Халық кеңесі – халық пен билік түйіскен келелі кеңес

Мемлекетіміздің дамуымен өркендеуінің бағыт-бағдарын айқындайтын еліміздің басты кеңесінің кезекті жиыны – Ү Ұлттық құрылтай Сыр бойындағы Қызылорда қаласында өтуде. Құрылтай жобалары мен жұмыстары ҚР Президентінің Жарлықтары мен маңызды тұжырымдамаларына негізгі мәйегі болды. Құрылтайда басты өзекті мәселелер Мемлекет басшысы Қасым-Жомарт Тоқаевтың қатысуымен талқыланатын белгілі жайт. Еліміздің болашағына арнап құрылған кешенді жоспарлар мен тұжырымдамалық құжаттар – құрылтай жұмысының негізгі бөлігі.

«Мемлекет басшысы Қазақстан халқы Ассамблеясы мен Ұлттық құрылтайдың функцияларын біріктіреді. Кеңес құрамына 126 адам кіреді.

Төрағаларды Президенттің өзі тағайындайды. Орган заң шығару бастамасы құқығына ие болады. Сондай-ақ әлемдік және дәстүрлі діндер көшбасшыларының съезін өткізу де осы органның құзыретіне кіреді. Халық кеңесі Конституцияға енгізіліп, оныі қызметі үшін жаңа заңдар қабылданады», деп хабарлайды atameken.business.

Қызылордада өтіп жатқан Ұлттық құрылтайда Президент маңызды жаңалықтармен бөлісті. Сонымен қатар ел тарихына тоқтала отырып, Мемлекет басшысы жаңа орган Халық кеңесін құруды тапсырды. Халық кеңесі – еліміздің даму бағыт-бағдарын айқындайтын халық пен билік түйіскен келелі кеңес болмақ.