Тобы: Ересек «Балдырған» тобы

Білім беру  саласы:  Таным

ҰОҚ: Математика негіздері
Тақырыбы:  «Ғажайып математика»
Мақсаты:5 көлемінде сандық есептеуге үйрету.Сандарды тура және кері санау,балалардың тілдерін дамыту жұмыстарын жалғастыру,іс-әрекет дағдыларын меңгерту,әлемнің тұтас бейнесін түсініп,ойлауға ауызша қосып-алу және геометриялық пішіндер туралы ұғымдарын тиянақтап,түстерді ажыратуға,қарым-қатынас,көмек көрсету,сыйластықты қалыптастыру.Балаларды тапқырлыққа,іздемпаздыққа тәрбиелеу.
Қолданылатын әдіс-тәсілдер: сұрақ-жауап,топпен жұмыс,сергіту сәті, «Қай сан жоғалды?»,дидактикалық ойын, жұмбақтар.
Алдын-ала жүргізілетін жұмыстар; көрнекіліктер дайындау,суреттер,геометриялық пішіндер

Оқу қызметінің барысы:

Шаттық шеңбері:

Сәлем саған жер Ана!

Сәлем саған нұрлы күн

Аман-есен болайық

Бейбітшілік құрайық

Ұйымдастыру кезеңі: Ал қане балалар орнымызға отырайық.
– Балалалар мен сендерге құр қол келген жоқпын.Мына шарларды ала келдім.

-Бір жылда неше мезгіл бар?
– Төрт мезгіл бар,қане атап шығайық: қыс,көктем,күз,жаз

-Бұл шарлардың түсі де сол төрт мезгілді белгілейді.

-Мына шардың түсі қандай? (ақ)

-Бұл шардың түсі қай мезгілді білдіреді?

-Қыс, қыста жер қандай болады(ақ)

-Ал мына шардың түсі қандай?

-Сары, бұл түс қай жыл мезгілін көрсетеді?

-Күз өйткені ағаштардың жапырақтары сары түске боялады екен.

-Жасыл шар,бұл түс шөптердің түсі сияқты.

-Табиғат көктемде оянып,жер беті жасыл шөпке толады.

-Қызыл шар,қай жыл мезгілін білдіреді?

-Қай уақытта гүлдер қызыл түске боялады?

-Жаз мезгілі.

-Балалар түстерді білдік,енді сиқырлы шардың ішіндене бар екенін білгілерің келеме? Қане шарды жарып көрейік.

-Ой балалар бұл шардың ішінде бізге берілген тапсырмалар бар екен

1-тапсырма:

1 -ден 5 –ке дейін тура және кері санау ,екі тілдесанау

2-тапсырма

Дидактикалық ойын: «Жоғалған сан» сандардың көршісін табу.

3-тапсырма

-Дүкенен анам 2 допты алып келді,оның біреуін ініме бердім,менде неше доп қалды?

-Қоянда неше құлақ бар? Мынау ненің суреті?

-Қолда қанша саусақ бар? Қане сана?!

Сергіту сәті:

Бала,бала,балапан,қане қайсы алақан

Саусақтарың әйбат,былай-былай ойнат

Топ-топ,топ-топ басайық,жалаудан күн жасайық

Жаса-жаса алтын күн,жаса-жаса жарқын күн

4-тапсырма

Үлгі бойынша құрастыру «Ракета,кеме,поезд»

Балалар мына түрлі-түсті пішіндерге қараңдаршы? Үлгі сурет бойынша осы суреттерді құрастырайық.

5-тапсырма

Воскобович технологиясын қолдану арқылы геоконттан фигуралар құрастыру.

6-тапсырма

«Таяқшалармен пішіндер құрастыр»

Балалар сендер берілген тапсырмаларды жақсы орындадыңдар.Енді балалар пішіндерден әдемі кілемше құрастырып жапсырайық.Қараңдаршы балалар,қандай әдемі кілемшелер жасадыңдар.Ал осы кілемдегі оюлар қандай пішіннен құралған (үшбұрыш,төртбұрыш,дөңгелек)

Қорытынды:

Геометриялық пішіндерді кілемшеге орналастырдық

1-ден 5-ке дейін тура және кері санадық

Балалар,келесі оқу іс-әрекетінде осы кілемшеге отырып «Ғажайып математика» еліне саяхатқа барамыз.

-Жарайсыңдар,балалар,бәріміз келген қонақтармен қоштасайық.