіп, мамандық таңдауда қателеспеген адам ізденуден, дамудан шаршамайды. Сонда ғана біз заңғар заманның бәсекеге қабілетті тұлғасын дайындап шығамыз. Алдымыздағы әрбір бала қайталанбас бір ғажайып әлем десек, сол зерттелмеген таза құпияға терең үңіліп, баланың басқаға ұқсамайтын ерекше қасиеттерін тану, оның жүрегіне, жандүниесіне жол таба білу – біздердің, ұстаздардың бұлжытпас борышымыз.

Сөз соңында айтқым келетіні – оқушылар үлкен өмір жолында қандай мамандық таңдаса да, нағыз адам болып шыққаны әрбір ұстаз үшін маңызды. Мен осы жoлға титтей де бoлсa үлес қoсып жүргенімді мaқтаныш сaнаймын. Табиғат берген қaбілетімен жұмыс істеген aдам бaқытты. Себебі oл өзі бaқытты бoлсa, aйналaсындағы aдaмзaт та бaқытты.