Етістік. 3-класс

№4 жалпы білім беретін орта мектебінің

бастауыш сынып мұғалімі:

Камышева Сағираш Жангалиевна

Класы: 3

Пәні: қазақ тілі

Сабақтың тақырыбы: Етістік

Сабақтың мақсаты:

1.Етістік туралы түсініктерін қалыптастыру, етістікті басқа сөз таптарынан айыра білуге машықтандыру. Өз бетімен жұмыс дағдысын жетілдіре түсу.

2.Адамгершілікке баулу.

3.Шығармашылық қабілетін дамыту.

Сабақтың типі: жаңа материалды меңгерту.

Сабақтың түрі: шығармашылық – ізденіс сабағы.

Сабақтың құрал-жабдықтары: Интерактивті тақта.

Сабақтың әдіс-тәсілдері: ақпараттық технология, түсіндіру, өз бетімен, шығармашылық, оқулықпен жұмыс.

Сабақтың жоспары:

I.Психологиялық қалыпқа келтіру.

II.Жаңаны оқы, танып біл! – жаңа материалмен жұмыс.

III.Өзіңді-өзің жетілдір! – жаңа материалды игерту жұмыстары.

IV.Талпыныс! – шығармашылық-ізденіске жетелейтін тапсырмалар.

V.Өзіңді-өзің тексер! – жаңа материалды қорытындылау

VI.Бағалау.

VII.Үйге тапсырма

Сабақтың өткізілу барысы:

1)Психологиялық қалыпқа келтіру жаттығуы.

Шөліркемей гүл тұрсын.

Жерім жайнап, құлпырсын,

Нұрын сыйлап біздерге,

Көкте мәңгі күн тұрсын.

2)Жаңаны оқы, танып біл! – жаңа материалмен жұмыс.

а)Бейнефильм арқылы бүгінгі сабақтың тақырыбын тауып алу. (Сұрақ жауап арқылы әңгіме жүргізіледі).

Мұғалім: Балалар, алдарыңыздағы бейнефильмнен не көріп отырсыңдар?

-Мынау кім? Ол не істеп жатыр? Көбелек не істеді? Ата не істеді?

-Балалар, жатты, ұшты, ұйықтай алмады, ойнады, зерікті деген сөздер нені білдіреді?

Балалар: Қимыл, іс-әрекетті.

Мұғалім: -Бүгінгі сабағымыздың тақырыбы не екенін сездіңдер ме, балалар?

Балалар: -Иә. Етістік.

Мұғалім: -Етістіктің ережесін еске түсіріп қорытындылап жіберейік.

Балалар: -Заттың қимылын, іс-әрекетін білдіретін сөз табы. не істеді? қайтты? – деген сұрақтарға жауап береді.

а)Оқулықпен жұмыс. Слайд-1

Жатқа жаз! Етістікті тауып астын сыз.

Ұнатады, мақтайды

Аппақ түстің бәрін ел,

Бізді аурудан сақтайды,

Ақ халатты дәрігер.

-Дәрігер мамандығы туралы не білеміз? – пікірлесу.

-Дәрігер сөзін тәуелдеу, сөз құрамына талдау.

3)Өзіңді-өзің жетілдір! – жаңа материалды игерту жұмыстары.

а. Оқулықпен жұмыс.

-2-жаттығу. Сен білесің бе?

-Оқу, етістікті тауып,қай сөз табымен байланысып тұрғанын айту.

-3-жаттығу. «Көп нүктенің орнына тиісті сөздерді қойып жазу».

4)Талпыныс! – шығармашылық –ізденіске жетелейтін тапсырмалар орындалады.

а) Ұйқасын тап: Слайд-2

Ақыл көпке....

Өнер көкке....

Ақыл – дос,

Ашу - ......

ә) Сурет бойынша әңгіме құрастыру.

5)Өзіңді-өзің тексер! – жаңа материалды қорытындылау.

6)Тест.

1.Етістік дегеніміз не?

А) Заттың атын білдіреді.

Ә) Заттың сынын, түр-түсін білдіреді.

Б) Заттың қимыл, іс-әрекетін білдіреді.

2.Етістікті тап:

А) Қиял, ақыл, ой.

Ә) Ойлады, жүгірді, күлді.

Б) Ауа, су, от.

3.Тәуелдеулі зат есімді тап:

А) үйім

Ә) кітапты

Б) қуаныш

4.Етістікпен тіркескен зат есімді тап.

А) кітап оқыды

Ә) қиын тапсырма

Б) сағыныш сазы

5.Туынды зат есім қайсысы:

А) ұшқыш, ақылшы.

Ә) қалам, қанат.

Б) ақын, ой

7) Бағалау

8) Үйге тапсырма: 5 – жаттығу.