«Әдебиеттік оқу» пәні бойынша 2-сынып оқушысының өзіндік жұмысының жоспары
IV тоқсан
Бөлім «Қоршаған орта»
Сабақтың нөмірі: № 2 (79- сабақ)
Сабақтың
тақырыбы:
Құрметтейік, Жер-Ананы.
Мақсаты: Шығармадағы көркемдегіш құралды (теңеуді) таба аласың
Күтілетін нәтиже:  Мәтінді түсініп оқимын
 Мәтіндегі теңеу сөздерді табамын
 Өзім де теңеу сөздерді қолданамын
Ресурстар: «Әдебиеттік оқу» 2-бөлім Атамұра 2017ж
73-74- бет BilimLand.kz
Сабақ барысы: - Жомарт жерді кімге немесе неге теңер едің? Неліктен?
(Осы сұрақтардың жауабын іштей ойлап көр)

- Жазушы Ғабит Мүсірепов жерді анаға теңеп, «Жер-Ана» деп атады.
Адамзатты асыраған Жердің анадай мейірбан , әр баласы үшін
қолындағы барын беретін жомарт екенін өз шығармаларында көрсетті.
«Құрметтейік, Жер-Ананы» деген шығармасында адам баласының анасы-
Хауа ана мен адамзаттың бесігі болған Жер-ана туралы айтады.

- Жазушы Ғабит Мүсірепов атамыз жайлы мәліметті төмендегі
сілтеме арқылы көре аласың.
{HYPERLINK "https://bilimland.kz/kk/courses/qazaq-adebieti/5-synyp/lesson/habit-
musirepov-zhanga-dostar"}

Теңеу- бір затты немесе құбылысты екінші бір затқа, құбылысқа
ұқсатып бейнелеу. Теңеу көбінесе -дай/-дей, -тай/-тей, -ша/-ше
жұрнақтары арқылы немесе секілді, сияқты, тәрізді сөздерінің көмегімен
жасалады.
Тапсырмалар: «Әдебиеттік оқу» 2- сыныпқа арналған оқулығының 73-бетіндегі Ғабит
Мүсіреповтың «Құрметтейік, Жер -Ананы» деген аңызынан үзіндіні
төмендегі сұрақтарға жауап іздей отырып оқы. Сұрақтардың жауабын
дәптеріңе жазып ал.
Сұрақтар:
1. Барлық адам баласының анасы кім?
2. Адам баласының бесігі не?
3. Жазушы Жерді кімге теңейді?
4. Ол қандай құрметке лайық?
1- тапсырма: Мәтіндегі теңеу сөздерді тауып, түсіндір.
Дескрипторы:
1. Мәтінді мұқият оқы.
2. Теңеу сөздерді тауып, неліктен соған теңегенін түсіндір.
2- тапсырма: «Боямақ» әдісі.
«Жер- Ананы құрметтеу дегенді қалай түсінесің?» деген сұрақ бойынша
ойыңды жинақтап, қорытындыла.
(қосымша №1)
Өз ойыңды жазып, суретті боя. Ол үшін түрлі -
түсті қарындаштар, қаламдар қолдануыңа болады.
Дескрипторы:
1. Жер- Ананы құрметтеу дегенді қалай түсінесің? 3
түрлі пікір айт.
2. Суреттегі жер шарын, жапырақтарды, топырақ пен
аялы алақандарды боя.

Кері байланыс: «Менің теңеуім » әдісі бойынша адам баласының ортақ бесігі – Жерді
неге теңейтініңді дәлелдеп жаз
.

Әзірлеуші: Сейсенбаева К.Н., №142 ЖББМ бастауыш сынып мұғалімі.
Алматы қаласы Білім басқармасының ҚББЖТҒӘО қолдауымен
ұсынылып отыр.