Сабақтың мазмұны:

Ресурстар

Сабақтың мақсаты:

• Қиянат жасамау құндылығының мәнін ашу.

Міндеттері:

• Білімділік: Көмектесуге, ешкімге зиян келтірмеуге үйрету.

• Дамытушылық: Жан-жануарларға қамқорлық жасауға ынталандыру;

• Тәрбиелік: Бірлікке, ынтымаққа тәрбиелеу.

Оқулық, видео

проектор , бояғыштар

Сабақтың барысы:

1.Ұйымдастыру кезеңі:

(5 «Т» ережесін сақтау)

Тәртіп,

Тыныштық,

Тазалық,

Татулық,

Талапты сақтауға шақырамын.

Тыныштық сәті: (Жағымды күйге ену) «Су асты патшалығына саяхатқа » шығамыз.

Мұғалім: Арқамызды тік ұстап отырамыз. Аяқ-қолымызды айқастырмаймыз, қолымызды партаның үстіне қоямыз. Көзіңізді жұмып терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз Су асты патшалығына саяхатқа барамыз. Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз, жақындай түскенде оның дельфин екенін түсіндіңіз. Ол сізді теңіз түбіне саяхатқа шақырады. Ол өте әдепті жануар, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет.

Жан жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы қаншама орасан зор балықтар. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық,толық тыныштық. Осы тыныштық күйде болыңыз.

(Мұғалім бірнеше минут үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.Сыныпқа оралыңыз, өз орныңызға келіңіз. Осы тыныштықты өз бойыңызда сақтауға тырысыңыз, көзіңізді жаймен ашыңыз, күлімсіреңіз. Рахмет!

2.Үй тапсырмасын тексеру.

• Өзіміз тұратын мекендегі ескерткіштер жайлы жазып келген мәліметтерін айтады.

3. Дәйексөз.

«Атадан мал қалғанша, тал қалсын»

• Дәйексөздің мағынасын түсіндір?

4. Әңгімелеу.

Бәсіре Серік Нұғыман

• Бәсіре дегеніміз не?

• Енші деген не?

• Ерулік деген не?

Оқушылармен осы сұрақтар аясында әңгімелесеміз.

5.Шығармашылық жұмыс

1-тапсырма:

• Қазақ халқының қандай салт-дәстүрлерін білесіңдер?

2-тапсырма:

• Қандай ырым - тыйымдарды білетіндерімізді дәптерге жазамыз.

1. Топпен ән айту

Айгерім Қалаубаеваның орындауындағы ән.

Ертегілер әлемі

1 Ғажайып түс көрдім, 2. Гүл тердім бұлттардан,
Таң ата мен бүгін, Әр гүлде бір арман,
Ертегі әлемнің қызығында жүрдім, Таусылмайтын тәтті,
Нұрына шомылдым бүгін. Сыя келіп жатты
Жұлдыз, айы көркем, Жан біткеннің бәрі маған.
Әдемі еді неткен,
Құстары сөйлейді,
Бұлттары тербейді,
Мен оянып кеттім, әттең!
Қ/сы: Ертегілер, ертегілер,
Неге мені ертпедіңдер

Әлемдеріңнің ғажап күйін шертпедіңдер сендер?
Ертегілер, ертегілер,
Неге мені ертпедіңдер,
Әлемдеріңнің ғажап күйін шертпедіңдер сендер?

2. Үй тапсырмасы:

• Отбасындағы атадан балаға келе жатқан дәстүрлер туралы жазып келу.

8. Соңғы тыныштық сәті:

Баяу музыка қоямыз..

Тыныштық, тыныштық, тыныштық бар жерде,

Тыныштық, тыныштық, тыныштық бүкіл әлемде!

• Балалар, бүгінгі сабақта алған жақсы қасиеттерді бойларыңызға сіңіріп, жүректеріңізге түйіп алыңыздар. Бүгінгі сабағымыз аяқталды! Келесі сабақта кездескенше сау болыңыздар!