Педагогтің аты-жөні:

Амирова С.А.

Күні:

22.04.2025ж

Сыныбы:

4 Е

Сабақтың тақырыбы:

Химия-ғажайып әлеміне саяхат

Сабақтың мақсаты:

1.Химия пәнін өмірмен байланыстыра отырып, маңызына ғылыми тұрғыдан түсінік беріп, оқушылардың пәнге қызығушылығын арттыру.

2. Алған білімдерін дамыту, тұрмыста, еңбекте, өмірде қолдану.

3. Оқушыларды адамгершілікке, шеберлікке, сөз сөйлеумәнеріне, жылдамдыққа, ұқыптылыққа, тазалыққа тәрбиелеу

Сабақ кезеңі/

Уақыты

Педагогтің іс-әрекеті

Оқушының іс-әрекеті

Бағалау

Ресурстар

Сабақтың басы

Қызығушылықты ояту.

5 мин.

I. Ұйымдастыру кезеңі.

Оқушылармен амандасу. Сабаққа дайындықтарын тексеру.

Сабақтың тақырыбы және мақсаттарымен таныстыру.

Сыныптағы оқушылар топқа бөлінеді:

1 - топ: «Атом» 

2 - топ: « Молекула»

3-топ: «Элемент»

Мақсаты: Оқушылар бір-бірін тыңдау дағдыларын дамытуға бағытталады, сондай-ақ барлық оқушылардың қатыстырылуы арқылы сабаққа белсенділігі артады.

Көрнекіліктер:

Топ ережесі,

Топ атаулары,

Зертханалық құрал жабдықтар,

Интерактивті тақта.

Сабаққа кіріспе

Мұғалім оқушыларға химия жаратылыстану ғылым саласының негізгі бір бөлігі екенін түсіндіреді және мысалдар келтіреді.

II. Таныстыру:

Қызық думан өміріміз ғаламат!

Қас қаққанша жаңа қала, жаңа бақ!

Қыруар істің қайсысында болса да,

Құдіретті химия жүр аралап,

Химия – күнделікті өмірде біз көріп жүрген көптеген құбылыстарды түсінуге көмектеседі. Ол ауа, су, тамақ, дәрі, тіпті киім мен ойыншықтың жасалуына қатысы бар ғылым. Сол себепті химия – жаратылыстану ғылымының маңызды бір саласы.

Қарапайым мысалдар:

1.Су қайнағанда буға айналады – бұл химиялық емес, бірақ зат күйінің өзгерісі, ал химия осындай өзгерістердің себебін зерттейді.

2.Темірдің тот басуы – бұл химиялық өзгеріс. Темір мен ауадағы оттек бірігіп, жаңа зат – тот түзеді..

Мақсаты: Бастауыш сынып оқушыларына химия ғылымының жаратылыстану саласына жататынын ұғындыру және химияның күнделікті өмірмен тығыз байланыста екенін қарапайым мысалдар арқылы көрсету

Оқушыларға сабақтың ары қарай қалай өтетінін түсіндіру.

(YouTube видео,презентация арқылы түсіндіреді, мысал келтіреді, білім алушылармен бірге тәжірибе жүргізеді)

YouTube каналынан бейне материал

Зертханалық құрал жабдықтар:

Колба, стакан, фильтр қағаз, құм немесе топырақ, су.

Сабақтың ортасы

20мин.

 Мұғалім сабақ барысын жоспары бойынша түсіндіріп, ары қарай сабақтың жалғасу ретін түсіндіреді.

III. Мақал-мәтелдер сайысы:

Біреуінің жүрегінің түгі бар

Біреуінің арқалаған жүгі бар

Біреуінің күмбірлеген күйі бар

Біреуінің қатты істейтін миы бар,

дей келе химиялық мақал-мәтелдер сайысына кезек берейік.

IV. Сергіту сәті.

Сергіту сәті: «Сәлемдесу» ойыны

-Қазір біз сендермен ойын ойнаймыз, қимылды тез жасауларың қажет. «Бастаймыз» деген белгі берілгенде, мен қалай амандасу керек екенін айтамын, сонда сендер бір-бірлеріңмен тез-тез амандасасыңдар. Әр адаммен әртүрлі амандасасыңдар. Сонымен, көзбен… қолмен… иықпен… құлақпен… тіземен… өкшемен… арқамен.

V. Қызықты химиялық тәжірибелер.

Ғажайып нәрсе химия,

Тұңғиық сыры әр алуан.

Жоғалып бір зат зым-зия

Жаңалап бірі жаралған.

-Енді бір сәт химия ғылымының қыры мен сырын білсем деген құштарлығы артқандар үшін «Химия ғажайыптарына» назар аударсақ.

1.Бейтараптану реакциясы

Қажетті заттар: натрий гидроксиді, тұз қышқылы немесе фосфор қышқылы, фенолфталеин индикаторы, стакан.

Жүргізілуі: стакан алып, натрий гидроксидін құямыз. Үстінен фенолфталеин тамызамыз. Түсі таңқурай түске өзгереді. Бұл негіздік ортада сілтінің таңқурай түс көрсететінін айқындайды. Бейтараптандыру үшін үстінен қышқыл тамызамыз, түсі жойылады. Яғни негіз бен қышқылдың бейтараптанғанын түсінің мөлдір түске өзгергендігінен көреміз.

2.Жанатын қант

Қажетті заттар: шақпақ қант, күл, сіріңке, пинцет.

Жүргізілуі: Шақпақ қантты күлге аунатамыз. Сосын пинцетпен қантты ұстап, сіріңкемен жағамыз. Нәтижесінде қант жанады.

3.Жанбайтын орамал

Қажетті заттар: орамал, желім немесе клей, су, спирт, қысқыш, сіріңке.

Жүргізілуі: стаканға су құйып, үстіне азырақ желім құйып, орамалды салып аламыз. Сосын орамалды спиртке батырып, қысқышпен ұстап тұрып сіріңкемен жағамыз. Нәтижесінде орамал жанбайды.

4.Жасанды көбік

Қажетті заттар: колба, су, калий перманганаты, ыдыс жуатын гель, сутектің асқын тотығы.

Жүргізілуі: Колбадағы суға үстіне аз мөлшерде калий перманганатын құйып араластырамыз. Оған ыдыс жуатын гельді қосамыз. Үстіне сутектің асқын тотығын құйғанда, көбік пайда болады.

VI. Химиялық жұмбақтар.

Адамнан ғылым айла асырмаған

Құпиясын құлыптап жасырмаған

Кел, бәріміз ғылымның тілін зерттеп

Бір жұмбағын ашайық ашылмаған,

-дей келе кезекте сұрақтарға жауап берейік

Мақсаты: Химия пәнін өмірмен байланыстыра отырып, маңызына ғылыми тұрғыдан түсінік беріп, оқушылардың пәнге қызығушылығын арттыру.

Мақсаты: Білім алушыларды сергітіп, бой жаздыру.

Мақсаты:

Химия пәнін өмірмен байланыстыра отырып, маңызына ғылыми тұрғыдан түсінік беріп, оқушылардың пәнге қызығушылығын арттыру.

 (Word woll мақал-мәтел сайысы)

Зертханалық құрал жабдықтар

(Word Woll) химиялық жұмбақтар сайысы

Сабақтың соңы

Рефлексия

5 мин.

Оқушылармен сабақтың оқу мақсаттарына оралу. 

Сабақты қорытындылау.

VII. Қорытынды

Химияны оқу парыз әркімге,

Оқиды оны барлық елде, әр тілде

Химияның оқыңдар әр бөлімін,

Кездесер ол алдарыңнан әр күнде.

Химияны оқиық біз көңілмен,

Кездесер ол күнделікті өмірден.

Химияда болады көп ертегі,

Салт - дәстүрмен келе жатқан ертелі.

Химия - біздің жас кеме ғой,

Болашаққа бағытталған желкені.

Күшейтеміз химияның сапасын!

Берер бізге болашақ ақ батасын.

Ғылымдардың негізгі бір саласы

Химиямыз мәңгі бақи жасасын

-деп бүгінгі сабағымызды аяқтаймыз!

Мақсаты: Сабақта алған білімді жүйелеу:

– Химия туралы не білді, қандай тәжірибе жасады, не байқады – соны ой елегінен өткізу.

Өзіндік ой айтуға үйрету:

– Оқушы химияның күнделікті өмірдегі орнын өз сөзімен айтып беруге тырысады.