Ғажайып саяхат

Білім беру саласы: Таным

Бөлімдер: Математика,құрастыру

Тақырыбы: « Ғажайып саяхат»

Мақсаты: Балалардың қарапайым математикалық ұғымдарын бекіту,ойлау қабілетін арттыру,3-ке дейінгі сандарды қайталау,геометриялық пішіндерді қайталау. Табиғатқа деген қамқорлық сезімін ояту. Басына қиындық түскенге әрқашан көмек көрсету керек екенін түсіндіру. Әдіс- тәсілі: сұрақ-жауап, көрсету,тыңдау,дидактикалық ойындар

Көрнекіліктер: кейіпкерлер киімі, үнтаспа,геометриялық пішіндер,суреттер

Қостілділік компонент :Гном-ергежейлі,өрмекші-паук,көбелек-бабочка Сөздікжұмыс: кассир, касса,билет,поезд Іс-әрекет кезеңдері

Әсем әуенмен балалар топқа кіріп,шеңбер болып тұрады.

Тәрбиеші: Бүгінгі күнге жақсы тілектерімізді білдіріп,амандасамыз.Қанекей,жыллы сөздер айтайық. (Поезд жүреді, бекеттен жылаған дауыс естіледі) Отбасының гүліміз,Көңілді өтер күніміз.“Қайырлы таң” деп айтамыз,Бір болып, кеште қайтамыз

.- Бүгінгі күн жақсы болсын!

- Сәтті болсын!

- Денсаулығымыз мықты болсын! Ұйымдастыру-Іздестіру

Тәрбиеші: Ой,балалар естимісіңдер, біреу жылап жатқан сияқты.

- Сәлеметсің бе , балақай! Саған не болды, неге жылап отырсың?

- Мен ойнап жүрген едім. Кенеттен қатты жел соғып мені ұшырып әкетті. Енді үйіме қайта алмай жылап отырмын

.- Балалар біз ергежейліге көмектесеміз бе?Жолға жаяу шығуға да болар еді,алайда ұзақ жол жүруге тура келеді.Барар жерге тез жету үшін не керек бізге,айтыңдаршы,балалар?- Поездға отырудан алдын не алуымыз керек?

- Ал , билетті кайдан аламыз?- Билет сататын адамды кім деп атаймыз?

- Барлығымыз бару үшін неше билет керек болады? Дидактикалық ойын: «Поезға билет » Ой , балалар кассадан билеттерді алу үшін мынадай тапсырмаларды орындауымыз керек екен. (конверттің ішіндегі тапсырмаларды шығарып әр балаға тапсырады.)

Тәрбиеші: — Барлық жолаушылар орындарына жайғастыма? Кеттік ендеше. Пш-пш-пш-пш біз кеттік, Жүрісті тым үдеттік. Гу-гу-гу-гу гуілде, Қалып қойма біріңде.

— Оң жағымызға қараймыз, енді сол жағымызға қараймыз. №1 фонограмма ойналады (паравоздың даусы) №2 фонограмма ойналады (сарқыраманың даусы )

— Балалар, біздің поездіміз тоқтап қалды. Қане , бәріміз сыртқа шығып не болғанын көрейікші . Қараңдаршы, бұл өзен ғой!

— Өзеніміз қандай- жалпақ па әлде жіңішке ма? Түсі қандай екен?

Тәрбиеші: — Не істесек екен а? Ергежейліні үйіне қалай жеткіземіз, өзеннен қалай өтсек екен? Ергежейлі :

— Өзенде көпір болған , оны жел бұзып кеткен. Көпір салсақ қалай болады?! (Қалған балаларды отырғызу)

— Балалар қараңдаршы мұнда қандай пішіндерді көріп тұрмыз? Бұл геометриялық пішіндердің арасынан өзімізге керек пішінді табу үшін ең алдымен мына тапсырмаларды орындап алайық. ( тақтада геом.пішіндердің пазлысы берілген. Суреттің арасынан үшбұрышқа,төртбұрышқа ұқсайтын заттарды тауып құрастыру.) Дидактикалық ойын « Көпір салайық » (Өзеннің маңында әртүрлі геометриялық пішіндер жатады. Сол пішіндердің арасынан көпір тұрғызу үшін керегін аламыз және түсіне қарай орнатамыз.)

Тәрбиеші:

— Қандай пішін алдың?

— Түсі қандай? ( Көпір тұрғызып, әрі қарай жолға шығады.)

— Балалар , біз сендермен бірге гүлдер алаңына келген сияқтымыз! Гүлдер жайқалыпты, әсемдік деген осы, ия, балалар! Қане барлығымыз құшағымызды кең жайып таза ауаның иісін иіскейікші. Ергежейлі: Қараңдаршы, соққан жел көбелектерді өрмекшінің торына түсіріп тастапты. Біз оларды құтқаруымыз керек! Өрмекші торына қанша көбелек түсіпті?

Тәрбиеші: Өрмекші көбелектерді байқамау үшін көбелек түсіне қарай сол түстегі гүлдерге отырғызу керек, қане көбелектерге жасырынуға көмектесеміз.

Дидактикалық ойын: « Үйін тап »

— Көбелектің түсі қандай?

— Бұл көбелекті қай гүлге отырғызамыз?

— Көбелектер мен гүлдер тең бе?

— Қайсысы көп?

— Неге гүл көп деп ойлайсыңдар

Ергежейлі: Балалар келіңдер бәріміз бірге би билейік . ( «Гномиктер» деген музыка ойналады.) — Рахмет сендерге балалар! Маған үйімді табуға көмектестіңдер. Ал, мен сендерді тәттілермен силағым келеді.